Belle reaches out to Robi after alleged threat from DonBelle fan

Robi Domingo warns legal action vs DonBelle fan.

Belle Mariano to Robi Domingo: “Rest assured my true fans will not harm you in any way, hindi sila ganoon, they love you and respect you a lot.”

PHOTO/S: Belle Mariano/Robi Domingo on Instagram

Siniguro ni Belle Mariano na walang dapat ikabahala ang Kapamilya TV host na si Robi Domingo pagdating sa tunay na fans ng aktres.

Ito ay matapos makatanggap si Robi ng pagbabanta mula sa nagpakilalang fan ng DonBelle, ang uniname ng loveteam ni Belle at ni Donny Pangilinan.

Nitong Huwebes, February 27, 2025, nagtungo si Robi sa tanggapan ng Cybercrime Division ng National Bureau of Investigation (NBI) upang ireklamo ang isang netizen na nagbanta umano sa kanya.

Photo/s: Robi Domingo on Instagram

Nag-ugat ang pagbabanta ng netizen nang mag-post sa Instagram si Robi ng mga larawan at video na kuha sa photo shoot at taping ng Pilipinas Got Talent (PGT) Season 7, noong February 22.

Dito ay kasama niya ang bagong judges ng programa na sina Donny at Kathryn Bernardo.

Noong February 21, isinapubliko ng ABS-CBN ang pagbabalik ng PGT, at sa edisyong ito ay si Robi ang magsisilbing host kasama si Melai Cantiveros.

Sina Kathryn at Donny naman ay makakasama nina Eugene Domingo at Mr. Freddie “FMG” Garcia, former president ng Kapamilya network mula 1997 hanggang 2003, bilang judges.

Sa comments section ng post ni Robi ay may isang netizen ang nag-iwan ng komento na may tonong pagbabanta laban sa TV host.

Ayon sa netizen, kung sakalipng agtambalin sina Kathryn at Donny sa Pilipinas Got Talent, sisiguraduhin daw ng netizen na maba-bash nang husto si Robi ng mga tagahanga ng DonBelle.

Buong komento ng netizen (published as is): “@iamrobidomingo ay subukan mo lang na i-match si @donny at @bernardokath ready ready and solid supporters ni Belle Mariano na ibash ka mula ulo mo hanggang paa. WAG MO ITOLERATE yung KA LANDIAN ng peste mong kaibigan.”

Napansin ni Robi ang komentong ito, at tinanong kung dapat bang ikunsiderang banta ang komento ng netizen.

Sabi ni Robi (published as is): “Can I consider this as a threat? Can I take legal actions against this?

“I don’t tolerate this behavior.”

Photo/s: Screengrab Robi Domingo on Instagram

ROBI DOMINGO SAYS Belle Mariano Messaged Him After Alleged Threat

Matapos maghain ng reklamo sa NBI, nakapanayam ni MJ Felipe ng ABS-CBN News si Robi.

Dito ay nabanggit ng PBB host ang dahilan kung bakit siya nagdesisyong daanin sa legal na paraan ang natanggap na banta, maging ang pagme-message sa kanya ni Belle para siguraduhin ang kanyang kalagayan.

Kuwento ni Robi, isang araw matapos niyang sumagot sa netizen ay agad siyang nakatanggap ng mensahe mula kay Belle.

Labis daw itong ikinagulat ni Robi.

Laman daw ng mensahe ni Belle ang pag-aalala nito at pangako sa TV host na hinding-hindi siya gagalawin ng tunay raw niyang fans.

Lahad ni Robi: “The following day, I was so surprised and happy na nag-message sa akin si Belle, saying na, ‘Hi Kuya I hope you are okay!’

“She was so nice for telling me na, ‘Rest assured my true fans will not harm you in any way, hindi sila ganoon. They love you and respect you a lot. If you need something just let me know.’

“And I told her the whole story and actually we’re so okay, we’re good, we’re okay.”

Dahil sa ginawa ni Belle ay mas lalo raw siyang na-appreciate at hinangaan ni Robi.

ROBI DOMINGO EXPLAINS NBI visit after threat from “troll”

Sa panayam ni Robi sa ABS-CBN News, naikuwento rin niya kung bakit siya humantong sa pagrereklamo sa NBI.

Ani Robi, sumakto lang na pagod na pagod siya galing sa trabaho nang mabasa ang pagbabanta sa kanya ng tinawag niyang “troll.”

Hindi raw niya itatangging bahagya siyang natakot dahil sa bantang ito, hindi lang para sa kanyang sarili kundi para sa kanyang pamilya kung saka-sakali mang mangyari ang sinasabi ng netizen.

Pahayag ni Robi: “I consulted with a lot of people, including my legal team about it and they said it’s a go. My relatives included and, of course, my wife [Maiqui Pineda] and she gave me a go signal, so I went.

“Nanggaling lang ito sa isang comment… Ito yung time na nilabas yung set ng judges sa Pilipinas Got Talent.

“And then when I got home, I checked my own account and there were just a certain troll or basher, which I’m aware of naman.

“Alam mo yung mga araw na pagod ka, I consulted Maiqui about it, sabi ko sa kanya, ‘Patulan ko lang, okay lang ba?’

“Sabi naman niya, ‘Just ask questions. Don’t be direct because that will just create turmoil and all.’

“She was right, I asked questions and it did create a lot of things with the fans of Kathryn, and DonBelle.

“And then yon, ang dami nang nangyari. Sabi nila [yung ibang netizens], ‘Uy, magpaka-kuya ka nga and all, ayusin mo to!’

“Sabi ko, ‘Paano naman ako? Na-threaten ako.’”

Bagamat para sa iba ay hindi ito big deal, kabaliktaran ang tingin dito ni Robi.

Para sa kanya, mas lalong lalala kung hindi ito agad inaksyunan para bigyan ng leksiyon at hindi na makapanakit at manakot pa ng iba ang nagbanta.

Maituturing daw itong panangga ni Robi para proteksiyunan ang kanyang sarili laban sa hindi mawala-walang bashers online.

Saad niya: “Some people say it can be a minor threat and it’s a troll account.

“I hope this sets an example na minor or major threat, troll or not, you have to take accountability of your actions — online or offline.

“Hopefully, everyone, especially in the age of social media, everyone please do your part. And please be responsible.

“I am just safeguarding myself, especially with what’s gonna happen in the future.”