Kathryn Bernardo, Alden Richards, at Daniel Padilla: Magkikita-kita Ba sa ABS-CBN Ball 2025?

Isa sa mga pinakamainit na usapin ngayon sa social media ay ang inaabangang ABS-CBN Ball 2025, na magaganap ngayong April 4 sa Manila Marriott Grand Ballroom. Mas napaaga nga ang annual event na ito, na karaniwang ginaganap tuwing huling quarter ng taon. Maraming fans ang curious kung bakit biglang inagahan ang event ngayong taon—may espesyal kaya itong dahilan?

Bukod sa nakatakdang pagsasama nina Kathryn Bernardo at Alden Richards sa isang grandest and most star-studded underwear fashion show ngayong March 21 sa SM MOA Arena, mas lalong kinilig ang mga fans ng KathDen sa posibilidad na muli silang magsama bilang partners sa red carpet ng ball.

Ayon sa mga netizens sa X (dating Twitter), bagay na bagay raw na si Alden ang maging escort ni Kathryn sa nasabing event, lalo na’t ang KathDen ang bida sa highest-grossing Filipino movie of all time na “Hello, Love, Again.” Marami ang naniniwalang deserve nila ang spotlight sa event bilang isa sa mga pinakamalalaking love teams ng Kapamilya network.

Ngunit, isang malaking tanong ang bumagabag sa mga fans: Ano kaya ang magiging reaksyon ni Daniel Padilla kung magsasama sa ball sina Kathryn at Alden?

Si Daniel Padilla, na kasalukuyang abala sa top-rated action series na “Incognito,” ay inaasahang dadalo rin sa event bilang isa sa mga biggest Kapamilya stars. Posible kayang magkaroon ng awkward moments o kaya’y magbigay ng kilig ang muling pagsasama-sama ng tatlo sa isang venue?

Samantala, hinihintay na rin ng netizens ang opisyal na listahan ng mga dadalo sa ball, at marami ang umaasang magiging highlight ng gabi ang KathDen at ang kanilang glam moment.

Ikaw, sinong gusto mong makasama ni Kathryn sa ABS-CBN Ball 2025? Si Alden o si Daniel? Abangan natin ang susunod na pasabog sa event na ito!