Trigger Warning: Mention of suicide

Muling pinabulaanan ng kampo ng South Korean superstar na si Kim Soo Hyun ang lumalabas na haka-hakang nagkaroon ng relasyon ang aktor at ang namayapang Korean actress na si Kim Sae Ron.

Sa gitna ito ng pagluluksa ng Korean entertainment industry sa pagpanaw ng aktres, sa edad na 24, noong February 16, 2025, dahil sa suicide.

Nitong Lunes, March 10, inilabas ng HoverLab Inc. sa kanilang YouTube channel ang nakuha nilang detalye na may kinalaman sa lihim na relasyon umano nina Kim Soo Hyun at Kim Sae Ron.

Ayon dito, menor de edad pa lang si Kim Sae Ron nang magkaroon sila ng relasyon ni Kim Soo Hyun.

Tumagal daw ng halos anim na taon ang relasyon ng dalawa.

Labinlimang (15) taong gulang lang daw noon si Kim Sae Ron, habang si Kim Soo Hyun naman ay 27.

Hindi raw maaaring magkamali ang HoverLab Inc. dahil mismong mga magulang at ilang kaanak ni Kim Sae Ron ang kanilang nakapanayam at nagsiwalat sa dating relasyon ng dalawang K-drama stars.

THE ALLEGED BREAKUP OF KIM SOO HYUN AND KIM SAE RON

Sa ulat ng Koreaboo, sinasabing ang mismong tiyahin ni Kim Sae Ron ang isa sa nakausap ng HoverLab Inc. at nagsiwalat sa nakaraan ng kanyang pamangkin at ni Kim Soo Hyun.

Ayon sa kaanak ni Kim Sae Ron, taong 2015 nang magsimula ang relasyon ng dalawa. Tumagal daw ito hanggang 2022.

Dahil sa kanilang espesyal na ugnayan, nagdesisyon si Kim Sae Ron na lisanin ang dati niyang kinabibilangang talent agency, ang YG Entertainment, noong 2019.

Lumipat siya sa talent management na itinatag ni Kim Soo Hyun, ang Gold Medalist.

Naging magkatuwang daw sina Kim Sae Ron at Kim Soo Hyun sa pagpapatakbo ng Gold Medalist — mula sa pagkuha ng mga bagong talent at paghahanap at pagbibigay ng mga proyekto sa mga ito.

Hanggang noong 2022, nagkahiwalay raw ang dalawa nang masangkot si Kim Sae Ron sa isang kontrobersiya.

Inaresto ang aktres dahil sa driving under the influence (DUI).

Pinagmulta siya noon ng 20 million won o PHP860,480 dahil sa pinsalang idinulot ng insidente.

Matapos nito ay nagsimula nang madiskaril ang showbiz career ni Kim Sae Ron. Nag-backout siya sa kanyang role sa SBS drama Trolley.

Hindi na rin na-renew ang kanyang kontrata sa Gold Medalist.

Pinatawan din siya ng ban ng major TV network sa South Korea, ang KBS.

Dito na rin daw nagsimulang mawalan ng ugnayan sina Kim Sae Ron at Kim Soo Hyun.

Ilang beses daw nagtangka si Kim Sae Ron na tawagan at kausapin si Kim Soo Hyun makaraang humupa ang kinasangkutan niyang kontrobersiya, ngunit ni minsan ay wala raw siyang narinig na sagot mula sa aktor.

February 2024, sa kalagitnaan ng pag-ere ng Netflix hit series ni Kim Soo Hyun na Queen of Tears, nag-post si Kim Sae Ron sa kanyang Instagram Stories ng sweet picture nila ng aktor sa pag-asang mapansin at kausapin siya nito.

Ang post na ito ay agad nag-viral kunsaan marami sa mga tagahanga ni Kim Soo Hyun ang napaisip sa tunay na ugnayan ng aktor kay Kim Sae Ron.

Dito unang naglabas ng pahayag ang Gold Medalist para itangging walang relasyon sina Kim Soo Hyun at Kim Sae Ron, taliwas sa iniisip ng publiko base sa post ng aktres.

Nakasaad sa pahayag ng Gold Medalist: “The photos circulating online appear to have been taken when they belonged to the same agency in the past, and the intentions behind Kim Sae Ron’s actions are entirely unclear.”

Hinala ng tiyahin ni Kim Sae Ron, maaaring isa ito sa dahilan kung bakit na-depress ang aktres at piniling wakasan ang sariling buhay.

Kim Soo hyun’s camp denies dating allegation with Kim Sae ron

Nakarating sa Gold Medalist ang impormasyong inilabas ng HoverLab Inc. sa kanilang YouTube channel na pinick-up ng iba’t ibang entertainement sites sa South Korea.

Ngayong Martes, March 11, naglabas ng pahayag ang Gold Medalis upang pabulaanan ang anila’y “malicious claims” tungkol kina Kim Soo Hyun at Kim Sae Ron.

Ayon sa kanila, hinding-hindi nila ito mapapalampas dahil tila pagsira ito sa reputasyon ng kanilang kumpanya, maging sa pangalan ni Kim Soo Hyun at dati nilang talent na si Kim Sae Ron.

Sa ngayon ay ginagawa raw nila ang lahat para imbestigahan ang nangyari at panagutin ang HoverLab Inc. at ang YouTuber sa likod nito na si Lee Jin Ho.

Mababasa sa kanilang pahayag (base sa English translation ng Soompi.com): “We would like to provide an official statement regarding the recent claims made by YouTube channel HoverLab Inc. concerning our actor Kim Soo Hyun.

“The claims made by HoverLab Inc. in their YouTube broadcast about Kim Soo Hyun are clearly false and baseless.

“In their broadcast, HoverLab Inc. alleged that our company and Kim Soo Hyun colluded with YouTuber Lee Jin Ho to harass the late actress Kim Sae Ron.

“They further claimed that Kim Soo Hyun and the late Kim Sae Ron were in a romantic relationship starting when she was 15 years old, that our company acted improperly in handling the aftermath of Kim Sae Ron’s DUI incident, and that a manager from our company has a close relationship with YouTuber Lee Jin Ho.

“These malicious claims directed at our company and actor Kim Soo Hyun are entirely false and cannot be tolerated under any circumstances.

“We are currently reviewing the strongest possible legal actions against HoverLab Inc. for spreading these falsehoods.

“Our company is deeply saddened by the passing of the late Kim Sae Ron, who was once part of our agency, and we mourn her loss.

“However, the dissemination of such false information by HoverLab Inc. mirrors the very behavior of so-called “cyber wreckers” that caused the late actress so much pain during her lifetime.

“Their actions, driven solely by self-interest, not only damage our company but also tarnish the honor of the deceased, and thus we will respond to this matter with the utmost seriousness.

“We earnestly request that these baseless falsehoods not be further spread, amplified, or reproduced in any way.”