Nagsanga-sanga na ang usapin kaugnay ng sigalot sa pagitan ng aktres na si Andi Eigenmann at ng surfer na si Philmar Alipayo, kung saan dawit ang Siargao-based Swedish marine photographer na si Pernilla Sjoö.

ELLEN REPLIES TO NETIZEN WHO WARNED HER AGAINST PERNILLA

Ngayon naman, pati ang hindi na aktibo sa showbiz na si Ellen Adarna ay napagdiskitahan ng ilang netizens.

Sa kanyang Instagram post noong February 3, 2025, nagbahagi si Ellen ng isang short Reel na kuha noong nagbakasyon sila ng kanyang pamilya sa Tokyo, Japan.

Wala siyang caption sa kanyang post.

Nang pumutok ang balita tungkol kina Andi at Philmar, nabaling ang pansin ng isang netizen kay Ellen.

Tila alam ng netizen na kaibigan ni Derek ang nauugnay kay Philmar na si Pernilla.

Babala ng netizen kay Ellen kahapon, February 10, 2025 (published as is), “Mag ingnat kay Pernilla close na close sila ni Papa D”

Sinagot ito ni Ellen.

Ayon sa akres, hindi siya selosa.

Diretsong sabi ni Ellen, sa wikang Bisaya, “dili ko selosa dai. Hehehe” [Hindi ako selosa ‘Day. Hehehe”

Burado na ang komento ng netizen at sagot ni Ellen.

Hindi yata ito nabasa ng isa pang netizen kaya nagbabala rin ito kay Ellen.

Saad ng isa pang netizen, “Pag bantay ni pern basin e sunod c Derek. Hekhok [crying with tears emoji]

Sabi sa kanya ng isang pang netizen, “sinagot na nya yan. Sabi niya d siya selosa. [laughing emoji]”

Ayon sa isa pang netizen: “Mag ingat ka iinday kay @pern [laughing in tears emoji] basig kamangon imong bana [laughing in tears emoji] next may couple tatto na pud ni [laughing in tears emoji]”

[Mag-ingat ka Inday kay @pern baka gapangin ang iyong asawa, sunod niyan may couple tattoo na din yan]

Samantala, hindi na mahanap ang Instagram at Facebook accounts ni Pernilla.

Sina Andi at Philmar naman ay nagkaayos na sa pribadong paraan.