Booked and busy nga talaga si Shuvee Etrata! Sa gitna ng sunod-sunod na TV guestings, trending online ang isa sa mga pinakaabangan ngayon na dating PBB housemate matapos siyang “pag-agawan” ng tatlong TV shows sa masayang social media exchange.

Shuvee Etrata pinag-aagawan ng tatlong show, fans tuwang-tuwa (📷@shuveeetrata/Instagram)
Source: Instagram

Nagsimula ang viral interaction nang mag-post ang morning show na “Unang Hirit” sa X (dating Twitter) ng, “Sa Unang Hirit muna si muse reporter Shuvee bukas ha,” na naka-tag pa sa “It’s Showtime”, kung saan madalas ding mag-guest si Shuvee. Hindi nagpahuli ang Showtime at sagot nito, “Salamat at naka pinned post pa ito haaaaa nagreply na ko sa blue app, tnx tnx,” na ikinatuwa ng netizens.

Hindi doon nagtapos ang kulitan—lumipat ang eksena sa Facebook kung saan muli silang nagbiruan. Sagot ng “It’s Showtime” sa post ng Unang Hirit: “Nugagawen q una ka nang humirit kay shuvee,” kalakip ang isang nakakatawang larawan ni Vice Ganda. Kumpleto na sana ang kwento, pero pumasok din ang “Pinas Sarap”, food show ni Kara David, at nagkomento: “Anong kaguluhan ito? Basta sa amin si Shuvee sa Sabado,” na sinundan pa ng isang poster-style promo para sa guesting ni Shuvee sa July 19, 8:15pm sa GTV.

Tila walang plano ang buong usapan—ayon sa social media manager ng Unang Hirit, nagulat silang sinagot ng It’s Showtime ang tweet nila, at hindi nila inasahan ang ganitong “collab” online. Pero sa fans, isang treat ito—tatlong show, isang muse, at isang maingay na timeline.

Mas nakilala si Shuvee Etrata bilang isa sa mga housemates ng Pinoy Big Brother (PBB). Kilala sa kanyang “Island Ate ng Cebu” charm, mabilis siyang naging paborito ng fans dahil sa kanyang wit, authenticity, at entertaining presence. Bagama’t hindi siya ang grand winner, masasabing isa siya sa pinakasikat na personalidad mula sa season nila. Ipinagpapatuloy niya ngayon ang kanyang showbiz journey sa pamamagitan ng mga guesting, hosting stints, at viral social media presence.

Noong mga nakaraang linggo, naging usap-usapan si Shuvee matapos siyang ikumpara sa mga kilalang personalidad na sina Maymay Entrata at Melai Cantiveros. Sa halip na ma-offend, tinanggap niya ito bilang constructive criticism at sinabi niyang proud siya sa kanyang journey at may tiwala siya sa sariling uniqueness. Ito ay patunay ng kanyang maturity at pagpapakumbaba bilang bagong mukha sa industriya.

Samantala, sa isang episode ng It’s Showtime, tinanong ni Vice Ganda si Shuvee kung sino ang “pinakafyang” o pinakanakakatawang PBB batch. Hindi lang kilig kundi halakhak ang dala ng interaction, na muling nagpatunay kung gaano ka-natural si Shuvee sa harap ng kamera at sa pagpapatawa. Nag-viral ang segment na ito at mas lalong minahal ng madla si Shuvee.