Si Cassy Legaspi, isang Filipina actress at TV host, ay hindi napigilang kiligin matapos mapansin ng global fashion icon na si Heart Evangelista ang kanyang mga larawan sa Instagram.
Noong Saturday, July 19, nagbahagi si Cassy ng mga larawan at video ng kanyang mga OOTD habang nasa Seoul, South Korea. Mula sa casual look hanggang sa cute at chic na outfit, agaw-pansin ang kanyang ganda at natural na aura habang nagpo-pose sa harap ng camera.
Source: Instagram
Sa kanyang caption, may simpleng note si Cassy at isinulat ang“Seoul fits,” ngunit ang naging highlight ng kanyang post ay ang komento ni Heart Evangelista na nagpabighani sa Kapuso star.
“Ganda [heart eyes emojis],” komento ni Heart, na agad namang sinagot ni Cassy ng, “Kilig! Thank you, ate [pleading eyes emoji].” Ibinahagi talaga ng aktres ang kanyang tuwa at kilig sa simpleng pagkilala ng isa sa mga sikat na global fashion icons ang kanyang post at pati na rin mga OOTDs.
Bukod kay Heart, ilang kilalang personalidad tulad nina Julie Anne San Jose at Arra San Agustin ang nagpaabot din ng papuri sa mga OOTD ni Cassy habang siya ay nasa Seoul, na lalong nagpapatunay sa kanyang husay sa fashion at natural na charm sa social media.
Aniya pa nga ng ilang netizens, talagang nakakabighani raw ang ganda ni Cassy sa mga photos na ito, kung kaya’t hindi na nakakagulat na napansin ito ng mga local celebrities sa Instagram.
Source: Instagram
Si Cassy Legaspi ay anak nina Zoren Legaspi at Carmina Villarroel at kambal na kapatid ni Mavy Legaspi. Bilang artista ng GMA Network, unang lumabas si Cassy sa reality show na Lip Sync Battle Philippines noong 2016. Noong 2021, gumanap siya bilang Nina Acosta sa seryeng First Yaya at ipinagpatuloy ang kanyang role sa First Lady noong 2022. Co‑host din siya ng cooking talk show na Sarap, ‘Di Ba? kasama ang kanyang pamilya. Bukod sa kanyang career, ibinahagi ni Cassy noong 2025 ang kanyang diagnosis ng hypothyroidism na ikinagulat naman ng marami.
Sa nakaraang ulat ay nag-viral ang napakagandang larawan ni Cassy Legaspi na ipinost niya online. Sa kanyang Instagram, nag-upload ang anak nina Carmina Villarroel at Zoren Legaspi ng isang mirror selfie. Makikita siyang nakasuot ng crop top at denim pants sa naturang larawan. Kapansin-pansin din ang kanyang kahanga-hangang slim fit sa nasabing picture.
Samantalang noong 2024 ay pinatawa ni Cassy Legaspi ang mga netizen sa social media. Nag-upload kasi si Cassy ng isang candid video ng kanyang mga magulang, sina Carmina at Zoren Legaspi. Sa viral na video, makikitang tinutulungan ni Zoren ang kanyang asawa, si Carmina, sa pagkain sa mesa. Ngunit pagkatapos, nagbigay si Cassy ng nakakatawang reaksyon at paliwanag.
