PBB viewers gush over Shuvee Etrata and Anthony Constantino

Guess who greeted Shuvee Etrata as she exited PBB: Celebrity Collab Edition? It’s none other than Fil-Am hunk and rumored boyfriend, Anthony Constantino. 
PHOTO/S: Sparkle (Instagram), the_oscarbrad (Instagram)

Kantiyaw ang inabot ng Kapuso host at actress na si Shuvee Etrata sa netizens sa pagtatapos ng pamamalagi niya sa Pinoy Big Brother: Celebrity Collab Edition.

Si Shuvee at ang fellow housemate na si Klarisse de Guzman ang latest evictees sa Bahay ni Kuya matapos makakuha ng mababang 31.50 percent combined votes nitong Sabado, June 14, 2025.

Ngunit ang lungkot na nadama ng mga tagahanga ni Shuvee ay agad napalitan ng kilig matapos na salubungin ito sa kanyang paglabas ng fellow Kapuso talent at rumored boyfriend na si Anthony Constantino.

Sa videos na lumabas online, makikita si Anthony na may dalang bulaklak at nakayakap kay Shuvee.

May kuha ring nakangiti si Anthony habang kinukunan ng video si Shuvee sa mga sandaling nagpapa-picture sa kanya ang mga taong nasa labas ng PBB house.

Hirit ng isang netizen sa TikTok: “talo sa votes pero panalong panalo sa lovelife.”

May isa pang nagsabi: “kaya naman pala pinalabas si shuvee kasi sa labas mananalo.”

SHUVEE ETRATA BONDS WITH ANTHONY, FRIENDS

Sa Instagram account ng Sparkle—ang talent arm ng GMA Network —may post tungkol kina Shuvee at Anthony matapos maganap ang eviction night.

May kuha rin si Shuvee kasama ang iba pang fellow Kapuso stars na sina Roxie Smith, Sugar Mercado, Skye Chua, at ex-housemate na si Ashley Ortega.

Subalit kay Anthony talaga nakatuon ang pansin ng publiko at marami ang na-curious kung ano nga ba ang ugnayan ni Shuvee rito.

May mga nagsabing manliligaw ni Shuvee si Anthony.

Pero may mga nagsabing noon pa man ay may usap-usapang magkarelasyon na ang dalawa.

Matatandaang may video at photo pa ngang lumabas si Shuvee na kayakap ang isang lalaking diumano’y si Anthony sa beach.

Dahil sa kuha na ito ay may ilang kumuwestiyon sa dating pahayag ni Shuvee na NBSB o “No Boyfriend Since Birth” siya.

WHO IS ANTHONY CONSTANTINO?

Si Anthony ay Filipino-American na ipinanganak at lumaki sa California, USA.

Photo/s: Anthony Constantino (Instagram) Fil-american hunk anthony constantino

Nagtapos ito ng Bachelor of Science in Computer Information Systems at Business Administration in Marketing sa California Lutheran University.

Bukod sa pagiging modelo ay lumabas din ito bilang aktor sa YouTube series na High School Hell Week, kasama ang PBB housemate na si Esnyr.

Photo/s: Anthony Constantino (Instagram) anthony constantino has the looks for showbiz.

Ang height niya ay 6’1″ at mahilig siya sa sports, especially basketball.