Vice Ganda reiterates real job of congressmen, senators

Vice Ganda: “Dapat gagawa sila ng batas. Hindi mamimigay sila ng pera.”
Vice Ganda says lawmakers' job is to create laws not giving ayudas
Vice Ganda on lawmakers: “Ang trabaho talaga nila ay gumawa ng batas. Kaya dapat ang iboboto natin sa Kongreso at Senado ay yung gagawa ng batas, yung may alam na gawing batas, at may planong gumawa ng batas. Dahil ang Kongreso at Senado, ang ginagawa po niya talaga ay gumagawa ng batas, hindi nagbibigay ng ayuda.”

PHOTO/S: Courtesy: It’s Showtime on YouTube

Dahil patok sa Madlang People ang pa-quiz ng It’s Showtime, itinuluy-tuloy na ni Vice Ganda at iba pang hosts ng noontime show ang pa-game na ito kung saan sasagutin ng audience ang ilang katanungan tungkol sa current events at Philippine history.

Ngayong Martes ng tanghal, March 4, 2025, natuon sa tatlong sangay ng gobyerno ang ilan sa mga katanungan sa live audience.

Maluwag naman ang It’s Showtime hosts dahil pinayagan nilang mag-search sa Google ang mga miyembro ng audience sakaling sila ang biglang matanong.

Maayos na nasagot ng dalawang audience member ang tungkol sa tatlong sangay ng gobyerno: executive, legislative, at judiciary.

Naipaliwanag din ng mga natanong kung anu-ano ang ginagawa ng iba’t ibang sangay nito, katulad ng executive na tagapagpatupad ng batas at judiciary na nag-i-interpret ng batas.

Naitanong naman sa isa pa kung anong branch ang gumagawa ng batas.

Tanong ni Vice: Since nagsi-search ka na din, for PHP2000, sa tatlong branches nito, ano sa tatlong branches na ito ang trabaho ay ang gumawa ng mga batas?

“Kasi, di ba, sinabing ang executive, legislative, at judicial branch. Ano yung branch na gumagawa ng mga batas?”

Sagot ng audience member, “Legislative po.”

Ayon kay Vice, “Lawmaking. Legislative is correct!”

it's showtime
Vice Ganda asks an audience member about the function of the legislative branch of government. 

Photo/s: It’s Showtime Facebook

THE REAL JOB OF LAWMAKERS

Ipinaliwanag ni Vice ang pangunahing trabaho ng mga mambabatas — ang mga kongresista at senador.

Saad niya: “Legislative. Yan yung branch ng Kongreso at saka ng Senado.

“Ang trabaho talaga nila ay gumawa ng batas.

“Kaya dapat ang iboboto natin sa Kongreso at Senado ay yung gagawa ng batas, yung may alam na gawing batas, at may planong gumawa ng batas.”

Patutsada pa ng TV host-comedian: “Dahil ang Kongreso at Senado, ang ginagawa po niya talaga ay gumagawa ng batas, hindi nagbibigay ng ayuda.

“Yun talaga ang pangunahin nila. Yung paggawa, lawmaking sila.

“Kaya dapat gagawa sila ng batas. Hindi mamimigay sila ng pera.

“Lawmaking po ito, ha.”

Ibinahagini Vice sa kanyang Facebook account ang clip ng mensahe niyang ito.

Caption niya: “Ang kongreso at senado ay gumagawa talaga ng batas, hindi namimigay ng ayuda”