Heaven Peralejo: “When we see each other, okay kami. Parang walang nagbago.”

Heaven Peralejo on breakup with Marco Gallo: “It was a mutual decision to move forward, individually. So, we’re okay. We’re good friends.”
PHOTO/S: Instagram

Tinuldukan na ni Heaven Peralejo ang bulung-bulungang tinapos na nila ni Marco Gallo ang kanilang relasyon.

Maraming netizens kasi ang nakapansin noon pang Hunyo 2025 na in-unfollow na ni Heaven si Marco sa Instagram.

Nagbura na rin siya ng mga larawan nila.

Si Marco naman ay mga branded content at collab na lamang with brands ang mga natira nilang pictures or video ng ex-girlfriend.

Sa panayam ni MJ Marfori ng News5, kay Heaven na mismo nanggaling na wala na sila ni Marco.

Pagkumpirma niya, “We’re not together anymore.”

Mutual decision daw nila na tapusin na ang kanilang relasyon.

Paliwanag niya: “It was a mutual decision to move forward, individually.

“So, we’re okay. We’re good friends. And ayun po.

“Sana, of course, maintindihan po yan ng mga tao na nagmamahal sa amin.”

Nananatiling magkaibigan daw sila ng ex-boyfriend.

Sabi pa niya, “Oo naman. Kasi parang, before naman po naging kami, we were good friends. And so yun yung foundation namin, e.”

Giit niya, “And saka it was a mutual decision.”

Pero sa mga nakaraang panayam nila noong maayos pa ang kanilang relasyon, tila mauuwi na sa pagpapakasal ang kanilang samahan.

Saad niya, “Ganun naman po talaga.”

Willing ba siyang maka-work pa muli si Marco?

Sagot niya, “As of the moment, we have to give time to each other, di ba?

“To breathe muna and everything like that. Pero when, once we see each other naman and when we see each other, okay kami. Parang walang nagbago.”

Heaven likens invisible string theory to relationship with Marco in february interview

Sa huling interview kay Heaven sa Fast Talk With Boy Abunda nitong nakaraang February 2025, sinabi ng aktres na one hundred percent daw na in love siya kay Marco.

Unang nagkasama sina Heaven at Marco sa ABS-CBN reality show na Pinoy Big Brother: Lucky 7 noong 2016.

Heaven Peralejo and Marco Gallo during Pinoy Big Brother: Lucky 7 in 2016.

Noong panahong iyon, tinanong ni Boy Abunda si Heaven kung ano ang nagustuhan nito sa pagpasok sa PBB Lucky 7 dahil magkakaroon pa lang noon ng PBB Celebrity Collab Edition ang GMA-7 at ABS-CBN.

“Ang nagustuhan ko sa loob ng bahay was actually meeting Marco,” pagtukoy niya sa Filipino-Italian actor.

“Naniniwala ako sa invisible string theory na, imagine, nagkita kami when we were kids. It did not work out. I liked him, he liked me during that time pero bata pa masyado.

“And then, after seven years, again nagkita kami, and then look how it folds… unfolds di ba?”

Ang “invisible string theory” ay lumang paniniwala ng mga Tsino kung saan ang dalawang tao ay kunektado ng “invisible string” at balang araw ay itinadhana talaga sila.

Naging Instagram official sina Heaven at Marco noong November 25, 2024.