Childhood Crush ni Kathryn Bernardo, Natuklasan na! Kilalanin si Kenneth, ang Mestizong Doktor na Nagpaiyak sa Internet!

Mainit na pinag-uusapan ngayon ng mga netizen ang naging first ever crush ni Kathryn Bernardo—at hindi lang basta chika ito, dahil nahanap na raw siya ng mga marites online!

Sa episode ng Pilipinas Got Talent noong April 6 (Sunday), naging usapan ng mga hosts at judges ang tungkol sa kanilang mga unang crush. Game na game namang nagbahagi si Kathryn ng kanyang kwento.

Ayon kay Kath, unang beses siyang na-in love noong siya’y Grade 2 pa lang at nag-aaral pa sa Nueva Ecija.
“‘Yung first ever [crush], mestizo siya,” ani ng aktres na tila kinilig pa habang kinukuwento.

Dagdag pa niya, “’Pag crush ko, mas lalo ko siyang hindi kakausapin. As in kahit isabit mo ako, hindi ko aaminin na crush ko siya.”

Dahil dito, kinulit siya ni Melai Cantiveros kung ano nga ba ang pangalan ng unang lalaking nagpabilis ng tibok ng puso niya. Matapos ang kaunting kulitan, ibinunyag din ni Kath:
“Ang name niya ay Kenneth.”

Dahil dito, agad nagsagawa ng online search party ang mga netizens para mahanap si Kenneth. Ilang oras lang ang lumipas, at may netizen na nag-tag sa isang Facebook account na itinuturong si Kenneth mismo—at isa na pala itong doktor ngayon!

Ayon sa mga nakakakilala sa kanya, tugma ang description ni Kathryn—mestizo at matalino. Lalo pang kinilig ang fans nang mag-post ang ama ni Kenneth at sabihin, “Di pa rin niya [Kath] nakalimutan ang bunso ko.”

Maraming fans ang umaasang sana’y magkita ulit sina Kathryn at Kenneth—kahit simpleng hi and hello lang daw, para sa closure at nostalgia.

Sino nga ba ang mag-aakalang ang simpleng kwento ng isang Grade 2 crush ay magpapa-trending kay Kathryn ulit? Totoo ngang hindi malilimutan ang first love feels—lalo na kung mestizo at doctor na siya ngayon!