Congratulations, Kirk Bondad! Philippines’ Pride Reigns as Mister International 2025
NONTHABURI, THAILAND — Sa wakas, itinanghal na Mister International 2025 ang ating sariling Kirk Bondad, matapos niyang talunin ang iba pang kandidato sa prestihiyosong pageant na ginanap sa MCC Hall noong Huwebes ng gabi, September 25, 2025.
Ang 28-anyos na Pinoy na si Kirk ay nagdala sa Pilipinas ng ikalawang Mister International crown sa kasaysayan, matapos ang kanyang pagkabigo sa Mister World 2024 kung saan hindi siya nakapuwesto.
Sa nasabing kompetisyon, si Saadedine Hneinehn ng Lebanon ang first runner-up at nakamit din ang Best in Swimwear award. Samantala, ikalawang runner-up si Seung Hoi Choi ng South Korea—paborito ng madla—kasunod si Bethel Mbamara ng Nigeria bilang third runner-up. Ang fourth runners-up naman ay sina Roberto Mena ng Costa Rica at Kanapol Treesongkiat ng Thailand, na nanalo rin bilang Best in National Costume.
“THE LAST TO BE CALLED”
Nakakahabol ang eksena nang huling tawagin si Kirk sa Top 20, dahilan para kabahan ang kanyang mga tagasuporta. Matapos tawagin ang kanyang pangalan, agad niyang sinabi:
“First of all, please don’t make me wait, I have way too much sugar in my system. I am too happy to be waiting this long.”
Ang pageant ay pinangunahan nina Miss Universe Philippines 2025 Ahtisa Manalo, Mister International 2023 Kim Goodburn, at Anusith Sangnimnuan.
MULA SA MOUNTAIN VILLAGES HANGGANG SA INTERNATIONAL STAGE
Hindi lamang kagandahan at talento ang ipinapakita ni Kirk Bondad bilang Mister International 2025, kundi pati ang tibay ng loob at determinasyon. Ipinanganak siya noong June 7, 1997 sa Baguio City, at lumaki sa pamilya na may halong Igorot, German, Spanish, at Filipino na pinagsama ang kultura, kasaysayan, at sakripisyo.
Sa kabundukan ng hilagang Luzon, natutunan ni Kirk ang kahalagahan ng pagsisikap, tiyaga, at pagmamalaki sa sariling kultura. Ang kanyang ama, na may halong European at Filipino, ay nagturo sa kanya kung paano harapin ang hamon ng buhay at bigyan ng magandang kinabukasan ang pamilya.
Mula sa murang edad, hinubog siya ng kanyang magulang sa disiplina, determinasyon, at pagmamalasakit sa iba. Ang mga aral na ito ang naging pundasyon ng kanyang tagumpay—mula sa pambansang kompetisyon tulad ng Mister World Philippines 2022 at Mister Pilipinas International 2025—hanggang sa pandaigdigang entablado.
Ang kwento ni Kirk Bondad ay patunay na kahit anong pinagmulan—kahit mula sa malalayong kabundukan—ay puwedeng magbunga ng pambihirang tagumpay. Ngayon, bilang Mister International 2025, dala niya hindi lang korona kundi pati ang legacy ng tibay, pag-asa, at pagmamalaking Pilipino—isang inspirasyon para sa kabataan sa buong mundo.
