Kathryn Bernardo

SA WAKAS, makakalafang na uli nang bonggang-bongga ang Kapamilya star at Box-Office Queen na si Kathryn Bernardo.

Ilang araw din kasing kinarir ng award-winning actress ang pagwo-workput at pagda-diet para sa pagrampa niya sa “Body of Work” underwear fashion show na ginanap last Friday, March 21, sa Mall of Asia Arena.

In fairness, sulit na sulit naman ang pagsasakripisyo ni Kath dahil talagang pak na pak ang pagrampa niya sa runway kung saan kitang-kita ang kanyang kaseksihan at pagiging fit and fab.

Ayon kay Kathryn, ilang oras bago siya sumabak sa naturang underwear fashion event, nagkaroon pa siya ng final workout session sa loob ng kanyang dressing room with her fitness coach.

“We did some bands, and I brought my dumbbells, just to pump me up. I was really nervous, but then I had a wonderful time,” pahayag ni Kathryn sa panayam ng ABS-CBN.

Kaya naman ang promise ni Kath sa sarili, lalo pa’t malapit na ang kanyang 29th birthday, kakain daw siya ng mga paborito niyang lafang.“Ang tagal kong nag-prepare for this eh, so after this I can eat na. It was worth it naman for us, mga nag-prepare, mga nag-diet, and of course, sila Tito Ben (Ben Chan, may-ari ng Bench),” sabi pa ng aktres.

Nauna nang sinabi ni Kath na ang tanging wish niya sa kanyang birthday ay tunay na kaligayahan, “I’m just here for growth this year so sana magtuluy-tuloy siya. I just wanna be genuinely happy.”

“No plans but for now my last work is until Sunday then I’ll decide na lang kung saan man,” sabi pa niya.

Sa naganap namang grand mediacon ng pagbabalik sa ABS-CBN ng reality talent show na “Pilipinas Got Talent” kung saan isa si Kathryn sa magiging judge, naging open siya sa publiko about her true feelings

“I’m turning 29 in a few days. I’m at the point in my life again wherein I feel so lost.

“I felt this, I remember, when I gave a message for the thanksgiving party of the Hows of Us (isa sa mga blockbuster movie nila ni Daniel Padilla) this was the same feeling,” sey ni Kath.

“To be honest, I’m so scared, I’m so lost but I think it’s so brave na everyday I show up just like what Donny (Pangilinan, isa rin sa bagong judge ng PGT) said kanina, I show up and I choose to grow and accept all the uncertainties because I don’t know bigla ko lang siya na-feel,” paliwanag ng award-winning actress.

Nabanggit din ni Kathryn na maaaring “birthday blues” o ang tinatawag na “quarter life crisis” ang nararamdaman niya ngayon.