Laking tuwa at pasasalamat ng TV host-comedian na si Vice Ganda na walang malubhang nangyari sa kanya matapos masangkot sa karambola ng mga sasakyan sa Katipunan, Quezon City, noong Linggo ng madaling-araw, August 20, 2023.

“Masayang-masaya ako na wala namang mabigat na nangyari sa akin.

“Buti na lang talaga, bongga din yung sinasakyan kong matigas na sasakyan, kaya walang mabigat na pisikal na nangyari sa akin.

“Yung sasakyan lang talaga ang nangarag, ako hindi naman,” pahayag ni Vice nang makausap siya ng PEP.ph (Philippine Entertainment Portal) at iba pang reporters sa grand launch ng Shopee’s 9.9 Super Shopping Day, Miyerkules ng gabi, August 23.

Ipinakilala si Vice bilang bagong brand ambassador ng shopping app.

Nagbigay rin ng paalala si Vice sa mga motorista para hindi na maulit pa ang ganitong mga aksidente.

→ Swipe to see more articles

Related Posts

Nakakagulat: Tirso Cruz, Binunyag ang Mga Itinatagong Katotohanan Tungkol kay Nora Aunor – Ang Tunay na Nora Aunor, Lumantad na sa Harap ni Jim!

SHOCK: Binatikos si Celia Rodriguez: Matitinding reaksyon mula sa mga taga-Vilmanes sa pambabatikos kay Ate Vi! 😱

AMA NG TATLONG BATANG NASUNOG KlNASUHAN ANG KANYANG ASAWA KAHIT SUNOG NA AT lNlLlBlNG NA

JOVIT BALDIVINO MAY ANAK NA ITINAGO?! 😱 Lihim na Tagapagmana, IBINUNYAG na—KILALANIN ang MISTERIOSONG TAO na Kumakalat Ngayon at Nagpapagulo sa Legacy ng Singer!

Vice Ganda Pays P35,000 to Taxi Driver Who Transported Him From Sagada to Baguio

Dating Sidekick Lang ni Vice Ganda, Ngayon Siya na ang BIDA! 😱 Lassy Marquez, Nagulat ang Lahat sa Biglaang Pagsikat at Pagkabida sa Sariling Pelikula!

Mensahe niya, “For everyone, this is a reminder for everyone to be responsible. Kapag inaantok na, huminto.

“Di ba, at the end of the day, ang pinakamahalaga pa rin ang buhay kaysa sa ide-deliver.

“Mas mahalaga pa rin ang buhay kaysa sa kikitain sa trabaho. Mas mahalaga pa rin ang buhay nating lahat.

“Kasi kapag may nangyaring masama sa atin, di ba, may namatay o ano, it’s not gonna be worth it.

“Kaya kung inaantok, huminto, kung hindi kaya huwag magmaneho lalung-lalo na kung lasing.”

Dagdag pa niya, “Maging responsable sa kalsada kasi hindi lang naman yung buhay mo yung maaring malagay sa panganib. Maraming buhay ang maaapektuhan mo kapag nasa kalsada ka.”

VICE details vehicular accident

Nauna nang nakapanayam ng TV Patrol entertainment reporter na si MJ Felipe si Vice, kung saan idinetalye nito ang nangyaring aksidente.

Ayon kay Vice, papunta sana siya noon sa Bonifacio Global City (BGC) sa Taguig para makipagkita kay Vhong Navarro dahil dadalo sila sa birthday celebration ng aktor na si Wendell Ramos.

Halos kalalabas pa lang daw nila ng subdivision nang bigla siyang makarinig ng malakas na kalabog na animo’y bombang sumabog.

Lahad ni Vice, “Saturday night, actually Sunday na ng madaling-araw kasi mga 12:30 A.M. na yon, sa Katipunan, sa tapat ng gasoline station paglabas ng subdivision namin. Yung pa-U-turn ng UP [University of the Philippines].

“Papunta kasi ako nun ng BGC kasi magkikita kami ni Vhong dahil birthday ni Wendell Ramos kaya nasa kalsada ako.

“So, mga bandang 12:30, kakalabas lang namin sa gate ng subdivision, nagke-Candy Crush ako, tapos biglang parang may sumabog na parang bomba sa likod ko.

“Yung ang lakas-lakas talaga. [Napasigaw ako] ng ‘Oh my God!’ Tapos yung security ko napamura na.

“Sabi ko, ‘Anong nangyari?’ Binuksan ko yung bintana, pagbukas ko, nakita ko na yung mga sasakyan nagka [dikit-dikit na].”

Dito na raw napagtanto ni Vice na ang salarin sa aksidente ay isang delivery truck.

Aniya, “Ang nakita ko, yung Lalamove truck nakabunggo siya doon sa Mercedes Benz, tas yung Benz nakabunggo pa sa isang kotse.

“Tapos sa likod ko, meron pa pala. Pangalawang kotse pala akong binunggo niya. Hindi ako yung una, may isa pa, tapos ako. Tapos yung Benz bumangga doon sa isa pang kotse.”

Ang una raw naisip noon ng It’s Showtime host ay bumaba para i-check ang kalagayan ng nasa loob ng Mercedes Benz dahil ito ang talagang napuruhan sa pagbangga ng delivery truck.

Pagbabahagi niya, “So, nung nakita ko, sinabihan ako nung security na huwag akong bumaba. Sabi ko naman, ‘Yung driver ng Benz.’

“Kasi ang salpak nung truck, nasa driver side nung Benz, kaya feeling ko patay o duguan yung driver ng Benz.

“So, bumaba na ako, chineck ko. Tulala sila, dalawang bagets, mag-jowa.

“Tulala so kinakatok ko. Sabi ko ‘Are you okay, are you okay?’ Tapos yung babae [tumatango], sabi ko ‘Get out, you need to get some air.’

“Noong pinalabas ko yung driver [tinanong ko], ‘Tumama ba yung mukha mo?’ Sabi naman niya oo, humampas daw yung mukha niya sa bintana, pero hindi siya nagdurugo.

“Sabi ko naman kailangan niyang pumunta sa clinic. ‘You have to have yourself checked kasi baka for now wala kang nararamdaman kasi in shock ka pa, e.’”

VICE’S CONDITION

Matapos mag-trending sa social ang video na kuha sa nangyaring aksidente ay maraming nag-alala sa kalagayan ni Vice.

Kaya paglilinaw ng Kapamilya star, ayos lang siya at wala siyang natamong anumang sugat maliban sa matinding pagkabigla dahil sa malakas na impact ng banggaan.

Saad ni Vice, “Ako, wala akong naramdaman. Kasi yung sasakyan ko, sobrang tigas daw nun. Yung sasakyan ko kasi Cadillac Escalade, sobrang tigas daw nun.

“Kaya nung nakita nila, sabi nila, ‘Sa sobrang tigas ng kotse mo na nawasak yung sa likod, ibig sabihin sobrang lakas nung bangga niya, kasi hindi yan mawawasak nang ganyan.’

“Yung kotse ko [gumewang] pero parang may sumabog lang sa likod ko, pero ni hindi ako na-shake.

“Walang windang, yung tunog lang talaga yung malakas na parang nasa loob siya ng kotse. Ganon siya kalakas kaya ang lakas din ng tili ko.”

SHOWING KIND GESTURE TO OTHER VICTIMS

Maraming netizens ang humanga sa pagbaba ni Vice sa kanyang sasakyan para kumustahin ang iba pang sakay ng mga sasakyang naararo ng delivery truck.

Kiya sa viral ngayong video kung paano bigyan ng tubig at pakalmahin ng Kapamilya star ang isang babae at lalaking sakay ng Mercedes Benz.

Maging ang driver ng delivery truck, na halatang gulat din sa nangyari, ay kinumusta rin ni Vice.

Kuwento ni Vice, “Namumutla kasi [yung babaeng sakay ng Mercedes Benz], lahat kasi kami shock. Sabi ko, ‘Are you okay?’ Tumatango lang siya. Sabi ko sa security ko, ‘Kunin mo yung tubig sa kotse.’

“So, pinainom ko siya, pati yung driver, kahit hindi nauuhaw yung driver ng Benz. Tapos ako ininom ko na rin yung tubig kasi hindi ako makahinga.

“Pinuntahan ko rin yung driver ng truck.

“Sabi ko, ‘Kuya, okay ka ba?’ kasi tulala rin siya. Yung buong windshield tumalsik, wasak yung buo.

“Sabi ko, ‘Tumama ba yung mukha mo, may masakit ba sa yo?’ Sagot naman niya, ‘Naka-seatbelt naman po ako.’

“Tinanong ko rin kung ‘Nakatulog ka ba, lasing ka ba?’ Hindi siya nagsalita pero putlang-putla siya.”

VICE APPEALS FOR HELP

Noong Lunes, August 21, sa It’s Showtime, muling nagkuwento si Vice tungkol sa aksidenteng kinasangkutan. Dito rin niya inihayag ang pag-aalala para sa driver ng truck na nakabangga sa kanila.

Lahad niya, “Kasi kinausap namin… itong truck na to na Lalamove truck. Tinatanong kasi ako nung pulis na, ‘Sasampahan niyo ba [ng reklamo] yung driver?’

“Sabi ko, ‘Sino ba ang sasagot?’ Kasi ang sabi raw, hindi raw sasagutin nung Lalamove kasi sagot daw yon ng contractor yung may-ari ng truck.

“Sabi naman daw nung may-ari ng truck, hindi daw nila sagot. So, sa driver nila papasagutin.

“Siyempre, oo, tama na kasalanan naman talaga nung driver, pero nakakaawa rin.

“Paano niya sasagutin yung Cadillac Escalade at Mercedes Benz at may dalawa pa siyang nabangga, paano yon?

“Kaya yung pakiusap ko, sana tulungan naman nila yung driver. Tulungan nung contractor niya at saka nung Lalamove tutal malaking kumpanya naman yon, di ba?

“Ano ba naman yung siyempre tulungan, di ba? Bayanihan naman kayo diyan, hindi yung biglang ipapasagot lahat sa driver.”

Sa huli, sinabi ni Vice na kasama siya ng ibang biktima na magsasampa ng kaso para may mapanagot sa nasabing aksidente.

Aniya, “Yung may-ari ng Mercedes Benz, naniniwala silang may accountability kaya dapat may sumagot, kaya magsasampa sila ng demanda.

“Ako rin, magsasampa rin ako, kasi hindi naman puwede ganon-ganon lang. Someone is accountable.”

Dagdag pa niya, “Yung driver man yung nakabangga, pero sana bigyan naman ng assistance nung Lalamove at saka nung contractor niya.

“Huwag namang iwanan mag-isa yung driver. Kaya nga sabi ko, tutulong lang ba sila o magbibigay lang ba sila ng reaksiyon kapag may namatay?”