Si Rufa Mae Quinto, isang kilalang aktres, ay naging usap-usapan sa social media matapos niyang mag-post ng ilang lumang photos kasama ang estranged husband niya na si Trevor Magallanes.
Source: Instagram
Noong Thursday, July 31, nag-upload si Rufa sa kanyang Instagram page ng mga lumang larawan nila ni Trevor at ng kanilang anak na si Athena — mga alaala mula sa panahong magkasama pa sila bilang pamilya. Bagama’t walang nilagay na caption ang aktres, mabilis na napansin ng mga netizens na ilan sa mga lokal na celebrities ay tila nagpaabot ng pakikiramay sa komedyante.
Ilan lamang sa mga local celebrities na nakiramay kay Rufa sa kanyang now-viral post sa Instagram ay sina Maxene Magalona, Jaya, Alessandra de Rossi, at Candy Pangilinan. Sa comment section, isinulat ni Maxene: “Sending you so much love. I’m so sorry for your loss,” habang ang mensahe naman ni Jaya ay, “Mare, I don’t know what to say… please read my DM.”
Source: Instagram
Lalong lumakas ang espekulasyon ng publiko matapos i-repost ni Rufa ang isang lumang video ni Trevor na unang ibinahagi ng Instagram user na si @kume_arisa415. Sa nasabing account, makikita rin ang iba pang mga lumang larawan ni Trevor, at isa sa mga post ay may nakasulat na parang tribute kay Trevor:Â “I thought we were all going to grow old with grey hair and wrinkles…”
Bukod dito, ni-repost din ng nabanggit na account ang isang collage mula sa user na si @mariye_kume, kung saan mababasa ang caption na: “The Kume’s. Oldies but goodies! RIP Brother.” Sa kabila ng mga post na ito na napansin ng ilan, wala pang opisyal na pahayag si Rufa ukol sa pagpanaw umano ni Trevor Magallanes hanggang sa oras ng pagsulat ng article na ito.
Matatandaang noong December 2024, isiniwalat ni Trevor na sila ni Rufa Mae ay nasa proseso ng paghihiwalay, ayon sa ulat ng PhilStar. Gayunpaman, iniulat ng Manila Bulletin noong January 2025 na wala pang pormal na kaso ng divorce ang isinampa ng alinman sa kanila. Sa isang article naman na ipinost ng GMA News, sinabi ni Rufa na: “Kaya lang, ayaw na rin niya, so ayaw ko na rin at ginagalang ko yun,” bilang tugon sa estado ng kanilang relasyon ni Trevor.
Habang naghihintay pa ang publiko sa anumang kumpirmasyon, patuloy ang pagbuhos ng suporta at dasal para kay Rufa Mae at sa kanyang pamilya sa comment section niya sa Instagram.
[Updated as of 2:35 PM, July 31]: Kinumpirma na mismo ni Rufa ang pagpanaw ng kanyang asawa na si Trevor sa kanyang edited post sa Instagram. Aniya Rufa sa post niya, “I’m deeply saddened by this development. Hope you give us time to mourn his lost, especially my daughter.”
Source: Instagram
Si Rufa Mae Quinto ay isang kilalang Filipina aktres at komedyante. Kilala siya sa kanyang campy na humor at natatanging istilo sa pagpapatawa, na naging dahilan upang maging mahalagang personalidad siya sa kulturang pop ng Pilipinas. Nagsimula ang kanyang karera sa showbiz noong 1996 sa variety show na That’s Entertainment. Sa takbo ng kanyang karera, naging bahagi siya ng maraming matagumpay na pelikula. Sa kanyang personal na buhay, ikinasal siya kay Trevor Magallanes noong 2016 at biniyayaan sila ng anak na babae na si Athena noong 2017.
Sa nakaraang ulat  noong April, kinilig ang mga fans sa masayang pagkikita nina Rufa Mae Quinto at Anne Curtis. Sa Bacolod-Silay International Airport, nagkasalubong ang dalawa kung saan masayang niyakap ni Rufa si Anne. Ibinahagi rin ni Rufa ang nakakatuwang pag-uusap ni Anne at ng anak niyang si Athena, na talaga namang kinatuwaan ng mga netizens.
Samantalang noong December 2024, nagbahagi si Rufa Mae Quinto ng isang nakaaantig na throwback photo sa kanyang Instagram. Ipinakita sa litrato ang masayang alaala nila ng kanyang yumaong ama. Kalakip ng larawan, isinulat ni Rufa Mae ang isang maikli ngunit taos-pusong caption na tumimo sa damdamin ng maraming netizen, lalo na sa kanyang mga fans.
