Hindi napigilan ni Bearwin Meily na mapaiyak nang makapanayam ng PEP.ph (Philippine Entertainment Portal) tungkol sa mga pinagdaanan niya sa buhay.
Si Bearwin ay kilalang comedian at madalas na kuning sidekick sa mga pelikula at sitcom mula late ’90s hanggang noong early 2000s.
Kasama siya sa mga pelikula ni Robin Padilla tulad ng Tunay Na Tunay: Gets Mo? Gets Ko! (2000) at You and Me Against The World (2003).
Bearwin Meily with Robin Padilla and Jolina Magdangal in Tunay Na Tunay: Gets Mo? Gets Ko!
Bahagi rin si Bearwin ng mga sitcom tulad ng Palibhasa Lalake at Bida Si Mister, Bida Si Misis.
Bearwin Meily on Palibhasa Lalake with lead stars Richard Gomez, Anjo Yllana, and John Estrada
Bumida rin siya sa pelikulang Hari Ng Sablay kasama si Rica Peralejo noong 2005. Iyon ang kasagsagan ng kanyang pagsikat bilang komedyante.
Pero kalaunan, lumamlam ang karera niya sa showbiz.
“Year 2009 kumonti na yung project ko niyan,” bungad ni Bearwin nang tanungin ng PEP kung kailan nagsimulang nag-lie low siya sa pag-arte.
“Kasi namatay yung daddy ko 2008, emphysema, kapareho ng kay Tito Dolphy,” pagtukoy niya sa pumanaw na Comedy King.
Nang pumanaw ang ama, sunud-sunod daw na hamon sa buhay ang dinanas ni Bearwin.
Aniya, “Nawalan ako ng work, nabenta ko ang bahay at kotse namin, at nagkaroon kami ng different challenges sa family.”
Aminado si Bearwin na hindi niya naalagaan noon ang mga kinita niyang pera sa pag-aartista.
“So anyway, those days and times na talagang iniisip ko rin na, ‘Saan ako pupunta?’
“E, manginginom po ako. Lahat po ng bisyo tinitira ko. Wala akong disiplina sa katawan.
“Galing ako sa hirap. Nung nagkapera ako, lahat gusto kong tirahin. So ganun ho ka-worse,” balik-tanaw pa ni Bearwin.
Bearwin Meily with Maricel Soriano and Hyubs Azarcon in Bida Si Mister, Bida Si Misis
BEARWIN MEILY ON FAITH JOURNEY
Wala na raw siyang ibang makapitan noon.
“So sabi ko, ‘Lord, tulungan mo ako. Kung hindi maaga akong mamamahinga!’
“Then, iyon po yun, dun po nag-start lahat yun.”
Ang sukdulan ng hirap na pinagdaanan ni Bearwin ang naging daan para raw mapalapit siyang muli sa Diyos.
“Iyon yun—yung 2012, I encountered Christ again. So nag-serve na ako nun sa CCF, Christ’s Commission Fellowship, that’s our church now.
“So somehow, nakikita niyo na sa social media nagse-share ako, mga inspirational videos, so dun po iyon.”
Sa puntong ito, hindi napigilang mapaiyak ni Bearwin habang inaalala ang hirap na pinagdaanan niya noon.
“Yung parang… kung kailan ka lumapit kay God, mas lalo ka niyang ginamit. Kung kailan ako nag-serve kay God ang daming challenges pang dumaan.
“So kung kailan ka sumuko, dun ka pa niya lalo gustong yakapin.
“So that’s the hard part. Iyon yun, yung mga time na yun,” naluluhang pagbabahagi niya.
Fast-forward to present time, natutunan daw ni Bearwin na may mga bagay na mas mahalaga kaysa sa kasikatan at sa pera.
“Ah, yes! Career-wise, achievement-wise, nadaanan na po.
“Pero ngayon, yung bank account, hindi na po mahalaga sa akin yun. Yung kasikatan, hindi na po mahalaga sa akin.
“Makatawid na lang kami, to encourage others, to motivate others, to share kung gaano kabuti si Lord sa ating lahat. Hindi lang sa akin, sa ating lahat.
“Boundary na po ako.”
Higit sampung taong “guesting-guesting na lang” daw si Bearwin sa larangan ng pag-arte.
“Hanggang nito na lang, nito na lang ako nakabalik ulit with NET25, with Quizon City…”
Nakapanayam ng PEP at ibang reporters si Bearwin sa You Versus You Run 2025 mediacon na ginanap sa Max’s Restaurant sa Quezon City noong June 24, 2025.
JOURNEY TO A HEALTHIER LIFESTYLE
Kasabay ng pag-lie-low niya sa showbiz noon ay natuklusan naman ni Bearwin ang passion niya sa pagtakbo.
Nang pagbidahan daw niya ang Hari Ng Sablay noong 2005, iyon daw ang panahong umabot siya ng 210 pounds, na pinakamabigat niyang timbang.
“I started running, so hanggang sa malayuan na yung tinatakbo ko. So pumayat na po ako, it was 2009.”
Sa ngayon ay higit-kumulang 180 pounds ang timbang ni Bearwin.
Paliwanag niya, malaking bagay ang disiplina at pagpapahalaga sa sarili na natutunan niya.
“Actually, yung weight hindi siya masyado, e. Kasi mas marami pang mas malalaki na pumayat talaga.
“But I think yung continuation, yung consistency, and yung testimony kung ano na talaga yung pinamumuhay mo.”
Diin pa ni Bearwin, “Hindi kasi papayatan lang, e. Ang tanong, kung ano talaga yung kabuuan na nagbago sa iyo.”
Naging daan din daw ang pagtakbo niya para maibsan ang kalungkutan niya nang pumanaw ang ama noon.
“Isa po yun, isa po yun. So it’s a choice,” ani Bearwin.
“Kasi ang dami ko na ring kaibigan… Well, nakasabay ko sila Tito Redford [White], nakasabay ko sila Carding [ReyCards Duet], marami!
“Nakasabay ko si Sammy Lagmay, at kung sinu-sino pang mga kilalang komedyante.
“Si Jodi Sta. Maria bata pa, sa Star Cinema kami.”
RUNNING EVENT ON JULY 20
Sa ngayon, si Bearwin ay abala sa pag-organisa ng thematic runs sa Pilipinas.
Siya ang head at race director ng You Versus You Run 2025, isang fun run na gaganapin sa July 20 sa Ayala Vermosa Sports Hub, Imus, Cavite.
Inorganisa ito ng 88 Sports PH, isang division ng 88 ACE Production Corp. Si Michael Maranan ang president and CEO ng 88 ACE.
Ang proceeds ng event ay ilalaan sa mga kabataan at sari-saring community development.
Ang fees para sa race ay PHP1,350 (3K), PHP1,450 (5K), PHP1,550 (10K), at PHP1,750 (16K). Ang race kit ay may singlet, race bib, finisher shirt, at medal.
Pumunta sa kanilang official website para sa ibang detalye at registration. Sa ibang inquiries, maaari ring kontakin si Bearwin sa kanyang mobile number: +639988543432.
News
“Hindi Mo Aakalain: Isang Masipag na Tindero ng Basahan, Pinahiya at Binastos sa Harap ng Publiko ng Isang Makapangyarihang Bank Manager — Naiyak, Namutla, at Lahat ng Nakakita ay Nabigla sa Kakaibang Eksena na Nagbago ng Buhay Niya Magpakailanman!”
Sa abalang kalsada ng lungsod, makikita si Dave, isang simpleng binata na may karitong puno ng basahan. Suot ang…
“Shocking Revelations sa Senado: Inamin ni Sally Santos ang Pagdadala ng Karton-Karton na Pera sa Opisina ng DPWH — Lihim na Transaksyon, Milyon-Milyong Piso, at Pangalan ng Mga Sangkot na Engraver, Nagpabuwal sa Lahat ng Nakarinig!”
Sa isang nakakagulat na paglalahad sa Senado kamakailan, si Sally Santos, isang kilalang kontraktor at dating opisyal ng ilang…
“NALUNGKOT ANG BUONG SHOWBIZ: Malapit na Kaibigan ng Sotto Brothers Pumanaw! Isang Trahedya na Yumanig sa Pamilya Sotto, Mga Tagahanga, at Mga Kasamahan—Kwento ng Katapatan, Pagmamahal, at Pagdadalamhati na Humawak sa Puso ng Bansa”
NALUNGKOT ANG BUONG SHOWBIZ: Malapit na Kaibigan ng Sotto Brothers Pumanaw! Isang Trahedya na Yumanig sa Pamilya Sotto, Mga…
“NAKAKAGULAT NA REVELATION: Ang Kamatayan ni Rico Yan HINDI Dahil sa ‘Bangungot’! Bagong Ebidensya at Testimonya Pumukaw ng Nakakatakot na Tanong – Ano ba Talaga ang Nangyari sa Pinakamamahal na Matinee Idol ng Pilipinas?”
NAKAKAGULAT NA REVELATION: Ang Kamatayan ni Rico Yan HINDI Dahil sa ‘Bangungot’! Bagong Ebidensya at Testimonya Pumukaw ng Nakakatakot…
“NAGALIT NA SI DISCAYA!🔥 Binanatan ang mga Kurap na Pulitiko, Eksklusibong Detalye ng DPWH Contracts, Blacklist, at Lihim na Kita na Pumukaw sa Senado — Tunay na Drama sa Likod ng Matataas na Proyekto!”
NAGALIT NA SI DISCAYA: Binanatan ang Mga Kurap na Pulitiko at Ipinakita ang Tunay na Kwento sa DPWH Projects!…
“MGA KAALYADO NI CHIZ ESCUDERO, NAGULAT SA BIGLANG PAGPALIT!‼️Hindi Alam Kung Bakit Pinalitan si Keso—Eksklusibong Detalye sa Intriga sa Senado, Mga Diskaya at Secret Meeting, Magpapabaliw sa Publiko sa Tunay na Labanan ng Kapangyarihan!”
MGA KAALYADO NI CHIZ ESCUDERO, GULANTANG SA BIGLANG PAGPALIT SA SENATE PRESIDENT‼️ Ang Tunay na Labanan ng Kapangyarihan sa…
End of content
No more pages to load
