Simple at very intimate ang pag-iisang dibdib ng social media influencer na si Zeinab Harake at ng basketbolistang si Bobby Ray Parks Jr. ngayong Linggo, Hunyo 1, 2025.

Ayon sa isang kaibigan ng PEP Troika na naimbitahan sa kasal, ginanap ang Christian wedding nina Zeinab at Bobby Ray sa Crystal Palace of Aquila in the Sky sa Tagaytay City.

Read: Zeinab Harake engaged to Bobby Ray Parks Jr.

Natupad ang hiling ng bagong kasal na walang kukuha ng pictures o videos ng kanilang seremonya.

Sabi naman ng isa pang guest, walang plus one ang mga imbitagong guest dahil limitado lang ang kanilang inimbitahan, na karamihan ay very close sa kanilang dalawa.

Pero kahit paano ay marami pa rin daw dumalo.

Ang tantiya ng pangalawang source ng PEP Troika, mahigit 100 guests ang dumalo sa kasal.

THE WEDDING ENTOURAGE

Ang ina ni Ray Parks Jr. ang naghatid sa kanya, at nandoon din daw ang sister at brother nito.

ADVERTISEMENT – CONTINUE READING BELOW ↓

Si Zeinab naman ay hinatid ng kanyang ama.

Ang anak ni Zeinab na si Bia ang isa sa flower girls.

Habang ang isa pa niyang anak na si Lucas ang ring bearer.

Ilan sa mga kilalang personalidad na bahagi ng entourage ay ang mag-asawang Paul Soriano at Toni Gonzaga na kasama sa principal sponsors.

Sabi ni Toni, first time niyang magninang sa kasal.

Ilan pa sa bahagi ng entourage ay sina Alex Gonzaga, Loisa Andalio, at Yassi Pressman.

Namataan din doon si Andrea Brillantes kasama ang boyfriend nitong si Sam Fernandez, at si Awra Briguela na kaibigan ni Zeinab.

At this writing ay nasa reception na sila.

Bandang 4:30 ng hapon na raw nagsimula ang seremonya.

Congratulations sa bagong kasal, Bobby Ray Parks Jr. at Zeinab Harake!

Ang dinig namin ay ninong at ninang din ang mag-asawang Dingdong Dantes at Marian Rivera, pero hindi sila nakarating sa wedding ceremony.

May promo pa kasi si Dingdong ng movie nila ni Ma’am Charo Santos na Only We Know. Ang sipag nilang mag-mall show ha!

Hindi namin alam kung humabol ang mag-asawa sa reception.

Ang motif ng kasal ay burgundy red, at napakaganda raw ni Zeinab sa kanyang off-shoulder wedding gown na parang mermaid cut.

Sinunod din ng invited guests ang request nina Ray at Zeinab na walang magsusuot ng black at white.

Karamihan sa mga dumalo ay naka-navy blue, grey, beige o chocolate brown.

Wala talagang panakaw na kumuha ng pictures o video dahil ito ang mahigpit na bilin ng bagong kasal.

Kaya ang lumalabas pa lang ngayon ay ang prenup photos nila.

Bobby Ray Parks Jr. and Zeinab Harake prenup photos 
Photo/s: Nice Print Photography

ADVERTISEMENT – CONTINUE READING BELOW ↓

JERRY OLEA

Pinost ng Nice Print Photography sa Facebook page nito ang pre-nup photos nina Zeinab at Ray na kinunan sa Dubai.

“Our love is the vehicle, the road is the adventure,” sey ni Zeinab.

Cheers! Mabuhay ang bagong kasal!!!

ADVERTISEMENT – CONTINUE READING BELOW ↓