Pinabulaanan ng pamilya ni Gloria Romero ang kumakalat online na umano’y last will and testament ng yumaong aktres.

Pamilya ni Gloria Romero, nagsalita tungkol sa kumakalat na ‘last will and testament’ ng aktres (PHOTO: Abs-CBN News)
Source: Instagram

 

Mariing pinabulaanan ng pamilya ng yumaong beteranang aktres na si Gloria Romero ang mga kumakalat na ulat online hinggil sa umano’y last will and testament na iniwan niya bago pumanaw.

Iginiit ng pamilya na walang basehan, walang ebidensya, at misleading ang mga nasabing ulat. Nanawagan ang pamilya na bigyan sila ng pagkakataong tahimik na magluksa sa pagpanaw ng batikang aktres. Na-cremate na si Gloria Romero kung saan nagbigay-pugay ang mga malalaking pangalan sa showbiz at ang kanyang mga mahal sa buhay

Ayon sa kanilang opisyal na pahayag na iniulat ni MJ Marfori ng News5, walang katotohanan at walang sapat na ebidensya ang nasabing dokumento. “Misleading, walang basehan, at walang ebidensya kaugnay nito,” paglilinaw ng pamilya ng tinaguriang “Queen of Philippine Cinema.”

Kasabay nito, nanawagan ang pamilya ni Romero na bigyan sila ng pagkakataong tahimik na magluksa sa pagkawala ng kanilang mahal sa buhay. Hinimok din nila ang publiko na igalang ang alaala ng aktres at iwasan ang pagpapakalat ng pekeng impormasyon.

Na-cremate na ang labi ng batikang aktres, kung saan nagtipon-tipon ang malalaking pangalan sa showbiz, pati na rin ang kanyang mga mahal sa buhay, upang magbigay ng kanilang huling pagpupugay.

 

Unang sumikat si Romero noong dekada ’50 at ’60 sa mga pelikulang tulad ng Dalagang Ilocana (kung saan siya nanalo ng Best Actress sa FAMAS noong 1955) at Tanging Yaman na nagbigay sa kaniya ng Best Actress Award sa Metro Manila Film Festival noong taong 2000.

 

Siya rin ay naging inspirasyon ng maraming henerasyon ng artista dahil sa kaniyang disiplina, kababaang-loob, at pagmamahal sa sining ng pag-arte.

 

Ibinahagi ni Amy Perez sa Instagram ang isang nakakaantig na video kasama ang yumaong beteranang aktres na si Gloria Romero.

Ang video ay tila kuha mula sa isang pormal na pagtitipon, kung saan makikitang mahigpit na niyakap ng “It’s Showtime” host ang batikang aktres. Sa kanyang caption, ipinaabot ni Amy ang kanyang taos-pusong mensahe ng pagdadalamhati at pasasalamat kay Gloria Romero.

 

Matatandaang nagbigay-pugay ang Eastwood City at ang German Moreno Walk of Fame Foundation sa yumaong beteranang aktres.
Nag-alay sila ng mga bulaklak sa bituin ni Gloria Romero sa Walk of Fame bilang pagkilala sa kanyang di-matatawarang kontribusyon sa industriya ng pelikula.

Bukod dito, nagbahagi rin ang Eastwood Mall ng isang tribute sa social media bilang pagpupugay sa multi-awarded na reyna ng pelikulang Pilipino.