Ano ang tunay na Instagram account ni Pernilla Sjoo?

Ito ngayon ang tanong matapos mabasa ang post ng aktor na si Derek Ramsay na nagsasabing hindi lehitimo ang screenshots ng umano’y reaksiyon ni Pernilla sa isyu ni Andi Eigenmann at ng partner nitong si Philmar Alipayo.

Lumalabas ding ni-repost ni Ellen Adarna ang parehong post ni Derek. Burado na ito subalit may ilang blogs na naka-screenshot sa IG Story na ito ng aktres.

Ang mag-asawang Derek at Ellen ay malapit na kaibigan ni Pernilla.

Si Pernilla, isang Siargao-based Swedish underwater photographer, ang itinuturong dahilan ng alitan nina Andi at Philmar.

→ Swipe to see more articles

Related Posts

Sh0cking Turn of Events: Daniel Padilla Surprises Kathryn Bernardo in Her Dressing Room, Sparking a Heartwarming Rekindling of KathNiel! Is Love Back in the Air?

Wow!!! Kathryn, Ipinakilala Na sa Buong Pamilya ni Alden! KathDen Fans, Kilig na Kilig!

PHILIP SALVADOR VISITS HIS EX-WIFE! Kris Aquino Leaves Behind A Heart-Wrenching Last Will and Testament—What Could This Mean for Her Future? 😱

Vice Ganda, Balak Nang Idemanda si Cristy Fermin?! Susunod na Kila Bea at Sharon?

Kyline Alcantara & Kobe Paras Staycation sa isang private beach resort♥️ basta FRIENDS lang sila ha! sabi yan ni KOBE PARAS

OMG! Tribute na Galing sa Puso: Michael V Ipinakita ang Kanyang Paggalang kay Pilita Corrales sa Isang Sketch—Jackie Lou Blanco, Naantig ang Damdamin

Nagsimula ang lahat nang nag-post si Andi ng cryptic message, sa pamamagitan ng Instagram Stories, ukol sa “snake” umano sa relasyon nila ni Philmar.

Kalaunan, tinukoy ni Andi na ang “snake” ay ang kaibigang babae ni Philmar na hinikayat umano ang surfer na magkaroon sila ng matching tattoos.

Ginawa raw ito ng female friend kung kailan nag-away sina Andi at Philmar.

Sinabi rin ni Andi na ang female friend na ito ang naghikayat daw kay Philmar na hiwalayan ang aktres.

Hindi pinangalanan ni Andi kung sino ang babaeng tinutukoy niya, ngunit kumalat ang ilang larawan sa social media kunsaan makikita sina Philmar at Pernilla na may matching tattoos.

Si Pernilla pa mismo ang nag-post sa kanyang Instagram account ng larawan nila ni Philmar nang magpa-tattoo sila.

Nakita pa ng PEP.ph (Philippine Entertainment Portal) ang post na iyon ni Pernilla sa kanyang Instagram account na @pernillasjoo.

Nang kumalat ang IG Stories ni Andi tungkol sa sama ng loob niya sa pagpapa-tattoo nina Philmar at Pernilla, tinanggal ni Pernilla sa kanyang IG account ang larawan nila ni Philmar noong Sabado, February 8, 2025.

Makalipas ang ilang saglit, deactivated na at hindi na searchable ang Instagram account ni Pernilla.

Pero sa kabila ng pag-deactivate ng kanyang Instagram account, may mga kumalat na screenshots ng reaction diumano ni Pernilla, sa pamamagitan ng Instagram, sa pagkakadawit niya sa hidwaang Andi at Philmar.

Sa sinasabing reaksiyon ni Pernilla, umapela siya ng pang-unawa at simpatiya sa gitna ng pambabatikos sa kanya ng netizens.

Binitbit ng ilang news sites at blogs ang screenshots ng umano’y reaksiyon ni Pernilla.

DEREK’S and ellens REACTION IN DEFENSE OF PERNILLA

Nitong Lunes, February 10, ni-repost ni Derek ang screenshot ng IG Story ng isang netizen na pinuna ang ilang news sites na nagsulat ng reaksiyon umano ni Pernilla ukol sa kontrobersiya.

May naunang ganitong post si Ellen.

Lumalabas na hindi galing sa lehitimong IG account ni Pernilla ang mga screenshot na iniulat ng lehitimong news sites.

Mahihinuha ring ang netizen na nag-post ng pagpuna sa news sites ay personal na kakilala nina Derek at Ellen.

Kalakip ng post ng netizen ang screenshots ng online news sites na nagsulat ng reaction umano ni Pernilla sa Andi-Philmar issue.

Caption ng netizen: “GMA & Inquirer publishing a ‘statement’ sourced from a FAKE account. Her personal account has been deactivated the entire time.

“Philippine Media, madlang people.”

ADVERTISEMENT – CONTINUE READING BELOW ↓

Hanggang ngayon ay deactivated pa rin ang Instagram account ni Pernilla na @pernillasjoo.

Samantala, nag-update naman si Philmar na nagkaayos na sila ni Andi.

Iniulat din ng PEP.ph ang sinasabing reaction ni Pernilla sa isyu kalakip ang paglilinaw na hindi kinukumpirmang si Pernilla ang nagmamay-ari ng Instagram account na ito.

Kinuwestiyon din ng PEP.ph kung ito nga ba ang lehitimong IG account ni Pernilla.