January 2012, Quezon City. Isang mayamang negosyante ang nagpaalam sa kanyang asawa para sa isang meeting. Pero hindi na siya muling nakauwi. Makalipas ang isang buwan, ang katawan ni Grace Chua-Tan ay natagpuan, naaagnas, sementado at silyado sa loob ng isang bakal na tangke sa Laguna. Ang mga nasa likod ng krimen hindi mga ordinaryong kriminal kundi mga taong sinumpaang magliligtas sa kanya.

Si Colonel Marco de Villa, isang “best and brightest” ng kapulisan, Fullbright scholar at dating spokesperson ay hinatulan ng reclusion perpetua o habang buhay na pagkakakulong. Kasama niyang nabubulok ngayon sa Bilibid ang dalawa pang pulis na sumunod sa kanyang utos. Ang nagdiin sa kanila ang sarili nilang kasamahan. Magkaibigan sila. Magkasosyo sa negosyo.

Walang kidnapping syndicate na sangkot. Kaya ang tanong na iiwan ko sa inyo: Gaano ka katagal magtitiwala sa taong may suot na uniporme at badge? Kung ang kapalit pala nito ay ang sarili mong buhay?

Bago tayo mag-umpisa, baka pwede pa-like ng video na ito. Malaking bagay na ‘to sa aming mga content creators. Maraming salamat po.

Kilala sa business circle sa Quezon City si Grace Chua-Tan. Isa siyang 40-anyos na Filipino-Chinese na nagmamay-ari ng malaking trucking company. Bukod sa logistics, agresibo rin siya sa lending business. Nagpapautang siya ng malalaking halaga sa iba’t ibang negosyante.

Kilala siya bilang isang “tough woman” o matapang na boss. Hindi siya basta-basta nagpapalugi at mahigpit siya pagdating sa paniningil. Dahil sa nature ng kanyang lending business, kailangan ni Grace ng mga tao na kayang maningil sa mga delinquent borrowers. Dito pumasok sa eksena si Colonel Marco de Villa.

Si Colonel de Villa ay hindi ordinaryong pulis. Isa siyang superintendent at dating spokesperson ng National Capital Region Police Office (NCRPO). Mataas ang kanyang educational background. Isa siyang Fullbright scholar na nag-aral pa sa United States. Sa paningin ng publiko at ng PNP, siya ay isang opisyal na may magandang future.

Pero sa likod ng kanyang badge, may side job siya kay Grace. Matagal nang magkaibigan sina Grace at Colonel de Villa. Nagsimula ang kanilang professional relationship noong kinuha ni Grace si Colonel de Villa bilang debt collector. Ang setup ay simple. Gagamitin ni Colonel de Villa ang kanyang impluwensya at awtoridad para singilin ang mga may utang kay Grace na ayaw magbayad.

Kapalit nito, may porsyento o komisyon siya sa bawat collection. Kasama ni Colonel de Villa sa trabahong ito si Dante Reyes, isang dating pulis na naging personal assistant at bata-bata niya. Si Dante ang madalas na kasama sa pisikal na paniningil habang si Colonel de Villa ang nagbibigay ng utos at humahawak ng pera.

Sa simula, maayos ang transaksyon. Nakokolekta ang pera at naibibigay kay Grace. Pero noong mga huling buwan ng 2011, papasok ng 2012, nagkaroon ng problema. Napansin ni Grace at ng kanyang finance team na may mga discrepancies sa records. Base sa accounting, nakakolekta na si Colonel de Villa ng malaking halaga mula sa mga debtors.

Pero hindi ito nire-remit o ibinibigay kay Grace. Ang nawawalang pera ay tinatayang nasa Php13 million hanggang Php18 million. Sinubukan ni Grace na kausapin si Colonel de Villa tungkol dito. Ilang beses siyang nag-follow up. Ayon sa mga source, nagiging mainit na ang usapan nila. Kailangan ni Grace ang pera para sa kanyang negosyo habang si Colonel de Villa naman ay nagdadahilan.

Noong January 19, isang araw bago ang insidente, nakatanggap ng tawag si Dante Reyes mula kay Colonel de Villa. Ang utos ay maghanda para sa isang meeting kinabukasan. Sinabi ni Colonel de Villa na magkikita sila ni Grace sa January 20 para ayusin ang tungkol sa pera at sa mga collection na hindi pa naibibigay. Sa panig naman ni Grace, sinabi niya sa kanyang asawang si David Tan at sa kanyang staff na may kikitain siya kinabukasan.

Ang agenda ay ang paniningil sa milyon-milyong piso na hawak ni Colonel de Villa. Ito ang naging dahilan kung bakit nagpasya si Grace na lumabas ng bahay kinabukasan sakay ng kanyang silver na Toyota Land Cruiser Prado na may plate number na JUS-77. Wala silang kamalay-malay na ang meeting na ito ang magiging mitsa ng isang krimen.

Bandang alas-10 ng umaga noong January 20, 2012, lumabas si Grace Chua-Tan sa gate ng kanilang bahay sa St. Ignatius Village, Quezon City. Minamaneho niya ang kanyang silver metallic Toyota Land Cruiser Prado. Kampante siyang umalis dahil ang alam ng kanyang pamilya isang business meeting lang ang pupuntahan niya para ayusin ang mga financial documents at maningil.

Habang bumibiyahe si Grace sa QC, nasa Pacita Complex sa San Pedro, Laguna naman sina Dante Reyes, ang dalawang pulis na sina PO1 Jun Cruz at PO1 Leo Mercado. Ang utos sa kanila ay mag-standby lang at maghintay ng tawag. Mahigit dalawang oras silang naghintay sa isang fast food chain sa Laguna.

Bandang tanghali, tumunog ang cellphone ni Dante. Si Colonel Marco de Villa ang tumatawag. Maikli lang ang instruction. Kailangan nilang pumunta agad sa Corinthian Gardens sa Quezon City. Agad na sumakay ang tatlo sa kanilang sasakyan at binagtas ang South Luzon Expressway (SLEX) papuntang North. Pagdating nila sa parking area ng isang commercial establishment sa Corinthian Gardens.

Nakita agad ni Dante ang Toyota Prado ni Grace na nakaparada. Nilapitan nila ito. Mula sa labas, nakita ni Dante si Colonel de Villa na nakaupo sa front passenger seat. Sa driver seat naman, nakaupo si Grace. Nakasandal ito at hindi gumagalaw. Binuksan ni Dante ang pinto ng sasakyan. Doon niya nakumpirma na wala nang buhay si Grace.

Base sa kanyang obserbasyon, may tama ito sa ulo at wala nang pulso. Tahimik lang si Colonel de Villa sa tabi ng bangkay. Ayon sa salaysay ni Dante, kalmadong nagsalita si Colonel de Villa habang nakaupo sa tabi ng patay. Sinabi nito sa kanila: “Pinatay ko na siya. Kayo na ang bahala diyan. Ayusin niyo lang ang pagtapon.”

Hindi na nagtanong ang tatlong tauhan kung bakit o paano nangyari ang pagpatay. Agad silang kumilos base sa utos. Binuhat nina Dante, Cruz at Mercado ang bangkay ni Grace mula sa driver seat at inilipat ito sa likod ng SUV. Siniksik nila ang katawan sa floor ng back seat para hindi ito makita mula sa labas ng bintana. Si Dante ang pumalit sa driver seat ng Prado.

Sumakay sa likod ang dalawang pulis na sina Cruz at Mercado para bantayan ang katawan. Nanatili naman sa passenger seat sa harap si Colonel de Villa. Pinaandar ni Dante ang sasakyan palabas ng Corinthian Gardens. Tahimik sila sa loob habang binabaybay ang kalsada ng Quezon City kasama ang bangkay ng babaeng kani-kanina lang ay katransaksyon pa ng kanilang boss.

Binagtas ng Toyota Prado ang C5 Road papuntang South. Tahimik ang grupo sa loob habang nagmamaneho si Dante Reyes. Pagdating sa isang bahagi ng C5 malapit sa Taguig, inutos ni Colonel Marco de Villa na itigil sandali ang sasakyan. Bumaba si Colonel de Villa. Bago isara ang pinto, inulit niya ang utos na siguraduhing maitatapon ng maayos ang katawan at walang makakakita.

Matapos nito, sumakay siya ng ibang transportasyon paalis habang naiwan sina Dante at ang dalawang pulis na sina PO1 Cruz at PO1 Mercado para tapusin ang dirty work. Tumuloy ang tatlo papasok ng South Luzon Expressway (SLEX). Lumipat ang isa sa mga pulis sa passenger seat sa harap. Bandang 2:40 ng hapon, nakunan ng CCTV camera sa San Pedro exit ang sasakyan.

Kitang-kita sa footage ang dalawang lalaki sa front seat, si Dante sa manibela at ang kasama niya. Habang wala nang makikita sa driver side kung saan nakaupo kanina si Grace, dumiretso sila sa Magnum Compound sa Barangay San Vicente, San Pedro, Laguna. Ito ay isang inabandonang warehouse na pamilyar sa grupo.

Pagpasok nila sa gate, nandoon ang security guard na si Mang Berting. Hinayaan lang silang pumasok ng guard at hindi nito ginalaw o sinita ang sasakyan kahit na may karga silang bangkay. Pumunta ang sasakyan sa dulong bahagi ng compound malapit sa mga nakatambak na gamit. Doon may isang malaking steel tank, isang bunker fuel tank na hindi na ginagamit.

Binuhat nina Dante, Cruz at Mercado ang bangkay ni Grace mula sa likod ng Prado. Inihulog nila ito sa loob ng tangke para siguraduhing hindi aalingasaw ang amoy at hindi basta-basta mabubuksan. Kumuha sila ng semento. Hinaluan nila ito ng tubig at sinilyuhan ang takip ng tangke. Sinigurado nilang sarado ang lahat ng singaw bago sila umalis sa pwesto.

Bandang hapon na nang lisanin nila ang compound. Pero hindi pa tapos ang trabaho. Kailangan nilang iligaw ang imbestigasyon. Sa halip na iwan ang sasakyan sa Laguna, nagmaneho sila papuntang Carmona, Cavite. Pumasok sila sa parking lot ng Waltermart Carmona. Ipinark nila ng maayos ang Toyota Prado sa gitna ng ibang mga sasakyan para hindi agad mapansin.

Pagkatapos patayin ang makina, mabilis na bumaba ang tatlo. Iniwan nila ang SUV doon, dala ang susi at tumakas sa magkakahiwalay na direksyon. Sa puntong ito, ang akala ng pamilya ni Grace ay nasa meeting pa rin siya habang ang kanyang sasakyan ay nasa Cavite at ang kanyang katawan ay nasa loob ng selyadong tangke sa Laguna.

Lumipas ang gabi ng January 20 at sumapit ang umaga ng January 21, 2012. Pero hindi pa rin nakakauwi si Grace Chua-Tan. Sinubukan siyang tawagan ng kanyang asawang si David Tan sa cellphone ngunit hindi ito ma-contact. Tumawag din si David sa branch ng Bank of the Philippine Islands (BPI), kung saan dapat pumunta si Grace para pumirma ng dokumento.

Pero sinabi ng staff na hindi sumipot ang kanyang asawa. Dahil dito, dumulog na si David at ang kapatid ni Grace sa mga awtoridad. Humingi sila ng tulong sa Philippine National Police (PNP) dahil sa profile ng pamilya at sa posibilidad ng kidnapping. Binuo agad ang isang special task force na kinabibilangan ng Anti-Kidnapping Group (AKG), National Bureau of Investigation (NBI) at Criminal Investigation and Detection Group (CIDG).

Ang initial na hinala ng pulisya ay kidnapping for ransom. Nagsimula ang malawakang paghahanap. Noong hapon ng January 23, tatlong araw matapos mawala si Grace, natagpuan ng mga pulis ang kanyang silver Toyota Prado. Nakaparada ito sa parking lot ng Waltermart sa Carmona, Cavite. Naka-lock ang sasakyan at walang tao sa loob.

Walang nakitang bakas ni Grace sa vicinity ng mall. Agad na kinuha ng task force ang mga CCTV footage mula sa Waltermart at sa mga toll gates ng South Luzon Expressway (SLEX). Ito ang naging pangunahing ebidensya ng imbestigasyon. Sa footage mula sa Waltermart, nakita ang pagpasok ng Prado sa parking lot. Dalawang lalaki ang bumaba mula sa sasakyan at mabilis na umalis.

Sa footage naman mula sa San Pedro Exit ng SLEX, nakuha noong hapon ng January 20, bandang 2:40 p.m., nakita ang sasakyan ni Grace na lumabas ng tollgate. Malinaw sa video na dalawang lalaki ang nakaupo sa unahan. Wala si Grace sa driver seat at iba na ang nagmamaneho. Ipinakita ng mga imbestigador ang mga video sa pamilya ni Grace.

Agad na nakilala ng kapatid ni Grace ang isa sa mga lalaking sakay ng Prado. Tinuro niya ito bilang si Dante Reyes. Kilala ng pamilya si Dante dahil madalas itong makita kasama ni Colonel Marco de Villa. Alam nilang si Dante ang assistant at tagakolekta ng kernel. Dahil sa pagkakakilanlan na ito, nabuo ang koneksyon sa pagitan ng pagkawala ni Grace at kay Colonel de Villa.

Sa puntong ito, naging person of interest si Dante Reyes. Nakatanggap ang mga pulis ng impormasyon na madalas tumambay si Dante sa isang Off-Track Betting (OTB) station sa Pacita Complex, San Pedro, Laguna. Nagmanman ang mga operatiba sa lugar at naghintay ng pagkakataon na mahuli siya. Noong February 22, 2012, nagbunga ang pagmamanman ng mga awtoridad.

Positibong namataan ng mga operatiba si Dante Reyes sa betting station sa Pacita Complex. Agad siyang pinalibutan ng mga pulis at inaresto bago pa man siya makapalag o makatakas. Dinala si Dante sa headquarters ng Anti-Kidnapping Group (AKG) sa Camp Crame para sa interogasyon. Sa simula ng pagtatanong, matigas ang tanggi ni Dante.

Iginiit niya na wala siyang kinalaman sa pagkawala ni Grace Chua-Tan at hindi niya alam kung nasaan ito. Pero handa ang mga imbestigador. Inilabas nila ang ebidensyang nakuha nila noong mga nakaraang linggo. Ipinakita nila kay Dante ang mga CCTV footage mula sa Waltermart Carmona at sa SLEX tollgate. Sa video, malinaw na nakita ang mukha ni Dante habang minamaneho ang Toyota Prado ni Grace at habang bumababa sa parking lot matapos itapon ang sasakyan.

Nang makita ni Dante ang sarili sa monitor, hindi na siya nakaimik. Napagtanto niyang wala na siyang lusot dahil sa bigat ng ebidensya. Dito na siya nagdesisyong makipagtulungan sa mga awtoridad. Kumuha si Dante ng abogado at nagbigay ng isang extrajudicial confession. Sa kanyang sinumpaang salaysay, ibinunyag niya ang lahat ng detalye.

Inamin niya na siya ang nagmaneho ng sasakyan at tumulong sa pagtatapon ng katawan. Pero idiniin niya na si Colonel Marco de Villa ang utak ng krimen. Ayon kay Dante, patay na si Grace nang datnan nila ito sa Quezon City kasama ang Colonel. Sinabi rin niya na kasabwat ang dalawang junior police officers na sina PO1 Jun Cruz at PO1 Leo Mercado.

Ang pinakamahalagang impormasyon na ibinigay ni Dante ay ang lokasyon ng bangkay. Sinabi niya sa mga pulis na hindi nila ginalaw ang katawan palabas ng Laguna. Sa halip, dinala nila ito sa Magnum Compound sa Barangay San Vicente, San Pedro. Detalyadong inilarawan ni Dante kung paano nila inihulog ang bangkay sa isang malaking bakal na tangke sa loob ng warehouse at kung paano nila ito sinemento para hindi maamoy.

Ito ang breakthrough na hinihintay ng task force para masara ang kaso. Kinabukasan, maagang-maaga noong February 23, nag-convoy ang mga operatiba ng Anti-Kidnapping Group (AKG) at ng Scene of the Crime Operatives (SOCO) papunta sa San Pedro, Laguna. Kasama nila si Dante Reyes, nakaposas at nakasuot ng bulletproof vest upang ituro ang eksaktong lokasyon.

Dumating ang convoy sa Magnum Compound sa Barangay San Vicente. Ito ay isang malawak na warehouse area na maraming nakatambak na gamit, mga gulong at mga scrap metal. Pagpasok sa loob, iginiya ni Dante ang mga pulis sa isang sulok ng compound kung saan naroon ang isang malaking tangke. Nilinaw ng mga imbestigador na ito ay isang bunker fuel tank at hindi septic tank.

Taliwas sa mga unang report, mapapansin na ang takip nito ay bagong semento. Senyales na sadyang isinara ito kamakailan lamang. Gamit ang mga heavy tools, binasag ng mga awtoridad ang semento at binuksan ang takip ng tangke. Agad na sumingaw ang masangsang na amoy mula sa loob. Nang tuluyang mabuksan, tumambad sa kanila ang isang naaagnas na bangkay ng babae.

Nasa advanced state of decomposition na ang katawan dahil mahigit isang buwan na itong nakulong sa loob ng tangke. Hindi na makilala ang mukha nito. Upang makasiguro sa pagkakakilanlan, sinuri ng pamilya at ng forensic team ang katawan. Positibong kinilala ang bangkay bilang si Grace Chua-Tan dahil sa isang distinct na tattoo sa kanyang baywang.

Dumating sa crime scene si Dr. Raquel Fortun, isang forensic pathologist na kinuha ng pamilya Tan. Isinagawa ang initial examination at autopsy. Ayon sa findings ni Dr. Fortun, ang ikinamatay ni Grace ay subdural hemorrhage dulot ng blunt force trauma sa ulo. Ibig sabihin, pinalo siya ng matigas na bagay sa ulo na naging sanhi ng kanyang pagkamatay.

Bago pa man siya itinapon sa tangke, hindi siya namatay sa suffocation sa loob. Habang iniinspeksyon ang paligid ng tangke para sa iba pang ebidensya, may natuklasan pa ang team ni Dr. Fortun at ang mga pulis. Ilang metro lang ang layo mula sa tangke, nakakita sila ng mga sunog na pira-piraso ng buto. Kinumpirma ni Dr. Fortun na ang mga ito ay human bones, mga bahagi ng bungo (skull) at mga daliri. Ipinahihiwatig nito na may sinubukang sunugin sa lugar na iyon. Gayunpaman, dahil sunog na sunog na ang mga buto, sinabi ng eksperto na imposible nang makuha ang DNA o makilala kung kanino ito galing. Nanatili itong misteryo habang ang bangkay ni Grace ay inalis na sa compound para sa maayos na libing.

Matapos ma-recover ang bangkay at makumpirma ang krimen, agad na kumilos ang Department of Justice (DOJ) para sampahan ng kaso ang limang indibidwal na sangkot. Ang mga akusado ay sina Colonel Marco de Villa, ang state witness na si Dante Reyes, ang dalawang pulis na sina PO1 Jun Cruz at PO1 Leo Mercado, at ang security guard na si Mang Berting.

Isinama sa kaso si Mang Berting dahil naging highly suspicious para sa mga prosecutor na hindi niya napansin ang pagpasok ng sasakyan at pagtatapon ng katawan, gayong 20 meters lang ang layo ng kanyang guard post mula sa tangke. Sa simula, ang kasong isinampa ng Philippine National Police (PNP) ay kidnapping with ransom and homicide.

Ang basehan nila ay ang pagkawala ni Grace at ang hinalang may kinalaman ito sa pera. Gayunpaman, sa isang 14-page resolution na inilabas ng DOJ prosecution panel noong May 2012, binago ang nature ng kaso. Ayon sa mga prosecutor, walang sapat na ebidensya na nagpapatunay na may naganap na demand para sa ransom.

Dahil dito, ibinasura ang kidnapping charge at pinalitan ito ng kasong murder. Ang naging batayan ng DOJ sa kasong murder ay ang testimonya ni Dante Reyes, ang mga qualifying circumstances na abuse of superior strength at treachery. Isinaalang-alang ng korte na ang biktima ay isang babae na walang kalaban-laban laban sa apat na lalaki kabilang ang tatlong pulis.

Malinaw din sa imbestigasyon ang motibo ng krimen: pera. Base sa financial records ni Grace Chua-Tan, lumabas na si Colonel de Villa ay nagtatrabaho bilang debt collector ng biktima. Ang hidwaan ay nag-ugat sa hindi pagre-remit ng colonel ng mga nakolektang pera na umaabot sa Php13 million hanggang Php18 million.

Ito ang pinaniniwalaang dahilan kung bakit nagkaroon ng mainit na pagtatalo na nauwi sa pagpatay. Sa kabilang banda, mariing itinanggi ni Colonel de Villa ang lahat ng paratang. Sa kanyang counter-affidavit, inamin niyang nagkita sila ni Grace sa Corinthian Gardens noong January 20 para pag-usapan ang negosyo pero iginiit niyang iniwan niya itong buhay. Ayon sa depensa ni Colonel de Villa, bumaba siya ng sasakyan at iniwan si Grace na kasama si Dante Reyes. Sabi niyang wala siyang motibo para patayin ang kaibigan niya at tinawag niyang “sinister” ang pagdadawit sa kanya sa kaso.

Sa kabila ng pagsasampa ng kaso, nagpahayag ng pangamba ang pamilya ni Grace at ang kanilang abogado. Noong panahong iyon, wala pa sa regular na kulungan sina Colonel de Villa at ang dalawang pulis. Sila ay nasa ilalim lamang ng restrictive custody ng kanilang mga superior sa loob ng kampo.

Nag-alala ang kampo ng biktima na baka gamitin ng mga akusado ang kanilang impluwensya o tumakas bago pa mailabas ang warrant of arrest ng korte. Dito nagtatapos ang imbestigasyon ng pulisya at nagsisimula naman ang laban sa loob ng korte para makamit ang hustisya sa pagkamatay ng negosyanteng natagpuan sa tangke.

Matapos ang pagsasampa ng kasong murder, dininig ng korte ang hiling ng pamilya ni Grace Chua-Tan na mailipat ang mga akusado mula sa restrictive custody ng PNP sa Camp Crame patungo sa isang regular na kulungan. Pinagbigyan ito ng korte. Inilipat si Colonel Marco de Villa at ang iba pang mga akusado sa Camp Bagong Diwa sa Bicutan, Taguig habang hinihintay ang pag-usad ng kaso sa Taguig Regional Trial Court (RTC).

Sa arraignment, naghain ng “not guilty” plea si Colonel de Villa. Nanindigan siya na inosente siya at wala siyang kinalaman sa pagpatay. Dahil ang kasong murder ay non-bailable o walang piyansa, dapat sana ay manatili siya sa kulungan habang nililitis. Gayunpaman, naghain ng petition for bail ang kampo ni Colonel de Villa.

Sa ilalim ng batas, maaari pa ring mag-bail ang akusado sa kasong murder kung mapatutunayan na hindi malakas ang ebidensya ng prosekusyon (evidence of guilt is not strong). Dito nagsimula ang mahabang legal battle na tumagal ng higit dalawang taon. Matapos ang pagsasampa ng kasong murder, dininig ng korte ang hiling. Ang pangunahing stratehiya ng depensa ni Colonel de Villa ay atakihin ang kredibilidad ni Dante Reyes, ang state witness.

Iminatuwid ng mga abogado ni Colonel de Villa na si Dante ay isang “polluted source.” Dahil inamin ni Dante na kasama siya sa pagbubuhat at pagtatapon ng bangkay, iginiit ng depensa na hindi dapat paniwalaan ang kanyang testimonya na si Colonel de Villa ang pumatay. Sinabi nila na posibleng si Dante lang at ang mga kasama nito ang may gawa ng krimen at idinadamay lang ang colonel para makakuha ng immunity.

Sa panig naman ng prosekusyon, ipinresenta nila ang mga CCTV footage, ang recovery ng bangkay sa tangke na itinuro ni Dante at ang motibo sa pera. Para sa kanila, tugma ang kwento ni Dante sa physical evidence. Noong September 2014, naglabas ng desisyon ang Taguig RTC Branch 271 na gumulat sa pamilya Tan.

Kinatigan ng korte ang petition for bail ni Colonel de Villa. Sa desisyon ng judge, sinabing hindi sapat ang ebidensya ng prosekusyon para harangin ang karapatan ng akusado na magpiyansa. Tinukoy ng korte na ang testimonya ni Dante ay galing sa isang co-conspirator at walang ibang independent eyewitness na nakakita mismo sa akto ng pagpalo o pagpatay ni Colonel de Villa kay Grace sa loob ng sasakyan.

Dahil dito, pinayagan si Colonel de Villa na maglagak ng piyansa para sa kanyang pansamantalang kalayaan habang tuloy pa rin ang kaso. Labis itong ikinasama ng loob ni David Tan at ng pamilya Chua. Para sa kanila, ang pagpayag na makalaya ang pangunahing suspect sa kabila ng bangkay sa tangke at CCTV footage ay isang malaking dagok sa kanilang paghahanap ng hustisya.

Agad na naghain ng motion for reconsideration ang prosecution panel at ang pamilya na kinalaunan ay umabot pa sa Court of Appeals para pigilan ang paglaya ni Colonel de Villa at maibalik ito sa kulungan. Hindi tinanggap ng pamilya ni Grace Chua-Tan at ng prosekusyon ang desisyon ng lower court na payagang magpiyansa si Colonel Marco de Villa.

Agad silang umakyat sa Court of Appeals (CA) upang ipawalang-bisa ang bail grant. Ang argumento nila ay malinaw: Nagkaroon ng grave abuse of discretion ang judge nang baliwalain nito ang bigat ng testimonya ni Dante Reyes at ang mga CCTV footage. Noong March 2015, naglabas ng desisyon ang Court of Appeals. Pumanig ang Appellate Court sa pamilya ng biktima.

Sa kanilang ruling, sinabi ng CA na malakas ang ebidensya ng guilt laban sa akusado at mali ang pagpayag na makalaya ito pansamantala. Agad na ipinag-utos ng korte ang pagkansela sa bail bond ni Colonel de Villa at ang agarang pag-aresto sa kanya upang ibalik sa kulungan. Bumalik si Colonel de Villa sa kustodiya sa Camp Bagong Diwa habang tinatapos ang paglilitis.

Tumagal pa ng dalawang taon ang mga hearing, presentasyon ng mga testigo at pagsusumite ng mga pormal na offer of evidence. Sumapit ang araw ng paghuhukom noong August 16, 2017. Puno ang sala ng Taguig Regional Trial Court Branch 266 para sa promulgation ng kaso. Naroon ang pamilya ni Grace kabilang ang kanyang asawang si David Tan, limang taon nang naghihintay ng hustisya.

Naroon din si Colonel de Villa at ang dalawang pulis na sina PO1 Jun Cruz at PO1 Leo Mercado. Binasa ng Clerk of Court ang desisyon na isinulat ni Judge Toribio Ilao Jr. Sa hatol ng korte: Guilty beyond reasonable doubt ang verdict laban kay Colonel Marco de Villa para sa kasong murder. Binigyang diin ng korte na bagama’t walang ibang nakakita sa aktwal na pagpatay sa loob ng sasakyan, ang chain of circumstances — mula sa pag-alis ni Grace para makipagkita sa kanya, ang CCTV footage, ang pagtatago sa bangkay at ang detalyadong testimonya ni Dante Reyes — ay sapat na upang patunayan na siya ang may sala.

Hindi pinaniwalaan ng korte ang depensa niyang alibi at denial. Nahatulan ding guilty ang dalawang junior police officers na sina PO1 Cruz at PO1 Mercado bilang mga kasabwat o conspirators. Dahil mga pulis sila na dapat ay nagpapatupad ng batas, itinuring na aggravating circumstance ang paggamit nila ng kanilang posisyon.

Ang parusang ipinataw sa tatlo ay reclusion perpetua o habang buhay na pagkakakulong na walang eligibility para sa parole. Inutusan din silang magbayad ng danyos o damages sa pamilya ng biktima. Matapos ang promulgation, tinapos na ang kustodiya nila sa Bicutan. Inilipat si Colonel de Villa at ang dalawang pulis sa New Bilibid Prison sa Muntinlupa City upang doon bunuin ang kanilang sentensya.

Para sa pamilya ni Grace, bagama’t hindi na maibabalik ang buhay ng kanilang mahal sa buhay, nakuha nila ang hustisya matapos ang limang taong pakikipaglaban sa korte. Ang dating tinitingalang opisyal ng pulisya at scholar ay tuluyan nang naging convicted murderer.