Ibinahagi ni Zeinab Harake, isang kilalang YouTube star at online influencer, ang masayang celebration ng ika-8 kaarawan ng kanyang anak na si Luca sa kanyang opisyal na Instagram.

Zeinab Harake, may pasilip sa 8th birthday party ni Lucas: “We chose to keep it small” (@zeinab_harake)
Source: Instagram

Noong Friday, July 18, natuwa ang marami nang makita ang napakasayang bonding ng kanilang pamilya sa isang intímate birthday celebration sa bagong post ni Zeinab sa photo-sharing app.

Ayon sa mga larawan sa Instagram, mas pinili nina Zeinab at ng kanyang asawa na si Bobby Ray Parks Jr. na gawing simple ngunit makabuluhan ang espesyal na araw ni Lucas ngayong taon.

Tanging ang kanilang mga anak lang ang kasama sa munting selebrasyon para kay Lucas.

Maraming netizens ang natuwa at naantig sa mga larawan, lalo na sa taos-pusong mensahe ni Zeinab para sa kanyang anak. Sa caption ng kanyang post, tinawag niya si Lucas bilang kanilang “young king” at labis na pinaabot ang pagmamahal ng kanilang pamilya para kay Lucas.

“Happy Birthday to our Young King. We chose to keep it small but full of love. Just us, just family, just right. Grateful for the laughs, hugs, and memories we are creating together. Praying you enjoyed your special day. We love you so so much!” aniya ng YouTube star sa kanyang post.

Hindi man bongga ang handaan, dama ng marami ang tunay na kahulugan ng isang masayang birthday celebration — ang presensya ng pamilya at ang pagmamahalang walang kapantay.

Sa gitna ng kanyang busy na schedule bilang content creator at public figure, pinatunayan ni Zeinab na ang pamilya pa rin ang kanyang top priority, at wala na ngang mas hihigit pa rito.

 

Swipe left para makita ang iba pang pictures:

Si Zeinab Harake ay isang kilalang Filipino-Lebanese na YouTuber, actress, at social media influencer na kilala sa kanyang masiglang personalidad at nakakaaliw na content. Inilunsad ni Zeinab ang kanyang YouTube channel noong 2019 at agad siyang sumikat, at agad na naabot ang anim na milyong subscribers sa loob lamang ng unang taon. Noong December 2023, umabot na sa 13.9 milyon ang bilang ng kanyang subscribers. Kasama sa kanyang content ang mga lifestyle vlog, challenges, at mga collaboration kasama ang kanyang mga kaibigan at pamilya, na nagbibigay ng silip sa kanyang pang-araw-araw na buhay. Pinalawak din ni Zeinab ang kanyang karera sa pag-arte nang siya ay mag-debut sa pelikula sa 2023 Metro Manila Film Festival horror entry na Kampon, kung saan nakasama niya lang naman sina Derek Ramsay at Beauty Gonzalez.

Sa nakaraang ulat ay nagsalita na si Zeinab Harake sa mga negative comments na kanyang natanggap. Matatandaang isa si Zeinab sa mga rumampa sa fashion show ng designer na si Vee Tan. Agad na nag-viral sa social media ang video ng pagrampa na ito ni Zeinab sa nasabing event. Gayunpaman, may ibang netizens na tila hindi natuwa sa ‘look’ ni Zeinab.

Samantalang napansin naman ng netizens ang tila sobrang daliri sa paa ni Zeinab Harake sa thumbnail ng kanyang camping vlog. Isang page ang nagbiro tungkol dito at agad namang sumagot si Zeinab. Inamin din niya na AI editor ang ginamit niya para sa nasabing vlog. Ibinahagi rin niya ang original na larawan nila bilang patunay na may glitch lamang sa edit.