Angel trends on X as fans speculate if she’s ready to get back to work.

Angel Locsin posts a message of support for stepson Joaquin Arce; thrills fans to see her break her social media hiatus. 
PHOTO/S: @therealangellocsin / @starmagicphils Instagram

Sa gitna ng kanyang showbiz hiatus, nagparamdam si Angel Locsin nang ihayag ang suporta para sa stepson na si Joaquin Arce.

Si Joaquin ay anak ng mister ni Angel na si Neil Arce.

Agaw-pansin ngayong Huwebes ng gabi, July 24, 2025, ang pag-post ni Angel sa kanyang Instagram Story ng reel ni Joaquin.

Makikita sa video na nagpakilala si Joaquin na bagong artista ng Star Magic, ang talent management arm ng ABS-CBN Studios.

Todo-suporta si Angel na naghayag sa caption: “Me, your mom & your dad are proud of you” kasama ng heart emoji.

Dagdag ni Angel, “can’t wait to work with you.”

Photo/s: @therealangellocsin Instagram Story

Agad na nag-trend ang pangalang “Angel Locsin” sa X dahil marami sa kanyang masugid na tagasuporta ang masaya na naging aktibo siya sa IG makalipas ang halos tatlong taon.

August 1, 2022 ang huling IG post ni Angel.

ANGEL LOCSIN READY TO GET BACK TO WORK?

Ayon sa netizens sa X, excited sila sa pahiwatig ni Angel na posibleng magbalik-trabaho ito.

“Panghahawakan ko yang sinabi mong ‘Can’t wait to work with you.’ Gulatin mo kami, Angel Locsin!” komento ng isang fan.

“Comeback confirmed,” sabi pa ng isa.

“Me rn: Kasi may pag asa BUMALIK Si Angel Locsin,” saad ng isa pang fan kalakip ng meme video na todo gulat at di makapaniwala sa balitang natanggap.

Huling napanood si Angel sa Iba Yan (2020), isang docu-series na nagpapamalas ng spirit of generosity and compassion ng mga Filipino noong kasagsagan ng COVID-19 pandemic.

Ang huling full-length series niya ay The General’s Daughter noong 2019.

DIMPLES ROMANA ON ANGEL’S HIATUS

May mga pagkakataong nagtatanong ang netizens kung nasaan na si Angel, dahil hindi talaga ito nagpakita sa publiko habang ito ay nakapahinga sa showbiz.

Siniguro naman ni Dimples na nagkikita at may komunikasyon sila ni Angel.

Sa huling ulat ng PEP Troika noong 2024, ipinaliwanag ni Dimples na nag-e-enjoy si Angel sa desisyon nitong manatiling pribado.

Hindi rin nga raw talaga ito nagso-social media, bagamat aware raw ito na marami ang nakaka-miss rito.