Nagpakita ng suporta si News5 anchor-reporter Gretchen Ho sa kapwa anchor-reporter na si Mariz Umali ng GMA Integrated News.

Ito ay sa gitna ng akusasyon ng mga masugid na tagasuporta ni dating Pangulong Rodrigo Duterte na “biased” o hindi patas ang pagbabalita ni Mariz at ng mga kapwa nito TV reporters.

Sina Gretchen at Mariz, pati na si Zen Hernandez ng ABS-CBN News, ay nasa The Hague, Netherlands, para sa coverage ng akusasyong crime against humanity laban kay Duterte na dinidinig ng International Criminal Court (ICC).

Read: Who are the key players in Rodrigo Duterte’s ICC trial?

Nagkalat sa social media ang videos nina Mariz, Zen, at Gretchen habang nagbabalita sa mga kaganapan sa The Hague.

Sa captions at text overlays ng mga post na ito ay pinararatangan silang “biased.”

Ang videos na ito na kuha ng Duterte supporters na nasa The Hague ang siyang ipinapakalat sa social media.

Narito ang ilang screenshots mula sa mga mapanirang videos laban sa tatlong reporters na naka-upload sa social media:

Gretchen Ho, Mariz Umali, Zen Hernandez

Screenshots mula sa mga mapanirang videos laban sa reporters na sina Gretchen Ho, Mariz Umali, at Zen Hernandez kaugnay ng coverage nila ng crime against humanity case ni former President Rodrigo Duterte sa The Hague. 

Photo/s: TikTok

MARIZ FACES ANGRY CRITICS; gretchen’s witty response TO BASHERS

Sa isang recent viral video, makikita si Mariz na kinukunan ng video ang Duterte supporters na nahaharangan ng isang barrier sa The Hague.

Sa video, makikitang may mga dumuduro kay Mariz habang nagbi-video ito.

Maririnig ang pagsigaw nila ng “Duterte!”

May ilan ding sumisigaw ng “biyas” patungkol kay Mariz.

Mariz Umali
Mariz Umali faces angry critics while covering the Duterte hearing in The Hague, Netherlands.

Ni-repost ni Gretchen ang video na ito na tampok si Mariz.

Sa caption ay nagpahayag siya ng suporta kay Mariz.

“Biyas!!!! Mabuhay ka! Mariz Umali Love and light,” mensahe ni Gretchen na may kalakip na smiling and heart emojis.

Ang “Biyas” na tinukoy ni Gretchen sa caption ay ang pagbigkas ng ilang Duterte supporters sa salitang “bias” habang kinukunan sila ng video ni Mariz sa The Hague.

Gretchen Ho on Mariz Umali

Maging si Gretchen ay inulan din ng batikos at pinaratangang “BIAS,” kagaya nina Mariz at Zen.

Sa recent Instagram post ni Gretchen na kuha sa Netherlands, tinawag siyang “BIAS” ng mga kritiko sa comments section.

Pagtatama naman ni Gretchen sa mga ito: “BIAS with ED” po. Biased. Thanks powh.”

Gretchen Ho bias

Ipinost din ito ni Gretchen sa kanyang X (formerly Twitter), na sinundan niya ng komento tungkol sa tamang paggamit ng salitang “based.”

Kalakip nito ang screenshots ng mga basher na tumawag sa kanya ng “BIAS.”

Gretchen Ho on bias

Sa kabilang banda, may ilan namang Duterte supporters na nagkomento na ang ginagawa ng reporters tulad ni Mariz ay trabaho lamang.

MARIZ UMALI GOES VIRAL

Nag-viral si Mariz kamakailan matapos mag-live ang isang vlogger na nakatabi ang Kapuso anchor-journalist sa The Hague.

Nahagip ang komento ni Mariz tungkol kay former executive secretary Attorney Salvador Medialdea.

Nahimatay si Medialdea habang bumibisita kay Duterte sa The Hague Penitentiary noong March 18, 2025, kaya isinakay siya sa ambulansya.

In-upload ng netizen ang nahagip na pahayag ni Mariz.

Sa caption ng uploader, sinabi nitong tinawag umanong “matanda” ni Mariz ang hinimatay na si Medialdea.

Sinunggaban ng mga kritiko ang pagkakataon para batikusin si Mariz dahilan para mag-viral ang reporter.

Bilang sagot, naglabas ng pahayag si Mariz para klaruhing mali ang pagkakarinig sa kanya dahil hindi “matanda” ang sinabi niya patukoy kay Medialdea, kundi “mata niya.”

Paglilinaw ni Mariz, ito ang kanyang sinabi: “Tingnan mo yung ‘mata niya’ [Medialdea], nakabukas siya nung una pero nung nakita niya ako, pinikit.’”

Read:

MARIZ UMALI POSTS ABOUT POSITIVITY

Sa gitna ng mga matinding batikos na natatanggap niya ngayon, makahulugan ang recent posts ni Mariz sa Instagram tungkol sa pagiging positibo.

Sa pinakahuli niyang Instagram posts ay nag-post siya ng mga larawan niyang nakangiti kasama ang ilang kasamahan niya sa Netherlands.

Caption niya: “’Radiating positivity in a world that needs more light. Good vibes only—no space for hate.’ Thanks guys! You are angels sent from above”

Sa ilang Instagram Stories naman niya, nag-post siya ng Bible verses tungkol sa pagharap sa mga hamon na magagapi sa pamamagitan ng pananampalataya.

Mariz Umali IG post
Mariz Umali bible verse post