Kuwento ng 56-year-old star sa PEP.ph (Philippine Entertainment Portal), “Ako, simple joy ko, yung naka-duster lang ako buong araw.

“Yung gabi na ako maliligo, yung nakaupo ako sa craft room ko, gumagawa ako ng mga gusto ko. With my dogs.”

Dahil batang-bata pa lamang siya noong nagsimulang magtrabaho, sanay si Janice na may ginagawa.

These days, ini-enjoy niya ang mga araw na hindi niya kailangang magtrabaho.

Dagdag niya, “O minsan, yung kahit nakaupo ka lang na ganyan, yung wala kang ginagawa.

“Okay na yun sa akin, simple joy na yun for me.”

Sa dami ng napagdaanan sa buhay, paano nanatling positibo ang kanyang disposisyon?

Parang hindi siya tumatanda. Ano kaya ang kanyang sikreto?

Pabirong sagot niya, “Hindi tumatanda? Sana hindi ko nararamdaman, di ba?

“Kaso nararamdaman ko yung pagtanda, napi-feel ko yun, e.”

Mapapansin ding parang wala siyang galit kanino man.

Aniya, “A, walang angst sa buhay? Di ba pag tapos na, dapat tapon mo na, tapos na.

“Kasi you can never move forward if you keep on carrying things that happened in the past.

“So dapat, pa-forward ka nang pa-forward.

“Saka, paikli nang paikli yung buhay, di ba? Bawasan na natin yung mga dalahin natin.

“Pag hindi na kailangan, iwan mo na.”

JANICE DE BELEN ON COOKING

Mapapansin namang hindi na masyadong aktibo sa pagluluto si Janice.

Ginawa kasi niyang negosyo ang pagluluto ng ulam noon.

Sagot niya, “Yung pagluluto ko? Alam mo, hindi na rin ako masyadong nakakapagluto kagaya ng dati.

“Kasi yung mga anak, yung mga pinagluluto ko, nasa labas na lahat.

“May sarili na silang… wala na sila sa akin.

“Isa na lang ang natitira sa akin, di ba?

“Pero okay lang yun, nagluluto pa rin naman, minsan-minsan.”

Nakakuwentuhan ng PEP si Janice sa pictorial ng pelikulang Espantaho, na entry ng Quantum Films sa Metro Manila Film Festival (MMFF) 2024.