Daniel at Kyle, nagkainitan sa after-party ng ABS-CBN Ball?

Daniel Padilla, hindi nagustuhan ang pagiging “touchy” ni Kyle kay Kathryn?

Daniel Padilla (left) and Kyle Echarri (right photo, in blue suit) are trending on social media because of their alleged altercation at the after-party of ABS-CBN Ball. The altercation, according to reports, has something to do with Daniel’s ex-girlfriend Kathryn Bernardo (right photo, in gold dress).
PHOTO/S: PEP Alerts / TikTok

Usap-usapan ngayon sa social media ang nangyari umanong kaguluhan sa after-party ng ABS-CBN Ball na ginanap sa Skybar ng Solaire Resort North sa Quezon City noong Biyernes, Abril 4, 2025.

Ayon sa mga nagsisilabasang kuwento, sangkot umano sa kaguluhang ito sina Daniel Padilla at Kyle Echarri.

Base sa salaysay ng isang saksi, nag-ugat ang problema nang mapansin umano ni Daniel na hindi kumportable ang ex-girlfriend niyang si Kathryn Bernardo sa pagiging “touchy” ni Kyle.

Si Kyle ang isa sa mga kasama ni Kathryn sa after-party ng ABS-CBN Ball na may temang “Brighter Together.”

Nakumpirmang magkasama sina Kathryn at Kyle sa after-party dahil sa isang video na in-upload sa social media, kung saan makikitang sumakbay ang kamay ni Kathryn sa kamay ni Kyle habang naglalakad.

Maaaring ito ay pagsuporta ni Kyle dahil malamang ay hirap si Kathyrn sa taas ng mga takong nito.

Kasama nina Kathryn at Kyle sina Dolly de Leon, Donny Pangilinan, at Belle Mariano.

Ayon pa sa mga ulat, naganap ang kaguluhan nang muling magkatagpo sina Daniel at Kyle sa Skybar.

Diumano, may iba pang mga artistang nadamay sa kaguluhan.

NO STATEMENT YET FROM DANIEL AND KYLE

Dalawang araw na ang nakalilipas buhat nang mangyari ang sinasabing insidente na nito lamang Linggo, Abril 6, kumalat.

Tanging ang mga hindi artistang nakasaksi sa pangyayari ang detalyadong nagkukuwento tungkol sa kanilang mga nakita kaya ito ang mainit na tinatalakay ngayon sa social media.

Sa kasalukuyan ay nananatiling tahimik ang mga pangunahing karakter sa kontrobersiya.

Mananatili namang bukas ang PEP.ph (Philippine Entertainment Portal) sa panig ng mga sangkot dito.

Hindi ito ang unang pagkakataong nagkaroon ng kontrobersiya sa mga pagtitipon ng ABS-CBN.

Noong 2011, pinagpistahan ang kumprontasyon na nangyari sa pagitan nina Coco Martin at Matteo Guidicelli sa Star Magic Ball dahil kay Maja Salvador.