AZ Martinez at River Joseph, nasaktan ba sa bansag na ‘least desirable duo’ sa ‘PBB’?

AZ Martinez, River Joseph
Ano ang naging pakiramdam nina AZ Martinez at River Joseph nang masabihan silang “least desirable duo” sa ‘PBB’?

Aminadong nasaktan ang Fourth Big Placer ng Pinoy Big Brother: Celebrity Collab Edition na sina AZ Martinez at River Joseph nang mabansagan silang least desirable duo sa loob ng Bahay ni Kuya.

Sa pagbisita nina AZ at River sa Fast Talk with Boy Abunda nitong Miyerkules, July 24, tinanong ni King of Talk Boy Abunda kung ano ang naging pakiramdam nila noong mabansagan sila nito.

“Para sa akin, siyempre masakit, pero at the same time, I was just thinking to myself na it’s okay kasi ‘yung natirang housemates, hindi ko pa nakaka-duo. Most of my duos already left the house, so they’ve never had an experience with me as a duo so I also understood where they were coming from,” sabi ni River.

Nasaktan din umano si AZ na kinonsidera sila ni River bilang least desirable na housemates, ngunit inaasahan na niya ito. Sa katunayan, inasahan na niya na wala talagang pipili sa kaniya bilang final duo partner.

“When it was announced in front of me, of course, I had a slight hope na sana I’m wrong, sana may pumili rin sa’kin. But then, turns out I was right, and River was there for me when I was processing everything,” sabi ng aktres.

BALIKAN ANG PAGKAKAANUNSYO NINA AZ AT RIVER BILANG IKATLONG DUO NA NAKAPASOK SA BIG FOUR SA GALLERY NA ITO:

Ayon kay AZ, si River ang nag-comfort sa kaniya noong mga panahon na ‘yun.

Pagbabalik-tanaw pa ng aktres, “He told me na ‘That’s okay if ayaw ka nila maging ka-duo. That’s okay kasi there are other people who would want to.’ So I feel like I was really get back up from it because of River.”

Tinanong din ni Boy si AZ kung bakit mas pinili nito si River, gayong pwede pa niya noong mapili si Esnyr. Ayon sa aktres, iyon ay dahil naging core niya sa loob ng bahay si River.

“He’s been there for me through everything, like ups and downs, nandu’n talaga siya, he’s a safe space of mine, comfort zone. Kaya I wanted him to be as my final duo talaga,” sagot ng aktres.