Kasal nina EA Guzman at Shaira Diaz, gaganapin sa August 14?

EA Guzman on prenup pictorial with fiancee Shaira Diaz in Nami Island, South Korea: “Prior to our shoot date, weather had been unpredictable — too cold, windy, and rainy. But on the day of our shoot, God blessed us with perfect weather! Ang lakas po namin sa Inyo! Thank You.”
PHOTO/S: Nice Print Photography

GORGY RULA

Nabanggit noon ni Edgar Allan “EA” Guzman sa ilang interviews na gusto ng kanyang fiancée na si Shaira Diaz na sa South Korea gawin ang kanilang prenup pictorial.

Natupad naman ang K-drama effect na prenup pictorial na kinunan sa Nami Island sa South Korea.

Halos isang taon daw nila itong pinaghandaan pagkatapos mag-propose ni EA kay Shaira noong February 2024.

Naging maayos naman daw lahat, pati ang pictorial nila sa South Korea.

Thankful ang Kapuso actor dahil nakipag-cooperate sa kanila ang panahon nang nag-shoot sila sa South Korea.

Pagbabahagi ni EA sa kanyang IG post: “Prior to our shoot date, weather had been unpredictable — too cold, windy, and rainy. But on the day of our shoot, God blessed us with perfect weather! Ang lakas po namin sa Inyo! Thank You [praying and white heart emoji].”

Nasa IG post din ni Shaira ang ilang kuha ng naturang pictorial na ang nasa caption ay “Straight out of a K-drama” at “The calm before ‘I do.’”

May hashtag itong #SHAIranghEAyo.

Nagpasalamat sila sa lahat ng naging bahagi ng kanilang pictorial at sa ibang suppliers nila.

WEDDING DETAILS

Hindi pa naglalabas sina EA at Shaira ng buong detalye ng wedding, pero may nakuha kaming impormasyon na naka-schedule daw ang wedding sa August 14, 2025, na gagawin sa Tagaytay.

Hindi lang sinabi kung saan exactly sa Tagaytay, pero matagal na raw nilang pinagdesisyunang doon gawin ang kanilang kasal.

Nagpo-post naman nina EA at Shaira ng mga pinupuntahan nilang kaibigan na magiging bahagi ng entourage.

Meron pa raw silang pinuntahan sa Cotabato na personal nilang kinausap para maging bahagi ng principal sponsors.

JERRY OLEA

Oh-la-la!!! Ang saya-saya!!!

Totoo bang marami ang willing mag-sponsor sa pag-iisang dibdib nina Shaira Diaz at Edgar Allan Guzman?!

Kahit paano, bawas din ng gastos kemerut iyan, di ba?!?!!

Sa wakas, malalasap na nila ang lollapalooza chururut! Cheers!

NOEL FERRER

For now, ang Julius Babao-Tintin Bersola wedding ang record holder ng pinaka-sponsored local celebrity wedding na may TV coverage pa during their time.

Let’s see if this EA-Shaira wedding will measure up.

Our best wishes!