Sina Janella Salvador at Mario Mortel ang nasa 2018 teaser.
Noong 2018, sina Janella Salvador at Mario Mortel (right photo) ang itinampok sa teaser para sa gagawin pa lang na Wattpad series na “I Love You Since 1892.” Pero ngayong 2025, sina Heaven Peralejo at Jerome Ponce (left photo) na ang bida sa aktuwal na pagsasadula ng Wattpad series sa TV.
PHOTO/S: Studio Viva / Janella Salvador-Mario Mortel Facebook Fan Page
Lumikha ng malaking ingay ang anunsiyo na sina Heaven Peralejo at Jerome Ponce ang mga bida sa I Love You Since 1892.
Ito ay dahil sina Janella Salvador at Marlo Mortel ang mga artistang tampok sa teaser na lumabas noong 2018 tungkol sa sikat na Wattpad novel na isasadula na sa streaming platform.
Janella Salvador and Marlo Mortel were announced as the lead stars of the TV adaptation of I Love You Since 1892, but the project did not push through.
Photo/s: ABS-CBN
Pero sa cast reveal media conference noong Hulyo 24, 2025, sina Heaven, Jerome, at Joseph Marco ang mga ipinakilala bilang mga pangunahing tauhan sa kuwentong isinulat ni Mia Alfonso.
Isa nang ganap na serye ang I Love You Since 1892 na mula sa direksiyon ni McArthur Alejandre at mapapanood sa Viva One.
JEROME IN, MARLO OUT
Si Jerome at hindi si Marlo ang gaganap sa karakter ni Juanito Alfonso at sa naganap na cast reveal ng proyekto, nagbitaw ng salita si Jerome na patutunayan nitong hindi nagkamali ang mga bumubuo ng produksyon sa pagpili sa kanya.
Nagpahiwatig ng kasiyahan si Jerome nang sabihin nitong, “Una sa lahat, masaya dahil trabaho, proyekto, saka bagong karakter at bagong tanong na naman para sa mga taong sumusuporta sa amin, kung magagampanan namin nang maayos ito at isang bagong parte ng career namin na tatahakin.
“Nandun yung saya, takot, excitement, at saka napapaisip. Nandun na naman yung doubts pero eto na naman ako.
CONTINUE READING BELOW ↓
NOOD KA MUNA!
“Sa mga nakakilala sa akin, hindi ko hinahayaan na yung doubts ng iba e umabot sa akin. Di bale na yung doubts ko, lalabanan ko hanggang sa yun na ang makita ng mga tao.
“So, excited ako na ma-prove ko na yung tiwala na ibinigay sa akin ng mga boss saka ng mga tao sa produksiyon ng I Love You Since 1892 e magampanan ko nang maayos.”
Joseph Marco, Heaven Peralejo, and Jerome Ponce star in the adaptation of Wattpad series I Love You Since 1892.
Photo/s: Studio Viva Facebook
JOSEPH’S FIRST PROJECT AS VIVA ARTIST
Ang I Love You Since 1892 ang unang proyekto ni Joseph bilang exclusive contract star ng Viva Artists Agency at lubos ang kanyang pasasalamat dahil siya ang pinili para gampanan ang katauhan ni Leandro Flores.
“I am privileged and honored, especially kaka-sign up ko lang sa Viva, wala pang two weeks, and they gave me this project.
“At this point in my career, ito yung mga project na, as an artist, dito ako naha-high.
“When I get to really change my look, change my personality. I’ve been prepping for two months, and I am very passionate about this project.
“I feel so lucky and araw-araw kong kapiling si Leandro. Unti-unti ko siyang kinikilala. I am just really excited to work with great talents, especially it’s my first time to work with Direk McArthur Alejandre, Heaven, and Jerome,” deklarasyon ni Joseph na pinuri rin ang book author na si Mia Alfonso.
“I am gonna give credit to Bb. Mia Alfonso, napakagaling ng pagkakasulat niya.
“Nung binasa ko yung libro, sabi ko, grabe ang imagination ng batang ito. Napakagaling! So, I am just very thankful for this project,” mensahe ng pasasalamat ni Joseph.
