Alden Richards over the moon at meeting megastar Tom Cruise

Mission accomplished for Alden Richards as he meets Tom Cruise.

Two Ethans in one frame: Kapuso actor Alden Richards (in blue suit) shares an unforgettable moment with Hollywod star Tom Cruise at the red carpet of Mission: Impossible The Final Reckoning premiere in Seoul, South Korea.
PHOTO/S: Screengrab Alden Richards on Instagram

Walang mapagsidlan ang kasiyahan at halos hindi makapaniwala ang Kapuso star na si Alden Richards nang personal niyang makaharap at makausap ang Hollywood action megastar na si Tom Cruise.

Kabilang si Alden sa dumalo sa star-studded premiere ng action movie ni Tom, ang Mission: Impossible —The Final Reckoning, sa Seoul, South Korea.

Sa Instagram ngayong Huwebes, May 8, 2025, ipinost ni Alden ang mahigit isang-minutong video kung saan kausap niya si Tom sa red carpet mismo.

Makikita sa video na hindi binitiwan ni Alden ang kanang kamay ni Tom habang nag-uusap sila.

May pagkakataon ding nagyakapan ang dalawa.

alden richards holds tight to tom cruise’s hand.alden richards holds tight to tom cruise’s hand.

Photo/s: Screengrab Alden Richards on Instagram alden richards holds tight to tom cruise’s hand.

Kapansin-pansin din ang pakikinig nang mabuti ni Tom sa sinasabi sa kanya ni Alden, hanggang sa magkayayaan ang dalawang magpakuha ng litrato.

Photo/s: Screengrab Alden Richards on Instagram meeting an idol

Yun nga lang, hindi narinig sa video kung ano ang pinag-usapan ng dalawa dahil may nakalapat na musika sa video.

Ang tanging sigurado lamang ay masaya si Alden na nakausap at nakita niya nang malapitan ang iniidolo niyang si Tom.

Mababasa sa caption ni Alden (published as is): “Ethan meets Ethan…I have no words!”

“Ethan” ang pangalan ng karakter ni Alden sa pelikula nila ni Kathryn Bernardo na Hello, Love, Goodbye at Hello, Love, Again.

Habang “Ethan” din ang pangalan ni Tom sa kanyang franchise film na Mission: Impossible.

Netizens’ Reaction to Alden-Tom MeetUp

Sa comments section ng post ni Alden ay bumuhos ang komento ng netizens at mga kaibigan niya sa showbiz industry na nasiyahan para sa Kapuso actor.

Comment ni Kristoffer Martin: “Graabeee yan booooiiii.”

Hirit ni Eruption: “Proud moment bro! Gettem! Idol!”

Sabi naman ni Miguel Tanfelix: “pa video greet ako hahahaha jk.”

Biro ni Rodjun Cruz: “Wohohoy! Napakasolid @aldenrichards02, nameet mo tito Ko!”

Kabilang pa sa mga nagkomento sina Dennis Trillo, Mark Bautista, Shaira Diaz, Ogie Alcasid, Kaye Bautista, Rocco Nacino, Jerald Napoles, at Jeric Gonzales.

Photo/s: Screengrab Alden Richards on Instagram

Photo/s: Screengrab Alden Richards on Instagram

Photo/s: Screengrab Alden Richards on Instagram