-Simple lang ang naging selebrasyon ng 18th birthday ni Bimby kasama sina Kris Aquino at Josh

-Ibinahagi ni RB Chanco sa social media ang mga larawan at mensahe para kay Bimby

-Nabanggit ni Kris kay RB ang takot na baka ito na ang huling birthday na makasama niya si Bimby

-Pinuri ni RB ang mabuting puso ni Bimby at ang pagmamahal nitong nagbibigay-lakas kay Kris

Narito na ang paghahanap sa KAMI! Basahin ang mga balita tungkol sa iyong paboritong mga bituin sa pamamagitan lamang ng pag-type ng kanilang pangalan sa search bar!

Tahimik at simple ang naging selebrasyon ng ika-18 kaarawan ni Bimby, bunsong anak ni Kris Aquino, nitong Sabado de Gloria, Abril 19. Kasama niya sa espesyal na araw na ito ang kanyang ina at kuya na si Josh, sa kanilang tinitirahang bahay sa ibang bansa. Sa kabila ng kakulangan sa engrandeng handaan, dama naman ang pagmamahalan sa pamilya, lalo na’t ang okasyon ay naging simbolo rin ng matibay na samahan nilang mag-iina.

Nagbahagi si RB Chanco, kilalang makeup artist at matagal nang kaibigan ni Kris, ng mga larawang kuha sa birthday celebration. Kasabay ng pagbabahagi ng mga litrato, nag-iwan din si RB ng madamdaming mensahe para kay Bimby.

“Bimb, you’re 18 today, and it’s hard to put into words how proud I am of the person you’ve become,” ani RB. Inilarawan niya si Bimby bilang isang batang may “quiet strength” at “gentle heart,” na sa kabila ng paglaki ay nananatiling mabait, mapagkumbaba, at punô ng pagmamahal para sa kanyang pamilya.

Dagdag pa ni RB, naantig siya sa isang kwento ni Kris kung saan ipinahayag nito ang takot na baka ito na ang huling birthday ni Bimby na makakasama siya. “Your mom once said this might be the last birthday she gets to spend with you, and that stayed with me,” ani RB.

Gayunman, umaasa si RB na habang kasama pa ni Kris si Bimby, patuloy itong makakahanap ng lakas upang ipagpatuloy ang kanyang laban sa sakit. “But I truly believe that as long as you’re by her side, she’ll keep finding the strength to keep going. You’ve given so much of yourself to her, and that love is something truly rare,” dagdag pa ng makeup artist.

Bilang panghuling mensahe kay Bimby, sinabi ni RB: “You’re a gift to your family, and to everyone lucky enough to know you… Bimb, eighteen’s just the beginning and whatever life brings, I know you’ve got what it takes.”

Sa mga panahong humaharap sa seryosong karamdaman si Kris Aquino, ang mga ganitong sandali ng pagsasama-sama ng pamilya ay nagiging mas makahulugan. Bagama’t walang engrandeng handaan o malakihang party, ang simpleng selebrasyon na ito ay isang pagpapatunay ng kahalagahan ng pamilya, pagmamahalan, at pananampalataya sa gitna ng pagsubok.

Si Bimby o James Carlos Aquino Yap Jr. ay anak nina Kris Aquino at dating PBA player James Yap. Kilala siya sa publiko simula pagkabata, matapos siyang ipakilala ni Kris sa media. Lumaki siya sa mata ng publiko bilang isang articulate at mabait na bata. Kasalukuyang naninirahan sina Bimby, Kris, at Josh sa ibang bansa habang patuloy ang gamutan ni Kris laban sa autoimmune diseases na kanyang kinakaharap.

Matapos ang matagal na gamutan sa Amerika, masayang ibinalita ni Kris Aquino na nakabalik na siya sa Pilipinas. Ibinahagi rin niya ang ilang update tungkol sa kanyang kalusugan at mga gamot na patuloy niyang iniinom bilang bahagi ng kanyang treatment.

Nagpasalamat siya sa mga patuloy na nananalangin para sa kanyang paggaling. Maraming celebrities ang nagpahayag ng suporta at panalangin para kay Kris Aquino matapos niyang i-post ang kanyang health update. Kasama sa mga nagbigay ng komento ay sina Kim Chiu at Ogie Diaz, na parehong humanga sa katatagan ni Kris. Nag-trending din online ang mga pahayag ng suporta mula sa mga netizen at fans.