H0T: Si Nyoy Volante, Nagsalita sa Ex Nina—May Sorpresang Reunion Kaya ang Mangyayari?!
Nyoy answers he and Nina are “very okay” when they see each other.
Siniguro ni Nyoy Volante na matagal nang natuldukan ang di pagkakaunawaan nila ng dating nobya na si Nina.
Humigit-kumulang isang taon silang magkasintahan bago napabalita ang hiwalayan nil noong 2007.
Masalimuot ang break-up nila.
Taong 2009 nang maghain ng reklamo si Nina laban sa mga magulang ni Nyoy dahil sa pagkakautang ng halagang PHP1.4M.
Diumano, tumalbog ang mga inisyung tseke ni Nyoy kay Nina.
November 2011 nang kumpirmahin ni Nina na nagkaroon sila ng settlement ni Nyoy.
Napag-usapan ang nakaraan nang tanungin ng PEP.ph (Philippine Entertainment Portal) si Nyoy kung posibleng ang past issue nila ang dahilan kaya hindi kasama si Nina sa reunion concert ng Sessionistas.
Ang Sessionistas ay dating grupo ng singers sa ASAP.
Sa reunion concert, ang kasama ni Nyoy ay sina Ice Seguerra, Sitti, Juris Fernandez, Princess Velasco, Duncan Ramos, at Kean
“Wala, matagal na yun. There’s nothing anymore to discuss kasi wala na yun,” saad ni Nyoy kung bakit wala sa line-up si Nina.
“But also, obvious na dapat nandun siya sa concert na yun, hindi lang talaga maiiwasan ang pagkakataon.
“Siyempre Valentine’s, especially for artists like us na ang repertoire is love, mga love songs, talagang mabiling-mabili kami.
“Nagkataon lang talaga at the last moment nag-decide ang Sessionistas, ‘Ano, gusto ninyo mag-concert?’
“So, hindi namin, unfortunately, nakumpleto yung line-up. ”
Ayon pa kay Nyoy, nagpapansinan sila ni Nina sa mga pagkakataong nagkikita sila.
“Okay naman, very, very okay,” paglilinaw ni Nyoy.
Bukas din si Nyoy sakaling may mag-alok na magsama sila sa isang show ni Nina.
“No problem,” ani Nyoy.
Sabay dagdag niya, “But also kasi sa ngayon, especially in our place sa industry, lahat kami may kaniya-kaniyang careers and everyone is doing really well.
“The best thing talaga is to explore kung sino pa ang puwedeng makatrabaho.”
Si Nina ay may sariling pre-Valentine concert sa February 7.
NYOY VOLANTE MARRIED LIFE
Parehong may kanya-kanyang buhay sina Nyoy at Nina.
Kinasal si Nyoy sa theater actress na si Mikkie Bradshaw noong 2016; samantalang si Nina ay kasal din sa non-showbiz guy na si Enrico Enriquez.
Kinumusta ng PEP ang buhay may-pamilya ni Nyoy.
Sagot ni Nyoy, “My wife and I, my daughter, we’re very much enjoying life right now.
“Lahat ng blessings na nakukuha namin from work, talagang ninanamnam namin.
“I can tell you enough na sa dinami-dami ng pinagdaanan namin nung pandemic… it’s more than enough to make us realize na sandali lang ang buhay, e, so kailangang enjoy-in talaga.”
Nakapanayam ng PEP si Nyoy sa presscon ng Love, Sessionistas sa opisina ng Fire and Ice Entertainment sa Quezon City noong January 13, 2025.
Ang Love, Sessionistas ay gaganapin sa The Theater at Solaire sa February 8.
ON REUNION WITH SESSIONISTAS
Excited si Nyoy sa upcoming concert nila ng Sessionistas dahil magkakasama-sama silang magkakaibigan.
“Unang-una, every time I have a show with them, kahit di kumpleto masaya, e.
“Kasi iba yung katrabaho yung alam mo na, ka-vibes mo ang ugali kahit papaano since magkakakilala na kayo.
“Pero ngayon it’s a concept, may purpose talaga na kailangang paghandaan, sobrang nakaka-overwhelm.”
Para kay Nyoy ang malalim na samahan at pagkakaibigan ang rason kung bakit buo pa rin ang Sessionistas ngayon.
“To be honest nagbago lang kami as individuals dahil mas mature na kayo.
“Kung mapapansin niyo yung kulit, yung familiarity, nandun talaga.
“I can say na kung mayroon man, individual na pagkatao lang namin ang naiba, pero as Sessionistas, ganun pa rin.
“I guess baduy, pero Yung friendship talaga yung nagtali sa amin, yung reason kung paano kami naging ganun ka-tight.
“Marami ng mga kaibigan sa industriya, pero iba yung very good friends.”
ON ABS-CBN FRANCHISE
Isa si Nyoy sa mga artista ng ABS-CBN na nanatiling loyal sa istasyon sa kabila ng pagkawala ng prankisa ng kumpanya noong 2020.
Masaya si Nyoy na ngayon ay may mga kongresistang nagtataguyod na maibalik ang prankisa ng network.
“I would be very honest na yung ABS without a franchise ang solid pa rin ng ABS.
“Of course, it would be very, very much appreciated, mas maganda kung magkakaroon pa ng franchise.
“ABS-CBN kasi is more than that, being a company, it’s like a family.
“Not for anything else, makikita naman up until to now, ABS is strong, healthy, talagang nandiyan. It never disappeared.”
Masasabi raw ni Nyoy na saksi siya sa kung paano mag-alaga ng artista ang dating broadcast giant.
“Ganito na nga, ang corny na naman, pero sa totoo lang ABS care about us. They care about the people that work for them.
“Inaalagaan talaga kami. ABS cared about kung ano ang nangyayari sa amin.
“They cared kung ano ang nangyayari sa amin, so they can help us kung ano pa ang magagawa nila para mapalago nila kami as an artist, as a perfomer.
“Yah, nakakabilib lang, more than anything nakakabilib ang ABS, they are standing strong.”
