Vice Ganda calls out MC Muah: “Hindi marunong makisama.”

Vice Ganda and MC Muah kiss and make up after their beach powwow.

It’s Showtime host Vice Ganda gets real with longtime friend MC Muah: “Di ba sabi ko naman kanina, I’m very frank, I’m very blunt. I speak my mind and my heart. Walang sense of oneness. Kasi nga, di ba? Hindi marunong makisama.”
PHOTO/S: Courtesy: Vice Ganda on YouTube

Hindi naitago ni Vice Ganda ang inis sa kaibigang si MC Muah Calaquian dahil sa malimit nitong hindi pakikihalubilo habang nagbabakasyon ang grupo sa Coron, Palawan.

Sa vlog ni Vice na lumabas sa YouTube kahapon, May 22, 2025, makikitang nasa may beachfront ng Discovery Coron, Palawan, ang It’s Showtime host at ang mga kaibigan nitong comedy-bar performers.

Kabilang sa mga kasama niya sina MC, Chad Kinis, Lassy Marquez, at Tonton, na pawang nagpe-perform sa pag-aaring comedy bar ni Vice, ang Vice Comedy Club.

Vice Ganda and his friends during their powwow at the Discovery beachfront in Coron, Palawan. 
Photo/s: Courtesy: Vice Ganda on YouTube

VICE GANDA GETS REAL WITH MC MUAH

Habang nakaupo sila sa beachfront ay isa-isang tinanong ng kanyang mga kasama si Vice.

Ilan sa mga unang naging tanong kay Vice ay tungkol sa red flags niya at kung bakit siya nagtayo ng comedy bar.

Nang si MC na ang nagtanong, wala sa hinuha nitong mauuwi iyon sa seryosong usapan.

Unang tanong ni MC kay Vice ay kung sino ang ayaw niyang makamukha paggising kinabukasan.

Diretsong sagot ni Vice kay MC, “Ikaw.”

Sunod na tanong ni MC, “Kung matutulog ka, para maiba ako. Kung matutulog ka, sino ayaw mo panaginipan?”

“Ikaw din,” sagot muli ni Vice.

Tanong ng marami, “Bakit?”

“Buwisit ako sa ‘yo,” natatawa pero prangkang sagot ni Vice habang nakatingin kay MC.

“Di ba, sabi ko naman kanina, I’m very frank, I’m very blunt. I speak my mind and my heart.”

Kasunod nito ay diniretso ni Vice kung bakit “buwisit” siya kay MC.

Sabi ng comedy giant: “Walang sense of oneness. Kasi nga, di ba? Hindi marunong makisama.

“O, ito na lang, ilabas natin. Pag kayo may rampa kayong grupo, anong mararamdaman niyo yung kasama niyo, papasok sa kuwarto, tapos lalabas kung kailan niya bet, ta’s aantayin natin siya? Di ba?

“Tapos, pagkatapos, may gagawin kayo. Tapos papasok na naman siya sa kuwarto.

“Tapos aantayin mo na naman siya kasi hindi mo alam kung kailan siya lalabas.

“Di ba, nakakabuwisit? Kaya tayo nandidito to create memories again and to rebond, di ba?

“Kasi nga, hindi na tayo nagkakasama-sama dahil kanya-kanya na tayo ng ganap.

“E, kung itutulog lang pala natin ‘to o ililigo nang matagal, e, di sana hindi na lang tayo umalis.

“I chose to be with all of you, now. I chose to be with all of you, this vacation.

“Kasi puwede namang kami na lang ulit ng mga nanay ko ang lumabas, di ba? Pero kasi hindi ko na rin kayo nakakasama.

“Ta’s pagdating dito, ganun pa din. Parang ugali mo lagi yan, e.”

Dito na nagkaroon ng kaunting tensiyon sa pagitan ng dalawa.

Sinubukan ni MC magpaliwanag.

Aniya, “Hindi. Eto, Meme, promise. Eto…”

Pero hindi naituloy ni MC ang kanyang paliwanag dahil tuluy-tuloy pa ring nagsasalita si Vice.

Sabi nito kay MC, “Di ba nga? Sama-sama. Parang ang hirap-hirap.”

VICE GANDA: “Di mo iniisip may nag-aantay sa yo?”

Sa kasunod na litanya ni Vice, binalikan niya ang araw na dumating sila sa Palawan.

“Di ba, dumating tayo rito?

“So, pumasok ka sa kuwarto. Ikaw yung huling-huling lumabas.

“Natulog ka, nung lumabas ka, gabi na.

“Pero hindi ko na kinukuwestiyon kasi sabi ko, ‘A, baka kasi pagod,’ kasi bumiyahe tayo, e. Ginive ko na yun.

“So, si Tonton nag-aaya nang kumain, di ba? So, hindi pa ako nagyaya, ‘Sige, kain na tayo,’ kasi kulang pa, di ba?

“Tapos nung dumating ka, tsumika ka tapos kumain muna.

“So, yung iba um-order na ng mga merienda.

“So, dahil naka-order ng merienda kakaantay na makumpleto tayo, hindi tayo makakapag-dinner agad kasi kakakain lang ng mga merienda, di ba?

“Kasi nga, inaantay natin ang lahat na dumating kung kailan nila gustong dumating.

“Tapos, pagkatapos nun, nag-dinner na tayo.

“Papunta na tayo doon sa isang kuwarto kasi maglalaro na tayo, di ba?

“Nagpadala ka pa ng mahjong. Di ba, sabi mo, magma-mahjong tayo dito?

“Bumalik ka sa kuwarto ulit, tapos bumalik ka alas-dos ng madaling-araw.

“Parang, ano yun? Di mo iniisip may nag-aantay sa yo?

“Na may mga kasama ka na, ‘Ay, nandun sila na nag-aantay sila tapos ako wala pa.’

“Di ba, dapat iniisip mo yun?”

MC MUAH APOLOGIZES TO VICE

Kaagad namang humingi ng dispensa si MC.

Maluha-luha nitong sinabi: “E, sorry naman talaga. Di, kaninang umaga, nag-chat naman ako sa yo.

“Promise, alam mo, that… sa totoo lang, lagi ko kasing… lagi akong… lagi kong gustong pakita yung best ko sa ‘yo pag kasama kita.

“Pero bakit sa amin lahat, kay Lassy, ako yung madalas mong napapagalitan?”

Sabat ni Vice, “Iano natin, i-disregard natin yung, ‘Bakit lagi mo akong nasisita?’

“Hindi ba valid yung point ko? Hindi ba valid yung nakakainis yung ginawa mo kahapon?”

Nagpaliwanag muli si MC.

Sabi nito, nagtanong naman daw siya sa kasamahan nilang si Tonton kung sinu-sino na ang nasa kuwarto ng mahjongan.

Tanong tuloy ni Vice, “Bakit nagtatanong ka pa ng kung sino pa yung mga nandoon?

“Kung sino na yung… so kailangang complete casting bago ka lumabas?”

Sagot ni MC, “Di, hindi. Di, kasi naligo ako nang matagal.”

Sabi ni Vice: “Exactly my point!

“Alam mong may gagawin tayong grupo, di ba?

“Magba-bonding nga tayo. Kasasabi mo, naligo ka nang matagal.

“So, hinihintay ka namin ulit. E, bago yun, inantay ka din namin nang matagal dahil natulog ka din nang matagal. Inabot ka ng gabi.

“Tapos pag nasita ka ngayon, sasabihin mo, ‘Bakit lagi mo akong nasisita?’

“Fair ba yung ginagawa mo sa mga kasama mo?”

Paglilinaw pa ni Vice, sa lahat sa kanila ay siya lang ang maaring manita kay MC.

Aniya: “Kaya nabibilang mo yung sita ko kasi ako nga lang yung puwede, ako lang yung sumisita sa yo.

“Kasi lahat naman sila, hindi ka sisitahin, di ba? So, kung hindi ko pinaramdam sa ‘yo na ang off nung eksena mo, gagawin mo yun lagi.

“Kaya nga tayo nandito, magrire-bond, di ba? At ikaw ang kausap ko diyan, di ba?

“Ang tagal na nating hindi nagkakasama. Nagkakasama lang tayo sa trabaho.

“Hindi na naman nagkakasama. Ta’s pag nagkasama tayo, matutulog ka nang matagal? Ta’s maliligo ka nang matagal? Di ba, nakakairita?

“At walang magsasabi sa ‘yo nun, ako lang.”

Marahil napagtanto ni MC ang kanyang pagkukulang kaya sabi niya kay Vice, “Teh, okay na tayo.”

Sagot sa kanya ni Vice: “Okay na tayo? Ako, okay ako. Ako, okay ako.

“Gusto ko lang mag-develop yung pakikiisa, pakikisama.

“So, yun ang dahilan kung bakit ayaw kitang mapanaginipan. Dahil nainis ako sa yo.”

Sa huli, nauwi rin sa pagpapatawaran at yakapan ang eksena ng magkakaibigan ng ilang dekada.

MC Muah hugs Vice Ganda after offering his apology. 
Photo/s: Courtesy: Vice Ganda on YouTube