• Ibinahagi ni Ivana Alawi ang larawan ng sunog na halos umabot sa kanyang bahay sa Los Angeles
• Sinabi ni Alawi na muntik nang madamay ang kanilang tahanan sa malaking sunog
• Nanawagan si Alawi ng panalangin para sa kaligtasan ng Los Angeles at mga apektadong residente
• Apektado rin ang ibang Pilipinong celebrities at Filipino-American residents sa lugar na nagdulot ng pag-aalala sa fans

Nagbahagi ng nakakabahalang sitwasyon ang aktres at social media personality na si Ivana Alawi tungkol sa nangyaring sunog malapit sa kanyang tahanan sa Los Angeles.

Sa isang Facebook post nitong Sabado, ibinahagi ni Alawi ang litrato kung saan makikita ang apoy na halos abot na sa kanyang bahay. Ayon sa kanya, muntik nang madamay sa malaking sunog ang kanilang tahanan.

“Currently outside our home.. Pray for LA,” ani Alawi sa caption ng kanyang post.

Bukod kay Alawi, naapektuhan din ng sunog ang ibang Pilipinong celebrities at Filipino-American residents sa lugar, dahilan upang magdulot ito ng labis na pag-aalala mula sa kanilang mga tagahanga at tagasuporta.

Sa kabila ng panganib, patuloy ang paghingi ng panalangin ni Alawi at ng iba pang residente para sa kaligtasan ng lahat at agarang pag-apula ng sunog.

Ang Los Angeles Wildfire ngayong 2025 ay isa sa mga pinakamalalaking kalamidad na tumama sa Southern California, na nagdulot ng matinding pinsala sa mga ari-arian, kalikasan, at buhay ng libu-libong residente. Ang sunog ay nagsimula noong unang linggo ng Enero, dulot ng napakatuyong kondisyon ng panahon at malalakas na hangin na kilala bilang Santa Ana winds.

Si Ivana Alawi ay sumikat at nakilala matapos niyang pasukin ang paggawa ng YouTube content. Kahit dati nang artista, mas sumikat siya nang naging vlogger siya. Sa katunayan mayroon nang mahigit 16 milyon ang kanyang subscribers sa YouTube. Matapos ang pagsikat niya sa social media, nagkaroon siya ng maraming oportunidad kabilang na ang pagbida niya sa isang serye.

Matatandaang kinaaliwan sina Dra. Vicki Belo at asawa niyang si Hayden Kho sa vlog kung saan naging magulang sila nina Mona at Ivana habang naglilibot sa Italy. Sa simula ng vlog ay makikita ang mag-asawa at sinabi ni Dra.