McCoy papatayin na rin sa ‘Batang Quiapo’, Andrea ipapasok ni Coco

McCoy papatayin na rin sa 'Batang Quiapo', Andrea ipapasok ni Coco

TRULILI kaya na papasok sa “FPJ’s Batang Quiapo” si Andrea Brillantes? Ito ang subject ng tsikahan ngayon sa loob ng ABS-CBN.

Na-curious tuloy kami kung ano ang gagampanang karakter ni Andrea at kung magiging batang Quiapo rin ba siya at kung may ka-loveteam sa serye?

Ang tanong, si Kyle Echarri kaya ang magiging ka-partner ni Andrea kung matutuloy nga ang pagpasok niya sa naturang serye.
Matagal nang haka-haka na papasok ang aktres sa “Batang Quiapo” kalagitnaan pa lang ng 2024 pero hindi namin ito binigyan ng pansin.

Unang-una, abala pa ang dalaga noon sa iba’t iba niyang projects kaya mukhang ngayong 2025 na ito matutuloy na inaabangan na rin ng kanyang mga fans.

Primetime King Coco Martin returns to action in "FPJ's Batang Quiapo"

Anyway, kaya isa-isa nang tsinugi ni Coco Martin bilang direktor at producer ng “Batang Quiapo” ang malalaking pangalan sa serye tulad nina Sen. Lito Lapid, Mark Lapid, Joey Marquez, Irma Adlawan at Lorna Tolentino ay dahil maraming papasok na bagong karakter.

Isa pang malapit na ring mamaalam ay ang kinaiinisan ng lahat ng manonood, ang karakter na ginagampanan ni McCoy de Leon na si David.

In fairness matagal din si McCoy sa “BQ” kaya tiyak na mami-miss nito ang pagpunta sa taping ng serye. Palaisipan din kung nagkaayos na basila ng partner niya in real life na si Elisse Joson.

Kapansin-pansin kasi na walang family pictures sina McCoy at Elisse kasama ang anak nilang si Baby Feliz nitong nagdaang Pasko at Bagong Taon kaya ang iniisip ng lahat ay baka may pinagdaraanan na namang problema ang dalawa.

Going back sa mga bagong papasok na karakter sa “Batang Quiapo”, abangan na lang sa mga susunod na episode kung sinu-sino sila.