Inihahanda na ni Asia’s Songbird Regine Velasquez ang posibilidad ng kanyang retirement sa pagkanta balang araw.

Ito ang tila masayang inamin ng ASAP Natin ‘To host sa On Cue interview ni MJ Felipe sa ABS-CBN News sa YouTube noong March 7, 2025.

Ang panayam kay Regine ay kaugnay sa selebrasyon ng Women’s Month ngayong Marso.

Si Regine ay isang ina, tinitingalang singer at concert performer, asawa, at kaibigan.

Isa sa mga napag-usapan sa interview ang tungkol sa pagreretiro.

Ayon kay Regine, hindi siya takot bagkus ay excited na siya para rito. Pero matagal-tagal pa naman daw ito.

Aniya: “No, I’m excited. Actually, hindi naman.

“Parang, I’m trying to… anong tawag diyan? Prepare myself for that.

“I mean, it’s not gonna happen naman soon, but I’m preparing myself for that.

“Because itong work kasi na ito is very addicting, aminin mo yan.

“Kasi ano, e, instant gratification lahat, e. Especially pag nagko-concert ka, instant gratification, e.

“So, pini-prepare ko yung sarili ko na, ‘Okay to yung mga nadi-disappoint ako habang nagko-concert ako. Siguro this is God’s way na rin of letting me know, sige, dahan-dahan.’

“Para hindi ka… para pag umabot na ako dun sa kailangan ko na mag-decide talaga na, ‘Yeah, I think it’s my time to stop,’ it wouldn’t be too hard for me.

“And the thing is, I’m sure I’m gonna miss it.

“But, ayun na nga, parang siguro hindi naman bigla.”

Pinaghahandaan na raw talaga nila ito ng kanyang asawa na si Ogie Alcasid.

Ayon sa Asia’s Songbird: “Matagal-tagal pa naman nang konti. Hindi pa naman ako mukhang 100. So, konti-konti.

“And yun na nga, I’m preparing, my husband and I are preparing for it. Lalo na siya kasi he’s a bit older than me.

“So, pinag-uusapan na namin yun na, ‘Pag ganito, Hon, siguro mag-lie low na ako nang konti.’

“So, ang isip ko din, ‘Ako din, Hon.’”

Si Regine ay 54, habang si Ogie naman ay 57.

Isa raw sa mga plano nilang mag-asawa ay magbiyahe habang kaya pa ng kanilang kalusugan.

Sabi ni Regine: “And then, we wanna travel while we still can.

“So, that’s what we wanna do. That’s what I wanna do.

“That’s why we’re trying to be smart with our earnings.

“Again, and that’s why we work so hard now to prepare for the inevitable.”

REGINE ON BEING MENOPAUSAL: “it has greatly affected my voice.”

Napag-usapan din ang matagumpay na Reset concert series ni Regine sa Samsung Performing Arts Theater kamakailan.

Apat na gabi itong ginanap kung saan punung-puno ang bawat performance niya.

Ano ang pakiramdam niya?

Saad ni Regine: “I’m happy. I wish I could have done more though.

“I wish my voice has… nag-cooperate siya. But unfortunately, some nights it really didn’t.

“But that is the condition of my voice now because of what I’m going through.

“I’m menopausing. And it has greatly affected my voice.

“So I can’t really do anything about that.

“But I am very happy with the show despite that.

“And I’m very happy how my audience just was so happy to see me.

“How they responded to me. And they kept giving me a standing ovation.

“Like, while having the standing ovation, in my head, I was saying, ‘Do I deserve that? Really?’

“But they love me. My audience kasi talaga love me.

“So talagang I’m so grateful. I feel so grateful.”