Former Viva Hot Babes member Ella V. on possible showbiz comeback: “Yan ang hindi ko masasagot kasi ngayon talaga concentrate ako sa aking pagiging housewife and businesswoman.” PHOTO/S: PR Photo

Masaya na sa kanyang buhay may asawa si Ella V., dating miyembro ng Viva Hot Babes.

Nakabase na siya ngayon sa Amerika kasama ang kanyang asawa at mga anak, pero umuuwi pa rin siya sa Pilipinas dahil sa kanyang negosyo.

Ayon kay Ella, hindi naman talaga niya tinalikuran ang showbiz.

Lahad niya sa PEP.ph (Philippine Entertainment Portal): “Naka-base na ako sa USA.

“Actually, hindi ko naman talaga tinatalikuran yung showbiz, e. I just found my soulmate, kaya it’s time for me to settle with my soulmate.”

Ang tinutukoy ni Ella na “soulmate” ay ang kanyang Filipino-American husband na si Shane Manalang.

Pagpapatuloy niya: “We met while I was doing a show here in L.A. We were introduced and started dating.

“I was back and forth here in U.S. and we decided get married since we both felt it was just right for us.”

Ella V. and husband Shane Manalang. 
Photo/s: Instagram

Kumusta ang kanyang buhay niya ngayon?

Pagbabahagi ni Ella: “I have four kids. And I manage it by, of course, with my husband.

“Hindi ko… hindi ko naman kasi lahat magagampanan yun without my husband.

“And of course, surrounded din ako ng sisters ko.

“So I was able to manage it by, you know, getting help from my husband, from other family members.”

ELLA V. on showbiz comeback

Na-miss ba niya ang showbiz?

Sagot niya: “Na-miss ko siyempre, diyan ako galing, e. Kung di ako galing ng showbiz, siguro hindi ko mami-meet din yung soulmate ko.

“Kaya nami-miss ko siya. And I hope there will be a chance na makasama ko pa rin yung mga iba kong kaibigan.”

Kung may offer ba, babalik ba siya sa pag-arte?

“Yan, yan ang hindi ko masasagot kasi ngayon talaga concentrate ako sa aking pagiging housewife and businesswoman,” sabi ni Ella.

Ano ang mga natutunanan niya sa showbiz noon at nais ipayo sa mga baguhan?

“Ayan, maganda kasi yun nag-a-advice ka sa mga baguhan.

“Lalo na sa industriya na to kasi hindi lagi kang success, di ba?

“Pag sinabi nila, step by the step, kumbaga. Pero ang natutunan ko dito, hardwork.

“Dapat passionate ka sa craft mo. Kailangan hanapin mo talaga yung gusto mo.

“And I think, kailangan mahalin mo talaga yung ginagawa mo.”

ELLA’S NEW BUSINESS

Samantala, binuksan na ni Ella ang bago niyang negosyong The Aura Wellness & Spa na matatagpuan sa The Pinnacle Plaza 69 Marikina-Infanta Highway, Brgy. San Isidro, Cainta, Rizal (just a few meters away from Sta. Lucia East Grand Mall).

The Aura Wellness & Spa located at The Pinnacle Plaza 69 Marikina-Infanta Highway, Brgy. San Isidro, Cainta, Rizal (just a few meters away from Sta. Lucia East Grand Mall). 
Photo/s: PR Photo

Sa grand opening ng kanyang negosyo noong Sabado, July 19, 2025, muling nakasama ni Ella ang ilan sa kapwa Viva Hot Babes members na sina Katya Santos, Jaycee Parker, Sheree Bautista, Maui Taylor, Andrea del Rosario, at Zara Lopez.

Ella V. (second from left) with former Viva Hot Babes member (L to R) Katya Santos, Jaycee Parker, Sheree Bautista, Maui Taylor, Andrea del Rosario, and Zara Lopez. 
Photo/s: PR Photo