Positibo ang pananaw at walang bakas na pagsisisi si Mark Herras nang magkuwento siya tungkol sa pagtatanghal niya sa isang gay bar.

Hinusgahan siya ng ibang mga taong hindi naiintindihan ang katuwiran ng 38-year-old actor na trabaho lamang ang ginawa nito.

Inilahad ni Mark ang panig niya sa panayam ni Toni Gonzaga sa YouTube talk show nitong Toni Talks.

“Kung napansin ninyo, talagang tahimik na ang buhay ko, wala akong isyu na nangyari, except the last one na sumayaw ako sa gay bar.

“Pero hindi siya planado,” boluntaryong pagsasalita ni Mark tungkol sa pinag-uusapang pagsasayaw niya sa gay bar.

“Kumbaga, sumayaw ako [dahil] trabaho. Basta ang goal ko kasi, to provide, to provide, to provide…

“Mas pinili ko na yung tahimik na part ng career ko, hindi dahil tanggap ko na wala na ako sa limelight.

“Talagang, e, di okay, wala na ako, it’s fine.

“Pero masaya ako, may trabaho pa akong ginagawa.”

WHY DID MARK DECIDE TO PERFORM IN A GAY BAR?

May sagot si Mark nang itanong ni Toni kung paano siya nakarating sa pagsasayaw sa gay bar.

Lahad niya: “May mga nakakasama ako sa work so rumaraket kami for him, pumupunta kami out of town.

“Sasabihin nila, yung mga nagmamalasakit na makeup artists, ‘Gusto mo bang rumaket? Sayaw lang, sasayaw ka, like sa isang buwan, twice, isang 10, isang 31.’

“’Saan yan, Mommy?’ ‘Sa Apollo.’

“Siyempre, inalam ko rin. ‘Anong klaseng bar yon?’ Sayaw lang, walang problema.

“Then, nung game time, so nandun yung mga drag queen, may dancers din talaga na nawalan ng career sa TV, mga iba kilala ko.

“Then siyempre, may mga macho dancer. So, kanya-kanyang buhay din doon.

“So ako, dumating ako doon as performer talaga. As guest nila.

“Kung ano yung mga ginagawa ko sa mga raket fiesta, nagkataon lang na gay bar siya na talagang strong word.

“Hindi naman ako naghubad, e. Hindi naman ako sumayaw na parang macho dancer or what. I performed, I danced like hip-hop.

“Hindi naman ako nagpa-table or what.”

MARK HERRAS SURPRISED BY PUBLIC’S REACTION

Ikinagulat ni Mark ang reaksiyon ng publiko, lalo na ang mga paghuhusgang natanggap niya nang dahil sa kanyang pagtatanghal sa gay bar.

Aniya: “I know it’s a gay bar, pero kasi sa atin, di ba, grabe yung mga Pilipinong mag-judge ng mga tao na parang akala nila, meron silang karapatang mag-judge sa mga buhay ng ibang tao.

“And then, like after a day or two, nag-trending na, ‘Mark Herras, sumayaw sa gay bar.’

“Biglang dumikit na yung ‘Wala na kasing career kaya sumayaw sa gay bar.’

“Actually, nagulat ako na nag-viral siya, tapos natuwa ako kasi may mga nagde-defend.

“May ibang mga press na, alam mo na, tatawa-tawa pa habang ikinukuwento.

“Sabi ko, ‘Talaga ba? Pinagtatawanan niyo pa ako?’”

Ayon pa kay Mark, “Parang hindi naman ako humihingi ng awa, pero nasa stage ako ng buhay ko na wala akong pakialam sa mga sinasabi nila.”

ON WIFE NICOLE DONESA’S REACTION

Ano ang reaksiyon ng kanyang asawang si Nicole Donesa?

Sabi ni Mark: “Lagi kong sinasabi sa kanya, ‘Stop reading things na alam mong hindi maganda yung magiging kinalabasan.’

“Kasi kami mostly, nag-aaway kaming mag-asawa kapag tinatanong niya ako nang paulit-ulit. Ayoko kasi nang paulit-ulit, e.

“Medyo nasa stage kami ngayon na parang kailangang i-explain namin sa isa’t isa yung mga nangyayari.”

Muling binanggit ni Mark ang madalas niyang sabihin noong kuntento na siya sa mga narating niya bilang aktor, at walang katotohanan ang mga paratang na pinabayaan niya ang kanyang showbiz career.

“Wala naman kasi ako sa point ng career ko na meron akong pinoprotektahan na image ko.

“Parang yung mga sinasabi nila na nagpabaya ako or what, hindi ako nagpabaya.

“Talagang kuntento na ako sa narating ko and nagkataon talaga na wala nang masyadong offers.

“Yung huling project ko, e, Abot-Kamay na Pangarap with Jillian [Ward].

“Pero, kumbaga, para sa akin, trabaho pa rin yon. Kumbaga, yung role ko, parang bodyguard-killer.

“Hindi ako namimili. Basta ako, trabaho, okay ako.

“So nung in-offer-an ako sa Apollo, why not? Trabaho yan, e.”