Binawian ng buhay si Nora Aunor, National Artist for Film and Broadcast Arts, nitong Miyerkules ng gabi, April 16, 2025, sa The Medical City, Pasig City.

Siya ay 71 taong gulang.

Ang kanyang pagpanaw ay naghatid ng matinding kalungkutan sa mga mahal niya sa buhay, tagasuporta, at lahat ng nakasubaybay sa maningning at makulay niyang showbiz career.

Ang anak ni Nora na si Ian de Leon ang nagkumpirma nito sa kanyang social-media accounts.

Pahayag ni Ian (published as is): “With deep sorrow and heavy hearts, we share the passing of our beloved mother, Nora C. Villamayor ‘Nora Aunor’ who left us on today April 16, 2025 at the age of 71.

“She was the heart of our family—a source of unconditional love, strength, and warmth.

→ Swipe to see more articles

Related Posts

REBELASYON! Pauleen Luna PINAKILALA na ang Tunay na AMA ni Tali Sotto! Vic hindi matanggap!

Kim Chiu and Paulo Avelino performed a special duet for their fans, leaving everyone “sh0cked”

DOCTOR REVEALS: The Real Cause Behind Ivana Alawi’s Pain – Everything You Need to Know!

Lotlot De Leon, Napasigaw sa Gitna ng Lamay! Emosyonal na Pagbunyag ng mga Sekretong Tinago ni Nora Aunor Bago Ito Pumanaw, Ikina-Gulat ng Buong Pamilya!

🔴KATHDEN EXPENSIVE WEDDING nina KATHRYN BERNARDO at ALDEN RICHARDS, PLANADONG GAGANAPIN sa ITALY! DANIEL PADILLA HINDI IMBITADO—ANG DAHILAN AY IKAGUGULAT NG LAHAT!🔴

“The Truth Finally Comes Out” — Ria Atayde Breaks Down as Zanjoe Marudo Recovers from Alleged Incident with Robin Padilla

“Her kindness, wisdom, and beautiful spirit touched everyone who knew her. She will be missed beyond words and remembered forever.

“Details to be announced tomorrow.”

NORA AUNOR’S EARLY CAREER

Si Nora, o Nora Cabaltera Villamayor sa tunay na buhay, ang tinaguriang “Superstar” ng Philippine entertainment industry.

Isinilang siya sa Iriga, Camarines Sur, noong May 21, 1953.

Mula sa pagtitinda ng tubig sa harap ng Bicol train station noong bata pa siya, naging sikat na mang-aawit si Nora pagkatapos sumali at tinanghal na Grand Champion sa Tawag ng Tanghalan noong May 29, 1967.

Binago ni Nora ang kalakaran sa showbiz, na noong panahon iyon ay puro mestiza ang iniidolo ng publiko.

Si Nora ang kauna-unahang kayumanggi na tinangkilik ng mga tao at dinumog sa lahat ng mga lugar na pinupuntahan niya.

NORA AUNOR’S INTERNATIONAL AWARDS

Kilala sa kanyang “Golden Voice,” nang lumaon ay mas nakilala si Nora sa husay niya sa pag-arte.

National Artist Nora Aunor dies at 71 | PEP Hot Story

Hindi na mabilang ang mga parangal, kabilang ang Lifetime Achievement Awards, na tinanggap niya.

Hindi lamang sa Pilipinas kinilala ang galing ni Nora dahil nagwagi rin siya ng acting awards mula sa iba’t ibang international film festivals.

Si Nora ang hinirang na best actress sa 19th Cairo International Film Festival noong 1995 para sa kanyang pagganap ng lead role sa The Flor Contemplacion Story, na base sa trahedya ng buhay ng isang Overseas Contract Worker.

Taong 2012, para sa kanyang pagganap sa Thy Womb, nakuha niya ang Bisato d’ Oro Award for Best Actress, ang Italian critics’ prize sa 69th Venice International Film Festival. Nanalo rin siya ng Best Performance by an Actress sa Asia Pacific Screen Awards sa Australia, Best Actress sa Sakhalin International Film Festival sa Russia, at Best Actress sa Asian Film Award sa Hong Kong.

Pinarangalan naman ng CNN APSA Viewers Choice Award bilang Best Asia -Pacific Film of all Time noong 2008 ang iconic film na pinagbidahan niya, Ang Himala (1982). Nilikha ito ng dalawang alagad ng sining na naging National Artists of the Philippines—sina direktor Ishmael Bernal at screenwriter Ricardo Lee.

Phenomenal ang pagsikat ni Nora bilang Superstar.

Sa isang panayam ng Cabinet Files, binalikang-tanaw niya yung moment na isinakay siya sa crane dahil hindi makontrol ang pagkakagulo ng mga Noranians—tawag sa kanyang fans—na gusto siyang lapitan, halikan, at yakapin.

Naikuwento naman ng ilang oldtimers ng industriya ang mga araw na nagkukumahog ang mga mayayaman at mga pulitikong maimbitahan siya, kaya’t nagpapadala pa ang ilan ng helicopter para dalhin siya sa kanilang pagtitipon. Ang mas makulay pa sa mga kuwentong iyan, pinaghihintay ng Superstar ang helicopter dahil gusto pa niyang matulog.

Noong 2022, si Nora ay tinanghal bilang National Artist for Film. Sa conferment ceremony, hindi siya nakadalo dahil masama raw ang kanyang pakiramdam.

NORA AUNOR’S HEALTH PROBLEM

Noong Pebrero 20, 2023, marami ang nabahala para sa kalusugan ni Nora dahil sa kanyang sariling rebelasyon sa Fast Talk With Boy Abunda sa GMA7.

“Namatay na ako ng three minutes nitong nakaraan lang. Hindi alam talaga ng mga tao. Sorry po, napag-usapan, at hindi naman siguro masama na sabihin ko ang totoo sa talagang nangyari sa akin.”

Nagpabalik-balik daw siya noon sa ospital, at may insidenteng diniretso siya sa emergency room dahil sa matinding pagbaba ng kanyang blood pressure.

Noong August 17, 2024, sa YouTube channel ni Maricel Soriano, isiniwalat niya ang pagkasira ng kanyang boses noong sumailalim siya sa isang cosmetic surgery sa Japan taong 2010.

“Ang pinaka-love ko talaga ang pag-awit. Kung hindi dahil sa pagkanta ay hindi ako makakatulong sa pamilya ko at hindi rin ako makikilala ng mga tao.

“Kaya nung masira yung boses ko…

“Sinira nila, e. Parang sinadya. Kaya hanggang ngayon, hindi ako nakakanta.”

Ang huli niyang TV project ay ang Kapuso series na Lilet Matias: Attorney-at-Law (2024), at huli siyang napanood sa film na Pieta (2023).

Paalam, Superstar Nora Aunor.