Naging mas mapili na si Kristoffer Martin sa mga proyektong gagawin dahil sa pamilya

Photo Source: kristoffermartin_ (IG)

Nagkaroon umano ng layon o purpose ang buhay ni Sparkle actor Kristoffer Martin dahil asawa niyang si AC Banzon at anak nilang si Precious.

Sa “Fast Talk” segment ng Fast Talk with Boy Abunda nitong Martes, July 23, pinakumpleto ni King of Talk Boy Abunda kay Kristoffer ang pangungusap na “Complete this: Family is…”

Sagot ni Kristoffer, “Family gives me purpose.”

Nang udyukan siya ng batikang host na ikwento kung bakit niya nasabi iyon, sabi ng singer-actor, “Parang it keeps me grounded kapag iniisip ko ‘yung asawa ko, ‘yung anak ko na lahat ng ginagawa ko is nakikita nila.”

BALIKAN ANG ENJOYABLE FAMILY VACATION NG PAMILYA NI KRISTOFFER SA GALLERY NA ITO:

Hindi umano maaapektuhan si Kristoffer ng mga sasabihin ng mga tao at hindi aakyat sa ulo niya ang mga palakpak ng mga tao dahil ang importante lang sa kaniya ay ang reaksyon ng kaniyang pamilya.

“Lalo na ng anak ko, Tito Boy,” sabi ng aktor. “Lalo ngayon, mapili ako sa mga ginagawa kong shows kasi eventually, alam ko makikita na ‘to ng anak ko, lalo na ngayon, nagtatanong na ‘yung anak ko.”

Sa katunayan, minsan pa nga siya tinanong ni Prè kung kapatid ba niya ang naging anak ni Kristoffer at Elle Villanueva sa Makiling noon. Tinanong pa siya ng kaniyang anak kung nagchi-cheat ang singer-actor sa kaniyang asawa na si AC.

Kaya naman, para malinawan ang kanilang anak ay pinaliwanag na lang nila ni AC na trabahao lang niya iyon.

“Ngayon kasi, nagkakautak na siya, Tito Boy, kaya ‘pag nanonood siya, talagang kung ano ‘yung pumasok sa utak niya, itatanong niya talaga,” sabi ni Kristoffer.

Panoorin ang panayam kina Kristoffer at Lexi Gonzales dito: