Photo source: ashleyortega (IG)
Naranasan na bang magkaroon ng selosan sa relasyon nina Ashley Ortega at Mavy Legaspi? Alamin dito.

Hanggang ngayon, talagang nananatiling matatag ang relasyon ng Kapuso real-life couple na sina Ashley Ortega at Mavy Legaspi.

Sa isang panayam ng ex-PBB housemate sa kaniyang brand endorsement, itinanong kay Ashley kung paano ito bilang isang girlfriend kay Mavy.

“As a girlfriend, honestly, parang ang hirap din namang magbuhat ng sariling bangko, madam. Actually, madam, proud naman ako na hindi ako selosa,” pag-amin ng Sparkle artist.

Dagdag niya, “Never pa kami ni Mavy nag-away or nagkaroon ng argument based on jealousy. Never pa talaga.”

Ibinahagi naman ni Ashley kung gaano kabait si Mavy bilang boyfriend. Inamin din niya na hindi niya inakala na darating sa buhay niya ang aktor, lalo’t mas bata ito sa kaniya.

“Malayo yung age gap namin pero parang two [years] na rin kasi birthday ko December, siya January, so parang days lang din ‘yung agwat. Pero si Mavy, unexpected din kasi lahat ng mga past relationships ko, talagang I prefer older men pero siya din talaga ‘yung “Ay, ma-i-in love din pala ako sa younger,’” ikinuwento ni Ashley.

Sa gitna ng panliligaw ni Mavy, nahulog ang loob ni Ashley sa aktor dahil sa pagiging “consistent” nito.

“Na-in love din ako sa kaniya kasi sobrang naging consistent siya, lagi siyang nagsusundo sa akin. He would always show up… So, doon ako na-in-love and as a boyfriend, super maalaga, super thoughtful, one call away, andiyan lang siya,” sabi ng aktres.

Kinumpirma ni Ashley ang kaniyang relasyon kay Mavy sa Fast Talk With Boy Abunda noong February 2025.

Nagkasama sina Ashley at Mavy sa Pinoy Big Brother Celebrity Collab Edition. Si Ashley ay isa sa official housemates sa loob ng Bahay ni Kuya. Samantala, si Mavy ay isa sa nagsilbing host ng reality show.