Maangas ‘yan? Pero tiklop naman ‘pag tinawag na ‘baby.’ Yiiieee! Dito sa “It’s Showtime,” may cute babies din na sa’yo ay magpapa-happy. Kasama natin sina Argus, Kulot, Stephen, Briseis, Kelsey, at Ayesha sa lao na masaya. Buka lang ng bibig lang ang dapat linawan para magkaintindihan sa lip reading game na ‘Ansabe.’

Unang sumabak sa challenge ang Team Vhong Navarro, with Stephen, Jugs Jugueta, Cianne Dominguez, at Kim Chiu. Off to a good start si Kelsey. Yes, girl! Easy lang kay Kelsey ang mga salita maliban sa “palaka.”

Nanganib ang grupo ni Vice Ganda, dahil ‘pag si Ryan Bang ang bumigkas, tatlong araw bago maintindihan. Pero competitive sina Karylle, Kulot, MC, at Ryan, lalo na si Ayesha na naka-two points. Sobrang cutie ni Ayesha baby kahit matindi ang pinagdaanan.

Pero nang sumalang na ang grupo ni Jhong Hilario, malinaw na kay Vice Ganda na hindi team niya ang matatalo. “Punda,” sabi ni Lassy. Pass na lang daw, baka si Argus kung ano pa ang masabi. Nag-struggle rin sina Jackie Gonzaga, Ion Perez, at Briseis. Ang ending, Team Jhong pa ang naka-zero. Sila ang nakatanggap ng FUNishment for today’s video.

Harana para sa dalawang babaeng timeless ang ganda, hatid ng tatlong TagoKanta. Nakaka-pretty talaga ‘pag ika’y inawitan nila. Sino ang mabubuking nina Iza Calzado at Dimples Romana sa ‘Hide and Sing’?

May naka-jackpot sa pagbitaw ng golden question. Dahil nang tanungin kung sila ba’y sumasayaw, ang mga TagoKanta nagpamalas ng swabeng galaw. Si TagoKanta 3, nag-moonwalk! Ay, kilala na raw ni Vice Ganda! ‘Moon’ Confiado? Teka, parang R&B singer. R and B, as in Raymond Bagatsing? Good job talaga ang mga TagoGulo sa panlilito!

Round 1 pa lang, huli na agad ni Dimples ang pangatlong TagoKanta! Kris Lawrence–sure na! Iniba man ni TagoKanta 3 ang boses sa Round 2, pero hindi umubra kina Dimples at Iza ang kan’yang panloloko.

Moment of truth! Tinanggal ang takip sa mukha, si Kris nga! Kaya naman ang Madlang People, may libreng concert experience with the Prince of R&B.

Sa beautiful looks ni Sexy Babe Jullia, lahat ay nakatutok. Female strength is her kind of sexy. At mas umaangat pa ang kan’yang lakas at beauty with her determination to finish her degree in Criminology. Maaga mang naulila sa ina, pero sa pagmamahal ng ama at mga kapatid siya’y pinagpala.

Tagos sa puso rin ang kwento ni Sexy Babe Yasmien on growing up without a dad. Hindi niya nakilala ang amang Australyano kahit sa larawan. Pero anuman ang iginuhit ng kapalaran, nariyan ang kan’yang ina, mamahalin siya nang lubusan.

Samantala, sa gitna ng asaran, sina Vice Ganda at Vhong muntik magkapikunan? Napa-react din si Vhong nang sabihin ni Yasmien na hindi na n’ya kailangan pang gumamit ng mga pampaputi. Si Kuys Vhong, parang tinamaan sa tabi.

Ang dalawang babe-nibini, sa talento’y nagpasiklaban, pati na rin sa husay sa tanungan. Parehong magaling at confident on stage, pero si Sexy Babe Yasmien ang umangat sa Sexy AuthoriTEAM na sina Jameson Blake, Chelsea Manalo, at David Licacuco. Teka, si David, parang ‘di satisfied sa dance moves ni Ryan Bang? Bet mo bang mag-prod, David? Abangan!