Kathryn, walang malay sa ‘suntukan’ daw nina Daniel at Kyle!

Pinag-uusapan pa rin hanggang ngayon ang napabalitang gulo sa nakaraang ABS-CBN Ball na kinasangkutan diumano nina Daniel Padilla at Kyle Echarri.

Muntik na raw nagkasuntukan ang dalawa at na-involve raw sina Richard Gutierrez na to the rescue raw kay Daniel, at si JK Labajo naman kay Kyle.

Makikita sa video na unang lumabas sa TikTok ang tila mainit na pagtatalo nina Daniel at Kyle. Ilang segundo pa lamang ang lumilipas nang dumating si JK, na agad ring nakisali sa usapan at mistulang kinampihan si Kyle. Lumala ang tensyon nang sumugod si Richard Gutierrez at hinila si Daniel palayo—pero hindi para awatin, kundi para idepensa ang kanyang panig.

Ang Di-umano’y Ugat ng Lahat

Ayon sa isang source na malapit sa grupo, nagsimula ang hindi pagkakaunawaan dahil sa umano’y madalas na pag-uusap nina Kathryn at Kyle nitong mga nakaraang linggo. Bagama’t mariing itinanggi ni Kyle sa mga nakaraang panayam na may namamagitan sa kanila, tila hindi kumbinsido si Daniel—na matagal nang naging ka-love team at real-life boyfriend ni Kathryn.

Si JK naman, na matagal nang kaibigan ni Kyle, ay tila na-trigger sa mga pahayag ni Daniel na “huwag basta-basta sumasabit sa babaeng may pangalan.” Ayon sa source, sinagot raw ni JK si Daniel ng, “Walang sinasakyan si Kyle, bro. Di lahat ng malapit kay Kathryn may hidden agenda.”

Si Richard, na nagkakatrabaho kamakailan lang kina Kathryn at Daniel sa isang proyekto, ay bigla umanong nakisawsaw dahil sa sinabi umano ni Daniel na “pati matatanda nakikisali sa drama.” Doon na raw tuluyang nag-init ang ulo ng aktor.

Ayon sa kumalat na balitang ito na usap-usapan sa social media ay nagkagirian daw sina Daniel at Kyle dahil sa napapansin daw nitong hindi na kumportable si Kathryn sa pagiging touchy umano ni Kyle sa kanya.

Nagpang-abot daw sila sa after party na ginanap sa Skybar pagkatapos ng ball.

Walang may nagsalita sa mga taong involved.

Ang sabi pa sa social media, nagkatapat daw ang taga-Incognito at Senior High.

May ilan kaming napagtanungan na ang iba ay nasa kampo ni Kathryn. Ayon sa ilang nakausap namin, wala raw alam si Kathryn sa nangyari sa after-party.

Kasama raw ni Kathryn ay ang manager niyang si Lulu Romero at ang assistant nito.

Pagkatapos raw ng ball ay nagyaya na raw umuwi dahil parang may nararamdaman na raw siyang girian sa grupo nina Daniel at kina Kyle.

Ayon pa sa nakausap namin, ganun daw talaga si Kyle na sobrang touchy minsan sa mga kaibigan niya. Parang baby-baby daw ‘yan nina Kathryn, kaya walang malisya ang pagiging touchy nito.

Si Kyle kasi ang pinakabata sa kanilang grupo kaya parang may pagkakulit raw talaga ito.

Kaya naman hindi maitatangging si Kathryn daw ang pinaka-desirable raw ngayon na gustong pormahan ng karamihan.

Pero kahit sino ang mali-link sa Box-office queen,  tiyak na pag-uusapan.

Katulad nitong nag-trending noong Linggo, naikuwento ni Kathryn sa hosts at kapwa judges ng Pilipinas Got Talent ang tungkol sa first crush daw niya noong grade two siya. “Crush ko, siguro Grade 2 ako nun sa probinsya namin. ‘Yung first ever, mestizo siya. E pag crush ko, mas lalo ko yun hindi kakausapin. Mas lalong hindi mo talaga mararamdaman, kahit isabit mo ako, hindi ko aaminin na crush kita, yung ganun.”

Pinilit siya ni Melai Cantiveros na sabihin kung sino ito. “Okay. Ang name niya ay Kenneth,” napangiting pakli ni Kathryn.

Hinanap tuloy ng mga netizens kung sino itong “Kenneth” na first crush ni Kathryn, at may nakalkal sila sa Facebook na isang doktor na raw ito ngayon.

May lumabas na sa X kung sinong Kenneth ito na isang doktor, at ang guwapo nga. Pero hindi naman natin sure kung siya ba talaga ito.

Nag-trending agad ito na hindi pa naman nakukumpirma kung ito nga ‘yung naging crush ni Kathryn noon.

Direk Joel, bumango sa Quiapo

Nakatsikahan pala namin si Direk Joel Lamangan na aligaga nga sa mga pelikulang ginagawa niya.

Tumutulong siya ngayon sa promo ng pelikulang Fatherland na magso-showing na sa Black Saturday sa April 19.

Sinimulan na rin niya ang pelikulang Jackstone 5 na kukunan sa Pagsanjan, Laguna.

Pero naisisingit pa niya ang taping niya sa Ang Batang ­Quiapo.

Sa totoo lang, aminado si Direk Joel na nakatutulong itong appearance niya sa Ang Batang Quiapo bilang si Roda.

Kaya nga bukod sa dinidirek niya itong Jackstone 5, isa rin siya sa main cast, dahil ang sabi raw ng producer niya, malaking tulong sa movie niya ang pagiging si Roda.