Alleged father of Bea Borres’ unborn baby breaks silence
Meray Yamada: “I never said I didn’t want to be there for our baby.”
Netizens couldn’t help but wonder if Meray Yamada (right photo) is the father of Bea Borres’ unborn baby.
PHOTO/S: Bea Borres on Instagram/Screengrab on Facebook
Lumantad na ang sinasabing ama ng ipinagbubuntis ng influencer na si Bea Borres.
Nitong Martes, August 12, 2025, isinapubliko ni Bea sa kanyang YouTube vlog na siya ay nagdadalantao makaraang mag-pregnancy test nang ilang ulit.
Nang magpositibo, agad ipinaalam ni Bea ang magandang balita sa kanyang mga kaibigan—kabilang sina Andrea Brillantes, Zeinab Harake, Sachzna Laparan, at Danica Ontengco.
Bago matapos ang vlog, naging emosyunal si Bea nang amining wala naman talaga siyang planong itago ang kanyang pagbubuntis.
Kung tutuusin, masayang-masaya raw si Bea nang malaman ito kahit hindi naman niya inaasahang sa edad na 22 ay magiging ina na siya.
Ganunpaman, ipinangako ni Bea sa kanyang magiging supling na gagawin niya ang lahat para palakihin ito nang maayos, malusog, at punung-puno ng pagmamahal.
Saad niya: “I want to have this private moment with myself. I’ve been thinking about it and I just want to say, kung girl ka man or boy, I will be the happiest as long as you’re safe and healthy.
ADVERTISEMENT – CONTINUE READING BELOW ↓
“And I’m sorry cause, I also want to say sorry to myself cause this isn’t how I imagined doing this.
“I’m just so proud of myself because kaya ko, kinakaya ko, and I love that.”
“You’re going to be my biggest, greatest blessing I could ask for in life.
“And I promise you, and to everyone that gets to watch this in the future, that I’d really, really be the best mom.
“I mean, it’s true I’m not ready, but I don’t think anyone or anything prepares you for motherhood.”
WHO IS THE FATHER OF BEA BORRES’ CHILD?
Dahil sa biglaang pagdadalantao ni Bea, maraming netizens, partikular na ang kanyang mga tagahanga, ang ngayo’y nagtatanong kung sino ang ama ng ipinagbubuntis niya.
Lalo pa nang sabihin ni Bea sa post sa Instagram Stories na papalakihin niyang mag-isa ang kanyang anak dahil siya ay single mom.
Ayon sa fans ni Bea, kung pagbabasehan ang mga post ng aktres sa TikTok, ang huling nakarelasyong isinapubliko nito ay ang sales vice-president ng iShip Logipack Inc. na si Meray Yamada.
Meray Yamada, alleged father of Bea’s baby, speaks up
Dahil dito, kaagad pinag-usapan online si Meray at ang naging relasyon nila ni Bea.
Maraming haka-haka ang naglabasan sa kinahantungan ng relasyon ng dalawa.
May mga nagsabing dahil sa third party kaya nagwakas ang pag-iibigan nina Bea at Meray.
Ito rin daw ang dahilan kung bakit galit at hindi nagawang isapubliko ni Bea ang pagkakakilanlan ni Meray bilang ama diumano ng kanyang anak.
Para wakasan na ang samu’t saring alegasyon, nagsalita si Meray sa pamamagitan ng pagkukomento sa isang TikTok post ng fan ni Bea.
Base sa kumakalat ngayong screenshot, hindi itinanggi ni Meray na siya nga ang ama ng supling na nasa sinapupunan ng aktres.
ADVERTISEMENT – CONTINUE READING BELOW ↓
Bagamat hindi naging maayos ang relasyon nila ni Bea ay hindi raw ito magiging rason para hindi siya magpaka-ama sa kanilang magiging anak.
Pangako pa ni Meray na gagawin niya ang lahat ng kanyang makakaya para maging “best father.”
Mababasa sa kanyang comment (published as is): “Things may not have worked between Bea and I, but i never said i didn’t want to be there for our baby.
“I may not have handled our situation the best as of late, but walking away has never been an option for me.
“Im here. And I’m going to do whatever it takes to be the best father i can be.
“My daughter deserves nothing but the best and i will work everyday to give her the life, love, and support she deserves.
“I will do better. For as long as i am accepted into our childs life. Ready or not, i will answer the call with my whole heart.”
ADVERTISEMENT – CONTINUE READING BELOW ↓
Sa huli, nakiusap si Meray ng privacy, lalo na kay Bea para sa matiwasay at tahimik nitong pagbubuntis.
Saad niya: “I hope and ask that we are given the privacy necessary to navigate our situation most especially the journey of Bea’s pregnancy as smoothly as possible. Thank you.”
Photo/s: Screengrab on TikTok
ADVERTISEMENT – CONTINUE READING BELOW ↓
Habang isinusulat ang artikulong ito ay hindi na makita ang comment ni Meray.
Ngunit maraming netizens ang nakapag-screenshot nito at muling ipinost sa TikTok.
Bagay na nakarating kay Bea kaya naman agad-agad siyang nagbigay ng reaksiyon.
Komento niya sa isang post ng netizen, patungkol sa naging pahayag ng dating nobyo (published as is): “nyek na una pa mag sabi ng gender! i never even revealed na siya yung dad.”
Photo/s: Screengrab on TikTok
