Fourth runner-up ang Philippine representative na si Xena Ramos sa Miss Global 2025 na ginanap sa Nonthaburi, Thailand, noong Marso 9, 2025.

Ang crowd favorite na si Nguyen Dinh Nhu Van ng Vietnam ang nagwagi ng Miss Global 2025 crown.

First runner-up si Keri-Ann Greenwood ng Jamaica.

Second runner-up si Ediris Rivera ng Puerto Rico.

Third runner-up naman si Lindsay Lauren Becker ng USA.

MISS GLOBAL 2025 WINNER IS A MOTHER OF TWO

Gumawa ng kasaysayan ang 33-anyos na si Nguyen Dinh Nhu Van.

May dalawa siyang anak na babae, na may mga edad na 15 at 6, at pinakamatanda sa mga kandidata ng naturang patimpalak.

Sinabi ni Nhu Van, isang sikat na modelo sa Vietnam, sa isang panayam na suportado ng kanyang mga anak ang lahat ng mga ginagawa niya.

Naniniwala siyang hindi hadlang ang edad at marital status para matupad ang kanyang mga pangarap.

“I believe that women should never consider age or marital status as a barrier. Always fight for your dreams,” pahayag ng single parent na si Nhu Van.

“I’ve never been married.

“There were periods after the breakdown, I wanted to give up my passion for art because of the difficulties piled up. But thanks to the dark days, I lived stronger.

“Currently, I am a single mother. I hope my story can inspire women to always be strong in facing all challenges in life.”

WHO IS XENA RAMOS?

Samantala, ang fourth runner-up na si Xena Ramos ay artista dahil contract star siya ng Viva Artists Agency.

Ang TV series na Lumuhod Ka Sa Lupa at Section St. Valentine: The Disappearance of Divine ang dalawa sa mga acting assignment niya.

Naging kandidata rin si Xena sa Binibining Pilipinas 2023 at Miss Manila 2024.

Isa ring architext si Xena.