Kim Chiu says moving on is easier if there is acceptance…

Hindi napigilan ni Kim Chiu na maiyak habang nagsasalita tungkol sa pagmu-move on kapag nawala ang isang taong minamahal.
Sabi ni Kim, naniniwala siyang anumang pangyayari sa buhay ng isang tao ay itinakdang mangyari.
Naglabas ng kanyang saloobin si Kim sa “Expecially for You” segment ng It’s Showtime ngayong Valentine’s Day, February 14, 2024, Miyerkules.
Ang searcher ay si Fe, isang babaeng pinagtaksilan noon ng asawa para sa ibang babae.
Nagkahiwalay sila, pero nagkabalikan matapos ang pitong taon.
Sinabi ni Fe na tinanggap niya ang mister para sa kanilang mga anak at dahil mahal pa niya ito.
Pero nagkaroon ng chronic kidney disease ang asawa at sa pangalawang pagkakataon ay iniwan siya nito. Pumanaw ang kanyang mister noong pandemic.
Naniniwala si Fe na kaya nagkahiwalay sila noong unang beses ay para maging matibay siya sa pangalawang beses na paglisan ng asawa.
Umantig ang kuwentong ito sa mga host, kabilang na si Kim.
Sa puntong iyon, nagsalita si Vice Ganda tungkol sa hirap ng pagmu-move on kapag naiwan ng minamahal.
“Ang hirap. Pinipilit mong mag-move on pero kahit saan ka magpunta, kahit anong gawin mo, nakikita at nararamdaman mo siya,” sabi ni Vice.
Sa puntong iyon ay nagsalita si Kim. Bakas ang bigat sa dibdib ni Kim habang nagsasalita kaya bigla na lamang siyang naiyak.
Binanggit ni Kim na mas magiging madali ang pagmu-move on kapag tinanggap ng tao na ang anumang pangyayari sa ating buhay ay nakatakdang mangyayari.
Sabi ni Kim, “Tsaka lahat ng nangyayari sa buhay natin, di naman yon by chance or by accident.”
Sa puntong ito ay hindi na napigilan ni Kim ang pag-iyak at bumuhos na ang kanyang luha.
“Lahat naman ng nangyayari sa buhay natin is written. Ginawa na yon bago pa man tayo pinanganak,” sabi pa niya.
Naniniwala raw sa Kim na lapag ganito ang pag-iisip ng isang tao, “mas madaling tanggapin ang lahat ng bagay.”
Pagpapatuloy ni Kim, kahit nawala ang mister ni Fe sa pangalawang beses ay nakatulong naman ito para maging mas matatag siya.
Paliwanag ni Kim, “So, parang lahat ng nangyayari sa bawat tao, like si Mommy Fe, hindi naman nangyari ang paghihiwalay nila by accident.
“Sadyang itinadhana yon and then binalik sa kanya, and then tinanggal uli sa kanya, and that made her strong.”
Pagsegunda ni Vice kay Kim, “And hopefully ma-realize natin yon kung bakit yun nangyari. Eventually, ma-realize nating lahat.”
May mga mapagmasid na netizens na nakapansin sa pag-iyak ni Kim dahil sa usaping moving on.
Ang iba, nagkomento ukol sa recent breakup ni Kim sa kasintahang si Xian Lim.
Noong December 23, 2023 ay kinumpirma nina Kim at Xian ang kanilang paghihiwalay matapos ang di mamatay-matay na isyung hiwalay na sila.
Pero may iba namang pinanggagalingan ni Kim katulad ng usaping pamilya, lalo pa at wala naman siyang specific na taong tinukoy.
News
Minsang Tinanggihan ni Julia Montes ang ‘Saving Grace’—Until One Surprising Moment Changed Everything! 😱
Dreamscape Entertainment had just revealed and confirmed Julia Montes’ comeback project on primetime television via “Saving Grace.” “Saving Grace” is…
EKSKLUSIBO: Napakalaki ng Kahulugan para kay Julia Montes ng Nakakagulat na Dahilan na ‘Saving Grace’!
Kapamilya actress Julia Montes shared why Saving Grace holds a special place in her heart. In an exclusive interview with PUSH ABS-CBN, she revealed…
H0T: DJ-influencer Jellie Aw, nagtungo sa NBI para ireklamo ang fiancé na si Jam Ignacio
Prominent club DJ Jellie Aw has sought the assistance of the National Bureau of Investigation (NBI) following her public accusation…
SH0CKING Twist: Si Jellie Aw ay Gumagawa ng Mabangis na Aksyon para Ilagay si Jam Ignacio sa Likod ng Bar Pagkatapos ng Abuse Scandal!
Disc jockey Jellie Aw vowed to send her fiance Jam Ignacio to jail after exposing her beaten-up face. Jellie and…
Binasag ni DJ Jellie Aw ang Katahimikan sa Nakakagimbal na Insidente Kasama si Jam Ignacio – Nagra-rally ang Fans sa Suporta!
Influencer and club DJ Jellie Aw is thankful for the support she received after she accused Jam Ignacio of mauling…
OMG! Tinawag ni Ogie Diaz si Jam Ignacio matapos umanong abusuhin ang fianceé na si Jellie Aw!
Ogie Diaz bravely called out Jam Ignacio after allegedly abusing fianceé Jellie Aw Ogie Diaz on Facebook Jam Ignacio/@jamignacio on…
End of content
No more pages to load