Couple sets record for world’s longest kiss; splits after 10 years

Images from the event
Naitala ng couple na ito ang record para sa pinakamatagal na halikan sa buong mundo, pero hindi naging forever ang kanilang relasyon. (Photo: Guinness World Records)

Naging isang malaking balita sa buong mundo ang Thai couple na sina Ekkachai at Laksana Tiranarat noong 2013.

Kinilala kasi sila ng Guinness World Records matapos makapagtala ng record para sa “world’s longest continuous kiss.”

Ang event ay inorganisa ng Ripley’s Believe It or Not! Sa Pattaya, Thailand.

Nagsimula ito noong February 12, 2013—at natapos makalipas ang dalawang araw sa mismong Valentine’s Day.

Ang halikan nina Ekkachai at Laksana ay tumagal ng 58 oras at 35 minuto.

The couple kissing
Pambihira ang naitalang record nina Ekkachai at Laksana Tiranarat pagdating sa halikan. Photo: Screenshot at GWR

Hinangaan ang couple dahil sa kanilang pambihirang endurance at commitment para manalo at maitala ang panibagong record-breaking feat.

Kakaiba ang physical resilience na ipinakita nila dahil nanatili silang nakatayo nang magkadikit ang mga labi sa mahigit isang araw.

Hindi talaga sila natulog sa kabuuan ng challenge.

Kailangan ding magkadikit ang kanilang mga labi kahit may routine breaks.

Ang naging achievement noon nina Ekkachai at Laksana ay naglagay sa kanila sa atensyon ng buong mundo.

COUPLE ANNOUNCE THEIR SEPARATION

Ang nakakalungkot, inianunsiyo nina Ekkachai at Laksana na naghiwalay na sila.

Ibinahagi ni Ekkachai ang hiwalayan nila ng kanyang misis na si Laksana sa isang episode ng BBC Sounds podcast last February 17, 2025.

Hindi na siya nagdetalye ng mga dahilan ng kanilang separation.

Nagpahiwatig lang siya na unti-unti nilang naramdaman na nawala na ang magic sa pagitan nilang dalawa,

Ani Ekkachai, “It’s with a heavy heart that we share this personal change.”

Ipinabatid naman niya sa publiko na ang kanilang naging journey ni Laksana ay puno ng masasayang alala, bagaman aniya, panahon na para mag-move forward silang pareho sa magkaibang direksyon.

Nagpahayag naman si Ekkachai ng pagmamalaki sa naging once-in-a-lifetime achievement nila ng ex-wife kahit pa nagwakas na ang kanilang relationship.

EX-COUPLE STILL ON GOOD TERMS

Bago naitala ng former couple ang record noong 2013, una nila itong sinubukan noong 2011.

Sa kanilang unang try, tumagal ang kanilang kissing sa loob ng 46 hours and 24 minutes.

Dahil naman sa kanilang naging bagong record noon, nakapag-uwi sina Ekkachai at Laksana grand prize na 100,000 Thai Baht o PHP170,396.48.

The couple holding their plaque
Sina Ekkachai at Laksana Tiranarat, matapos tanggapin ang kanilang award. Photo: Screenshot at GWR

Bukod dito, nagwagi rin sila ng dalawang diamond rings.

Bagaman at naghiwalay na, nananatili umano ang respeto ng ex-couple sa isa’t isa.

Nagkasundo rin sila na magkaroon ng maayos na co-parenting sa kanilang mga naging anak.

Samantala, sa ngayon, ang longest continuous kiss world record ay pinalitan na ng GWR ng longest kissing marathon.