She hopes her next boyfriend will be “makakasama mo sa buhay.”

Andrea Torres is looking for someone who is “most likely, yun na talaga ang makakasama mo sa buhay.” 
PHOTO/S: @andreaetorres on Instagram

Halos dalawang taon ding hindi gumawa ng anumang teleserye ang Kapuso leading lady na si Andrea Torres.

Base sa mga posts niya sa social media, tila naging abala siya sa travels. Pinili ba niyang mamahinga muna?

“Hindi naman, waiting lang talaga for the right project,” sagot ng aktres nang makausap ng PEP.ph (Philippine Entertainment Portal) kamakailan sa GMA studio.

“And very happy naman kami na ito nga ang in-assign sa amin. Grabe yung pagka-challenge ng role. Yung title pa lang, Akusada, so she was accused of something na sobrang laki.

“Nabago ang buhay niya. Ang dami pang nadamay dahil do’n.”

Andrea Torres plays Carolina in the TV series Akusada. 
Photo/s: PR

Pero hindi lang ang buhay ng character niyang si Carolina ang apektado, maging siya raw mismo.

“Every time na nagte-taping kami, feeling ko may growth talaga, kasi, sobra akong napipiga.

“And kami mismo, parang team work talaga yung nagaganap sa amin, kasi, sila rin ang bibigat din ng mga eksena nila, e.”

At hindi raw nila namamalayan ang paglipas ng araw.

“First time na mangyari sa amin na pagkakuha namin ng script, yung parang four weeks bilang naging one week. Gano’n kabilis.”

Nag-pilot ang Akusada sa GMA Afternoon Prime noong June 30, 2025, at mahigit dalawang linggo na itong napapanood.

Ang huli niyang serye ay ang Love Before Sunrise, na umere noong 2023, kaya itinanong ulit sa kanya ang halos dalawang taon na hindi siya gaanong naging visble sa TV.

May nagsabi pa na parang gusto muna niyang mag-soul searching?

‘“Uy, hindi! Gusto nating mag-work,” natatawang sabi niya.

“Hindi, wala tayo sa ganoong level na aayaw tayo sa work. Ano lang talaga, waiting lang kami lagi. Waiting lang kami kung ano ang darating.

“But in between naman po ng mga shows, tumatanggap ng regional, tumatanggap ng mga guesting.

“Sa Sanggre, nakapag-guest din po ako.”

ANDREA TORRES ON LOVE LIFE

Kumusta na ang buhay pag-ibig ni Andrea?

Andrea Torres is presently single. 
Photo/s: @andreaetorres on Instagram

May boyfriend ba siya ngayon?

“Wala pa pong relationship at the moment, pero nakapag-date-date naman,” sabi niya.

Ang huling publicized relationship niya ay with Derek Ramsay. Natapos ang halos isang taong relasyon nila sa hiwalayan noong Nobyembre 2020.

Mula noon, wala pa siyang nagiging opisyal na karelasyon.

“Wala pa po, puro date-date lang,” pag-uulit niya.

Wala siyang mapili?

“Siguro gano’n na rin, kasi siyempre nando’n ka na rin sa age na gusto mo na rin— nando’n ka na rin sa age na parang feeling mo, kailangang siguraduhin mo na.

“Kasi, most likely, yun na talaga ang makakasama mo sa buhay, so, very careful ka na rin.”

Kung sino ang magiging boyfriend niya, gusto niyang yun na rin ang makakatuluyan niya?

“Ever since naman, parang lagi kong iniisip, kahit nga yung first ko noong college pa lang ako, iniisip ko na, shocks, kami na talaga ang magkakatuluyan,” natatawang sabi niya.

“Gano’n pa rin naman, pero siguro lang mas maingat lang ngayon. Kasi nga, 30s ka na. Mahirap na rin magkamali,” pagtatapos ng 35-year-old star.