Muling bumisita ang PEP.ph (Philippine Entertainment Portal) sa set ng TV5 mini-serye na Sa Ngalan ng Ina last Wednesday, September 7, 2011.

At muli ay na-interview namin ang bida ng drama series na si Nora Aunor.

Nasa Taal, Batangas sina Nora at co-actors, with Direk Mario O’Hara and staff, mula August 22 hanggang September 2.

Nasa Bosoboso, Antipolo City sila noong September 5.

Nag-shoot din ang cast and crew sa Salve Regina General Hospital sa Marikina City buong araw at hanggang past midnight noong September 8.

Maaga ang call time ni Ate Guy (nickname ni Nora) kaya mas maaga siyang nakauwi, bago naghatinggabi.

→ Swipe to see more articles

Related Posts

Kim Chiu emosyonal sa ‘dinner treat’ ng nakababatang kapatid mula sa Canada

MATINDING SIGALOT! Zoren Legaspi Biglang Binawi ang Lahat ng Ari-arian kay Carmina – Dahilan, Labis na Nakagugulat!

Sharon Cuneta reacts to Coco openly declaring feelings for Julia

BIG NEWS! MARJORIE BARRETTO NAGPASABOG! KINUMPIRMANG MAGIGING AMA NA SI GERALD ANDERSON!

Nora Aunor in Tears Over Her Children’s Actions—The Nation is Heartbroken Upon Learning the Truth!

Kris Aquino’s Heartbreaking Revelation: “This Might Be My Last Birthday” – Fans Moved to Tears Over Her Emotional Last Will

Mga eksena nila nina Alwyn Uytingco at Edgar Allan Guzman ang karamihang kinunan.

Pero mayroon ding mga eksena sina Nora at ang anak niyang si Ian de Leon, na nadatnan ng PEP bandang hapon na nakikipagkulitan sa kanyang mommy.

Before dinner break ay nauna naming in-interview si Ian, with Ate Guy na may ibang kausap, in the same room.

Pero puro rin tungkol kina Nora at Christopher de Leon, Ian’s dad, ang binabanggit ng huli.

At one point, natutuwang na-mention ni Nora na crush ng anak niyang si Ian, noong bata pa ito, si Lorna Tolentino.

Nabanggit kasi sa usapan na lilipat na sa TV5 si Lorna.

“Napakabata pa niya [Ian] noon, pero may crush na,” natutuwang pagbabalik-tanaw ng Superstar.

Isip-isip din daw niya noon, “Yung anak ko, ibang artista ang gusto!”

Pero panay naman ang “bawi” ni Ian sa kanyang mommy.

Like, ipaparinig talaga kay Ate Guy, “Kay Mommy ako. Loyalista ako, e!” Or, “I’m proud of both my parents…’”

Tungkol sa pagiging “makulit” like his dad, sabi naman ni Ian, “Hindi ako nagtataka kung saan ko nakukuha yung mga kakulitan ko… Si Mommy, ayan, mahal na mahal ko!”

At tumawa nang malakas ang anak ni Guy.

Natatawa na lang si Nora, who was pleased with Ian’s words.

“Alam ko yun. Di na kailangang sabihin yun. Nararamdaman naman, e.”

NORA AUNOR ON CHRISTOPHER DE LEON

Sa SNNI taping sa Bosoboso, Antipolo City, the previous day, September 5, marami namang eksenang kinunan kina Nora at Christopher.

Magkatuwang uli ang mga unit directors and technical staff nina Mario O’Hara at Jon Red that day.

Napaka-professional nina Nora and Boyet. Gamay na gamay nila ang dapat gawin sa set,

Sa personal na aspeto, nabanggit din ni Nora na maski naghiwalay sila noon, nanatiling maganda ang kanilang friendship.

“Malaki ang sakripisyo niyan sa akin,” banggit ni Ate Guy, in the presence of Ian.

“Kasalanan ko rin, e. Aminado ako. Kung hindi naging matigas ang ulo ko noon, hindi sana kami naghiwalay.”

Pero nangingiti si Nora kapag may naaalala during those years na separated na raw sila ni Boyet, pero, “Nagde-date pa rin kami!”

Ang kuwento ni Guy: “Idini-date niya ako, kahit hiwalay na kami.

“Ikinukuwento niya sa akin yung mga nililigawan niya, at sinasabi ko rin yung mga nanliligaw noon sa akin.”

NORA AUNOR, HAPPY WITH TV5

Samantala, sa maganda at maayos na pagtrato sa kanya ng TV5 ay walang dahilan para hindi maging masaya si Nora.

Very vocal nga siya sa pagsasabi nito, each time na may nakakausap na taga-media, tulad ng PEP.

“Ibang klase silang mag-alaga,” banggit ni Nora, na lalong natutuwa kapag may inihahanda sa kanyang special dishes, tulad ng Bicol express at ginataang santol, na paborito talaga niya.

NORA AUNOR’S FIRST BOLD ROLE

Ano pa ang gusto niyang roles na gampanan?

“As usual, bold!” wika ni Ate Guy sa kanyang nakagawiang pagbibiro.

“Pero hindi niyo alam, ako ang unang-unang nag-bold—sa Banaue!”

Ang Banaue (1975) ay ang klasikong pelikula ng National Artist for Film na si Gerry de Leon. Ito ang unang pagtatambal nina Nora at Christopher.

“Buhok ko lang ang nakatakip [sa dibdib]. Ako ang unang nag-bold!” biro pa ni Ate Guy, referring to her costume in the epic masterpiece about the legend of the world-famous Banaue Rice Terraces in Ifugao.

YUL SERVO AND OTHER GUESTS

Bukod sa press na nag-i-interview, may mga male celebrities din mula sa TV5 ang bumisita sa set ng Sa Ngalan ng Ina para sandaling makausap si Nora Aunor.

Nakita namin si Manila Councilor Yul Servo, na nakapareha ni Ate Guy sa pelikulang Naglalayag (2004).

Kasamang bumisita ni Yul ang co-star niya sa Bangis, ang young actor na si Rodjun Cruz.

Early evening nang dumating sina Yul at Rodjun.

“Ate Guy, magpupugay daw sa iyo,” sabi ni Ms. Jo-Ann Banaga, supervising producer ng Sa Ngalan ng Ina at Bangis.

Tuwang-tuwa si Ate Guy pagkakita kay Yul. Ipinakilala nito sa kanya si Rodjun at sandali silang nagkumustahan, nag-picture-picture.

Fun fact: si Rodjun ay pamangkin ni Tirso Cruz III, na dating ka-love team at karelasyon ni Nora.

Sabi ni Nora about Yul, “Naku, naniningkit pa rin ang mga mata niya. Bilib talaga ako roon, mahusay na artista. At napakabait na bata.”

Sa pelikula, lumilitaw na si Yul ang pinakahuling naging leading man, so far, ni Nora.

“Nakakatuwa naman. Sabi niya, ‘Ate Guy, nakatatlong awards ako doon…’ Mahusay talaga siya,’” banggit din ni Nora.

Samantala, among the Sa Ngalan ng Ina cast members, binanggit ni Nora na sina Alwyn Uytingco at Edgar Allan Guzman ang pinaka-promising at nag-i-standout sa mga baguhang nakakaeksena niya.

“Magagaling at masisipag, mga disiplinado,” sabi ni Nora.