Kathryn, Daniel, Andrea, nagkita-kita kaya sa ABS-CBN Ball?

Andrea, exclusively dating pero ayaw i-reveal kung kanino.

Kathryn Bernardo, Daniel Padilla, Andrea Brillantes: first time na magkakasama sa isang malaking event mula nang i-announce ang breakup nina Kathryn at Daniel nung 2023. May muntik na raw magkrus ng landas! Sino kaya?
PHOTO/S: @niceprintphoto / @pepalerts / @niceprintphoto Instagram

Dumalo sina Kathryn Bernardo, Daniel Padilla, at Andrea Brillantes sa Brighter Together: The ABS-CBN Ball 2025 noong Abril 4, 2025, Biyernes, sa grand ballroom ng Solaire North, Quezon City.

Kung hindi ako nagkakamali, this is the first time na present silang tatlo sa isang event mula nang i-announce ang KathNiel breakup noong Nobyembre 30, 2023.

Nagkita-kita ba sila?

Ayon sa source ng PEP Troika, muntik nang magkrus ang landas nina Kathryn at Daniel.

“Nagawan ng paraan ng team ni Kathryn na ilayo siya kay Daniel,” sabi ng source ng PEP Troika.

“Ang nakakatuwa, lumapit si Kathryn sa ina ni Daniel na si Karla Estrada, at bumati. OK sila.”

Hindi na-monitor ng source ng PEP Troika ang galaw ni Andrea noong gabing iyon.

Sabi pa ng source ng PEP Troika, “Yung program, more or less ay 15 minutes lang. Matagal yung red carpet pero sandali lang ang program, para makapag-party-party at mag-enjoy yung mga bisita. Yung iba, umuwi na agad.”

Sumagi sa diwa ko yung Body of Work: The Bench Show noong Marso 21, 2025, sa SM Mall Of Asia Arena, kung saan pinakatinilian ang SB19 at si Kathryn.

Rumampa rin sa event na iyon sina Francine Diaz, Seth Fedelin, at Kyle Echarri na kasamahan ni Andrea sa Gold Squad ng teledramang Kadenang Ginto (Oktubre 2018-Pebrero 2020).

Sa Brighter Together: The ABS-CBN Ball 2025, takaw-pansin si Andrea, lalo pa’t suot niya ang iconic Bvlgari Serpenti necklace na ipinahiram ni Heart Evangelista.

Ang mga alahas sa Bvlgari Serpenti collection ay sumisimbolo sa “wisdom, vitality, and temptation.”

Teka, meron bang “independent contractors” na panauhin sa Brighter Together: The ABS-CBN Ball 2025?

Sa mga rumampa sa red carpet, sinu-sino ang “sobrang LaTita”?

At kaninong kamay ang pinagmaritesan ng netizens?

Isa pang tanong, imbitado ba sa event na iyon ang generous singer-businessman na si Jojo Mendrez?

Nasa ilalim ng ABS-CBN Star Music ang kanta ni Jojo na “Nandito Lang Ako,” na komposisyon ni Jonathan Manalo.

Halos magkasunod na dumating sa Solaire North sina Kathryn Bernardo at Daniel Padilla.

Pagkapasok ni Kathryn na masayang nakipagkaway sa mga fans na nag-aabang sa looby, ilang sandali lang ay dumating si Daniel kasama co-stars niya sa Incognito na sina Richard Gutierrez at Ian Veneracion.

Mas maagang dumating si Andrea Brillantes na pinag-uusapan na rin ng mga netizens kung siya kaya ang susunod na house guest sa Pinoy Big Brother Celebrity Collab.

Nakatsikahan siya roon ni Ogie Diaz at inamin niyang exclusively dating daw siya ngayon.

Pero wala pa raw talagang commitment, nakaka-date pa lang na ayaw naman niyang sabihin kung sino at kung taga-showbiz ba ito.

Base sa nakikita namin sa mga video na nai-post, si Heart Evangelista ang prime Kapuso star na dumalo.

Wala ang mga A-listers na Kapuso stars kagaya nina Dingdong Dantes, Marian Rivera, o kahit sina Jennylyn Mercado at Dennis Trillo.

In fairness dito kay Ashley Ortega na dumating kasama si Mavy Legazpi, ang star na ng dating niya. Ang ganda ng ayos ni Ashley, at ang dami nang mga fans na tumatawag sa kanya.

Ang laki ng nagawa ng PBB sa kanyang showbiz career, kaya asahan nating mas sisikat pa itong ilang Kapuso stars—pati na rin mga Kapamilya stars—na naiwan sa Bahay Ni Kuya.

Alam naman ninyo ako, still hopeful na magkaayos at gumawa ulit ng project ang KathNiel. It’s the fan in me that still looks forward to this.

The good point about the ABS-CBN Ball is that it’s well-attended. Maraming maningning sa industriya ang nandoon.

Masarap ang pagkain! Importante iyan. Rave ang mga tao na hindi sila nagutom. Walang post na kesyo wala siyang assigned table at kung saang sulok na lang ipinuwesto. At walang post na nag-fastfood after dahil busog at masaya sila sa pagkain sa ball.

Nag-abala ang mga dumalo. They came in their darnest best! At masaya talaga ang mga magka-Kapamilya.

Congrats sa mga organizers at sana, kahit sinasabing salat sa financial resources ang ABS-CBN, may mga sponsors pa rin na patuloy na magtataguyod sa kanila para gawin ang ganitong ball, na iba talaga kapag sa Kapamilya.

Kahit ang mga tinatawag nating Sapin-Sapin Sanggre (dahil sa kanilang colorful spring outfits) na kaibigan nating Kapuso na sina Annette Gozon-Valdes, Tracy Garcia, at Joy Marcelo ay saksi sa masaya at napaka-inclusive at premium na event ng ka-collab nilang Kapamilya.