Ilang araw lamang matapos i-post ni Dennis Padilla ang reunion nila ng tatlong anak sa ex-wife na si Marjorie Barretto — sina Julia, Claudia, at Leon — mukhang hindi na naman maayos ang relasyon ng komedyante sa mga ito.

Ngayong Martes, April 8, 2025, sa pamamagitan muli ng social media, naglabas ng hinaing si Dennis dahil sa pagtrato sa kanya sa kasal ng anak na si Claudia Barretto.

Base sa Instagram post ni Dennis, ikinasal si Claudia sa fiancé nitong si Basti Lorenzo ngayong araw.

Himutok ni Dennis, “nabudol” siya dahil sa halip na maging “father of the bride” sa ginanap na kasal ng sariling anak ay naging “visitor” na lamang siya.

Kalakip nito ang screenshot ng sulat-kamay na mensahe, in all caps: “GRABE KAYO!! NABUDOL NYO AKO! FATHER OF THE BRIDE NAGING VISITOR. GALING NYO!”

Dalawang beses itong ipinost ni Dennis.

Sa una, naka-superimpose ang mga salitang “Sagad Sa Buto…”

Read more about

Dennis Padilla
Claudia Barretto

Sa ikalawang post ay nilagyan niya ito ng “Budol…”

DENNIS PADILLA OPENS UP TO FOLLOWERS

Maliban dito ay wala nang ibinigay na detalye si Dennis kung ano ang nangyari sa kasal.

Pero may ilan siyang sinagot na netizens.

Isang netizen ang nagtanong kung sino ang ikinasal.

Sagot ni Dennis (published as is), “claudia knina”Pagsimpatiya ng isang netizen, “How sad nman po [crying emoji]”

Tugon dito ni Dennis, kahit imbitado siya sa kasal ay wala siyang naging papel sa programa.

Hindi rin daw siya pinadalhan ng invitation.

Buong sabi niya: “i dont [have] a part sa program… Ayaw nila padala invites”

Marami ang nakisimpatiya kay Dennis sa comments section.

Sabi ng isa (published as is): “Hayaan mo na lang po sila.. Basta ikaw be good to them. Still Be a good father kahit ayaw nila sayo. Dios na lang po bahala gumanti sa kanila..”

May ilan ding pinayuhan si Dennis na manahimik na lang upang hindi lumala ang hindi pagkakaunawaan nila ng mga anak.

Ayon sa isang netizen (published as is): “buti nga ininvite ka kahit may galit sayo mga anak mo tas ipopost mo png ganan lalo k lng kabwi2sitan ng anak mo sinisiraan mo pa sa ibang tao nde n nmn dpt nalalaman yn mga ganan anak mo dn ang sinisiraan mo tama n pg gagagnan mo ano b gsto mo gawin nila sayo”

Payo naman ng isang netizen: “Masakit sobra to pero sir, please take down your post po siguro ganun talaga kalalin yong mga sugat sa puso nila sayo kaya sana huwag na po dagdagan pa.be happy and be proud of them pasasaan bat darating din sa point na makakasama ka nila in natural way na..yong galit mo po sa puso mo idulog mo kay Lord at don mo isabe wag na sa post kasi lalo kayo masisira niyan sa isat-isa.”

Ayon sa isa pa (published as is): “sir you should be silent the more you this they will hate you on posting on public. if you are not acknowledge as a father please be grateful they still invited you, remember you dong have relationship with claudia just be grateful and remove this post”

May nagsabi rin kay Dennis na sana ay ayusin na lang niya ito nang pribado. Bilang ama at siyang nakatatanda, siya ang higit na dapat nakakaunawa sa kanyang mga anak.

Mahabang sermon ng netizen (published as is): “Should just deal with this privately, you may get sympathy from other people who doesn’t know why you and your kids with Marjorie ended up this way.

“Most of the people from socmed doesn’t know why you have so many kids from different woman yet none of this Mother and kids stay at your side right now.

“We mostly doesn’t have any idea why,and who are we to judge?

“But as a Father the Elder,the supposedly mature one and the one who should shield his kids from all the bashing and condemned of everyone who don’t have any idea on what really happened with you and your children.

“At least tried to bent this out not in social media but with people who can advise you fairly.

“And who knew you and your kids truly.

“Your kids keep being quiet with their status of relationship to you,even the other children from other Mother.

“As a Dad who doesn’t get any younger and might ended up with no one beside you even a partner or a child.

“Pray and meditate,ask yourself if social media really is the best place that can help you all to heal.

“Ask yourself if being quiet even if you feel that you are hurting is the best thing you can ever do as a Dad and as a Person.”

Wala nang sinagot si Dennis sa mga komentong ito.

Habang isinusulat ang artikulong ito ay binura na ni Dennis ang kanyang Instagram post.

Bukas ang PEP.ph (Philippine Entertainment Portal) sa panig ng lahat ng nabanggit sa artikulong ito.