Ang Sparkle star na si Gabbi Garcia ay kasalukuyang napapanood sa GMA action-adventure series na Mga Lihim ni Urduja bilang ang makulit at kikay na si Crystal Posadas.

Isa siya sa mga babaeng karakter sa serye na hinahangaan at sinusubaybayan ngayon ng napakaraming Pinoy viewers.

Sa gitna ng pagdiriwang ng Women’s Month, proud na ibinahagi ni Gabbi sa isang panayam na ang kaniyang mommy na si Tes Lopez, ang isa sa mga kababaihan na nagsisilbing inspirasyon niya sa buhay.

Ayon sa tinaguriang Kapuso It Girl, “Cliche answer but it really is my mom. I know it is such a default answer for everybody but I think our moms are the best.

My mom has been an inspiration ever since I was a kid, ever since she gave birth to me. She has always been my inspiration.

All of our moms, they are supermoms. They make sure that they provide, that they give everything that they can. I’ve always looked up to them.”

Bukod pa rito, inalala rin ni Gabbi ang ilang ginawa ng kaniyang mommy noon para samahan siya sa kaniyang commercial shoots, school events, at iba pa.

Pagbabahagi niya, “Very very hands on… I also appreciate… kasi my mom is a flight attendant, ‘yung schedule niya minsan unpredictable, actually most of the time it is very unpredictable.

That’s not an 8 a.m. to 5 p.m. job, na ‘yung regular work.

Minsan three days wala siya, minsan five days but for some reason, lagi niyang naaayos ‘yung schedule niya especially when I have an important school event. She’d always made sure that she’s present. My mom makes time which I really appreciate.”

Samantala, bukod sa Mga Lihim ni Urduja, mapapanood din ngayong taon si Gabbi sa drama series na Unbreak My Heart, ang collaboration project ng GMA, ABS-CBN, at Viu Philippines.

Samantala, patuloy na subaybayan ang Mga Lihim ni Urduja, mapapanood tuwing Lunes hanggang Biyernes, 8:00 p.m., sa GMA Telebabad.